श्रीगोंदा (प्रतिनिधी) :- सावित्रीबाई फुले पुणे विद्यापीठ  ,पुणे अंतर्गत पाथर्डी येथे नुकत्याच झालेल्या जिल्हास्तरीय बॉडी बिल्डिंग स्पर्धेमध्ये महाराजा जिवाजीराव शिंदे महाविद्यालयाचा गणेश माणिक भोस याने 90 किलो वजन गटामध्ये उल्लेखनीय कामगिरी करून प्रथम क्रमांक मिळविला. तसेच त्याने अहिल्यानगर विभाग ’श्री’ हा किताब दुसऱ्यांदा मिळवला. व  मागील वर्षी त्याने सावित्रीबाई फुले पुणे विद्यापीठ ‘श्री’ हा बहुमान मिळवून अखिल भारतीय आंतरविद्यापीठ स्तरावर त्याने  ब्रांज पदक प्राप्त केले होते. ही महाविद्यालयाच्या व श्रीगोंदा तालुक्यासाठी अतिशय अभिमानाची गोष्ट आहे. आजच्या तरुण पिढीसाठी गणेशची ही यशस्वी कामगिरी प्रेरणादायी आहे. 

         त्याच्या या यशाबद्दल महाविद्यालयाचे प्रभारी प्राचार्य प्रो.डॉ. महादेव जरे, उपप्राचार्य डॉ. प्रकाश साळवे, वाणिज्य विभाग प्रमुख डॉ. सुदाम भुजबळ, ज्युनिअर कॉलेजचे उपप्राचार्य प्रा. शहाजी मखरे व सर्व प्राध्यापक, शिक्षकेतर कर्मचारी यांनी अभिनंदन केले व गणेशच्या पुढील वाटचालीस शुभेच्छा दिल्या. या खेळाडूला शा. शि .संचालिका कल्पना बागुल, राष्ट्रीय पंच किरण पाटील (शिर्डी) आणि क्रीडा शिक्षक संजय डफळ, संतोष जाधव यांचे मार्गदर्शन लाभले.