लिंपणगाव (प्रतिनिधी)- श्रीगोंदा तालुक्यात मोठी ग्रामपंचायत समजली जाणाऱ्या लिंपणगाव ग्रामपंचायतचे ग्रामविकास अधिकारी हे अकार्यक्षम असून मनमानी पद्धतीने ग्रामपंचायतीचा कारभार करत आहेत. त्यामुळे ग्रामविकास अधिकाऱ्यांवर कोणाचाही वचक राहिला नसल्याने गावच्या विकास कामांना मोठी खिळ बसली आहे. त्यामुळे ग्रामपंचायतीचा कारभार रामभरोसे असल्याचे दिसून येत आहे. विकास कामांकडेही ग्रामविकास अधिकारी जाणूनबुजून दुर्लक्ष करत असून वेळोवेळी अनुपस्थितीत राहत आहेत. त्यामुळे सर्वसामान्यांची कामे रखडले जात आहेत. या संदर्भात गटविकास अधिकाऱ्यांना वेळोवेळी निवेदने व समक्ष भेटून देखील ग्रामविकास अधिकाऱ्यांवर कोणतीही कारवाई केली जात नसल्याने ग्रामसेवकावरील कारवाई संदर्भात लवकरच गटविकास अधिकाऱ्यांच्या दालनासमोर आमरण उपोषण करण्याचा निर्णय घेणार असल्याचे युवक कार्यकर्ते विजय धनंजय ओहोळ यांनी गटविकास अधिकाऱ्यांना दिलेल्या निवेदनात म्हटले आहे. गटविकास अधिकारी श्रीगोंदा यांना दिलेल्या निवेदनात विजय ओहोळ यांनी म्हटले आहे की; लिंपणगाव येथील सन 2017 -18 या आर्थिक वर्षात पंचायत समितीमार्फत गावामध्ये ए आर ओ फिल्टर बसवण्यात आले; तेव्हापासून आजपर्यंत ग्रामसेवकाला गटविकास अधिकारी यांना वारंवार अर्ज करून तसेच माहितीचा अधिकारात अर्ज देऊन देखील ए आर ओ फिल्टर चालू करण्यासाठी पत्र देण्यात आले होते. तरीदेखील ए आर ओ फिल्टर चालू झालेला नाही. या कामासाठी ग्रामविकास अधिकारी तत्पर नाही. फिल्टर चालू होत नाही. व कोणतेही विकास कामे होत नाहीत. सद्यस्थितीला दलित वस्ती मधील सार्वजनिक पाईपलाईन सध्या बंद करण्यात आली आहे. त्यामुळे या दलित वस्तीत विहिरींना पाणी असून; देखील महिला व ग्रामस्थांना पाण्यासाठी भटकंती करावी लागत आहे. ग्रामविकास अधिकाऱ्याला समक्ष भेटल्यानंतर त्यांच्याकडून उद्धटपणे ग्रामस्थांना भाषा वापरली जाते. तसेच गावातील अनेक सिटीसर्वेच्या जागे संदर्भात न्यायालयात वाद चालू आहेत. त्या संदर्भात ग्रामविकास अधिकारी जाणूनबुजून तारखांना हजर राहत नाही. न्यायालयाचा देखील ग्रामविकास अधिकारी अवमान करतात. त्यामुळे अशा या अकार्यक्षम ग्रामविकास अधिकाऱ्यांची तातडीने बदली करा अन्यथा निलंबित करण्यात यावे; पाच दिवसात गटविकास अधिकाऱ्यांनी निवेदनाची दखल न घेतल्यास आमरण उपोषण करण्याचा निर्धार विजय ओहोळ यांच्यासह ग्रामस्थांनी घेतला आहे. चौकोनात घ्यावे * न्यायालयाची नोटीस असूनही ग्रामसेवकाची अनुपस्थिती दरम्यान लिंपणगावातील ज्या नागरिकांच्या सिटीसर्वे संदर्भात न्यायालयात वाद सुरू आहे ग्रामपंचायतीचे म्हणणे मांडण्यासाठी ग्रामविकास अधिकारी यांना रीतसर वकिलामार्फत न्यायालयाची समन्स बजावून देखील वेगवेगळी कारणे दाखवून न्यायालयात देखील ग्रामविकास अधिकारी श्री धायगुडे उपस्थित राहत नाही या संदर्भात गटविकास अधिकाऱ्यांनी संबंधित ग्रामसेवकाला सूचना देऊन देखील न्यायालयाकडे फिरकत नाही. सरपंच; उपसरपंच तसेच सदस्य यांनी सूचना मांडल्यानंतर त्यांचेही प्रश्न सोडवत नाही. ग्रामसभेच्या ठरावाचे ही ग्रामसेवकाकडून कार्यवाही होत नाही. त्यामुळे ग्रामस्थ त्रस्त आहेत. गटविकास अधिकाऱ्यांच्या आदेशाचे देखील ग्रामसेवकाकडून पालन होत नाही. त्यामुळे ग्रामसेवकाची तातडीने बदली करावी अन्यथा त्याला निलंबित करावे; अशी मागणी युवक कार्यकर्ते सतीश काशिनाथ भगत यांच्यासह ग्रामस्थांनी केली असून या संदर्भात लवकरच जिल्हा परिषदेचे कार्यकारी अधिकारी भेटणार असल्याचे विजय ओहोळ व सतीश काशिनाथ भगत यांनी पत्रकारांशी बोलताना सांगितले.
वाचक क्रमांक :

प्रकाश म्हस्के
संपादक

श्रीगोंदा तहसील व भूमी अभिलेख कार्यालयाकडून श्रीगोंदा तालुका राज्याला दिशादर्शक रोड मॉडेल बनवण्याचा ऐतिहासिक निर्णय!

के पी जाधव हायस्कूल अँड ज्युनिअर कॉलेज चिंभळे बारावीच्या परीक्षा केंद्रावर संपूर्ण परीक्षा सुरळीत संपन्न

श्री व्यंकनाथ विद्यालयाने शंभर दिवस विविध उपक्रमांचे विस्ताराधिकाऱ्यांकडून समाधान

काष्टी येथील परिक्रमा तंत्रनिकेतन महाविद्यालयाची यशोगाथा, 39 विद्यार्थ्यांची बजाज ऑटो लि.नामांकित कंपनीमध्ये निवड

काष्टी येथील परिक्रमा तंत्रनिकेतन महाविद्यालयाची यशोगाथा, 39 विद्यार्थ्यांची बजाज ऑटो लि.नामांकित कंपनीमध्ये निवड

23 व्या पुणे इंटरनॅशनल फिल्म फेस्टिव्हलमध्ये ‘गिरान’ची विशेष निवड

जबरी चोरीच्या उद्देशानेच आरोपी गेले होते. इतर कोणताही उद्देश नव्हता चोरांची कबुली. मा.पोलीस अधिक्षक पंकज देशमुख

सहजपुर गाडमोडीत कल्याण मटका जुगार जोरदार. अवैध धंदे चालवणाऱ्या महाठकांचा तत्काळ बंदोबस्त करा. नागरीकांची मागणी.

कडेठाण येथील लता बबन धावडे यांचा वन्य प्राण्यांच्या हल्लात मृत्यु झाला नाही. प्रादेशिक न्याय वैज्ञानिक प्रयोग शाळा नागपुर अहवाल प्राप्त. दगडाने ठेचुन जिवे ठार मारले.

दौंड तालुक्यातील मौजे भांडगाव येथील लक्ष्मी इन्टर प्रायजेस या कंपनीतील आगीमध्ये सुमारे ३५ लाख रूपयांचा माल जळून खाक.

पाटबंधारे विभागाच्या हद्दीत पत्रा शेड तयार करून १ लाख ५० हजार घेऊन विक्री. निराधार विधवा महिलेची फसवणूक.

मुळा मुठा कालवा पुलाच्या अपूर्ण बांधकामामुळे कासुर्डी नागरिकांना घालावा लागतोय दुरुन वळसा.

महाराजा जिवाजीराव शिंदे विद्यालयात 395 वी शिवजयंती उत्साहात साजरी

ग्रामपंचायत अधिकारी व सरपंच यांना शिवीगाळ व दमदाटी केल्याप्रकरणी कारवाईची मागणी

मराठी चित्रपट लवेरिया थेट YouTube वर रिलीज; १४ फेब्रुवारीला प्रेक्षकांच्या भेटीला

महाराष्ट्र राज्य लोकसेवा आयोग एमपीएससी परीक्षेत श्रीगोंद्यातील दोन सख्या बहिणींनी केले यश संपादन

नगर दौंड राष्ट्रीय महामार्गावरील नवीन वृक्ष लागवडीचे घोडे अडले कुठे? , पाच वर्षांनंतरही वनविभागाचे अधिकारी वृक्ष लागवडी बाबत अनभिज्ञ नंदकुमार कुरुमकर

भारतीय बौध्द महासभा कोरेगाव मूळ ग्रामशाखेच्या वतीने माता रमाई जयंती साजरी. समता सैनिक दलाची साप्ताहिक परेड संपन्न.

बिबट्याच्या दहशतीमुळे श्रीगोंदा तालुक्यातील जनतेला जंगलात राहिल्यासारखे वाटते

लिंपणगावच्या ग्रामविकास अधिकाऱ्याचा मनमानी कारभार चव्हाट्यावर! , ग्रामविकास अधिकाऱ्यांच्या एकाधिकारशाही विरुद्ध आमरण उपोषण करणार- विजय ओहोळ