लिंपणगाव( प्रतिनिधी)- श्रीगोंदा तालुक्यातील शैक्षणिक क्षेत्रात अग्रेसर असलेल्या लोणी व्यंकनाथ येथील श्री व्यंकनाथ विद्यालयात इयत्ता पाचवी ते आठवी वर्गातील शिक्षक पालक मेळावा नुकताच उत्साहात संपन्न झाला. अध्यक्षस्थानी नागवडे कारखान्याचे संचालक व स्कूल कमिटीचे अध्यक्ष डी आर काकडे सर हे होते. 

     यावेळी प्रास्ताविकामध्ये ज्येष्ठ शिक्षक शिवाजी इथापे यांनी विद्यालयाच्या विविध उपक्रमासह विद्यार्थ्यांच्या सर्वांगीण विकासासाठी शासकीय परीक्षण बाबत ज्यादा तास; विविध स्पर्धा परीक्षा याबाबत मुख्याध्यापक; शिक्षक व शिक्षकेतर हे कर्मचारी सतर्क राहून विद्यालयाच्या गुणात्मक वाढीसाठी सर्वतोपरी प्रयत्नशील असल्याचे सांगितले.

      यावेळी विद्यार्थी पालक अजित दळवी यावेळी म्हणाले की; शाळेबद्दल अभिमान वाटतो शाळेची शिस्त; "स्वच्छ शाळा सुंदर शाळा" यासाठी झाडे लावून त्याचे संगोपन करावे असे सांगितले. 

     यावेळी पालक संतोष काकडे यांनी विचार मांडताना सांगितले की; संध्याकाळी विद्यार्थ्यांकडून लेखाजोखा घेतला जावा. शाळा व्यवस्थापनाचे काम समाधानकारक असल्याचे सांगितले. 

       अमोल साळवे यावेळी म्हणाले की; शाळेतील वातावरण समाधानकारक आहे. असे असताना सर्व जबाबदारी शिक्षकांवर लाधता येणार नाही; त्यासाठी पालकांनीही जबाबदारी स्वीकारावी असे सांगितले. 

      पालक इथापे संतोष यांनी सूचना मांडताना शाळेसमोर गतिरोधक करून घ्यावेत. तर विकास जठार यांनी विद्यार्थ्यांचे आरोग्यासाठी पी एस सी चा वापर झाला पाहिजे; अशी सूचना मांडली. अंबादास मडके यांनी विद्यार्थी अनुकरण करावे; राजवीर मडके यांनी ऊनमोतम नवीन तंत्रज्ञानाचा वापर करावा; पूर्णवेळ कॉम्प्युटर लॅब चालू करावी. अशा विविध विद्यार्थी व विद्यालयाच्या विकासासंदर्भात उपस्थित पालकांनी सूचना मांडल्या.

      यावेळी पालकांच्या प्रश्नांना उत्तरे देताना प्राचार्य श्री पुराने ए. एल. यांनी पालकांनी उपस्थित केलेल्या सर्व प्रश्नांना समर्पक अशी उत्तरे देत प्राचार्य पुराने म्हणाले की; पालक मेळावा हा पालकांच्या सूचनांसाठी असतो. यावेळी सूचनांचा आदर केला जातो. माझी सर्व सेवा गावच्या शाळेसाठी निस्वार्थपणे अर्पण केली आहे. शाळा प्रशासन चालवताना पालकांच्या विश्वासाला तडा जाऊ दिला जाणार नाही; अशी ग्वाही देत प्राचार्य पुराने पुढे म्हणाले की; शाळेत उत्तम प्रकारे विद्यार्थ्यांना पोषण आहार दिला जातो. सर्व अभ्यासक्रम व्यवस्थित घेतला जातो. मुले हीच आपली खरी संपत्ती आहे; हा दूरदृष्टीकोन समोर ठेवला जातो. विद्यार्थी मोठा झाला म्हणजे शिक्षकांनाही आनंद होतो. ही भावना आम्हा सर्व शिक्षकांची आहे. पालकांनी देखील आपली जबाबदारी म्हणून पाल्यासंदर्भात वेळोवेळी विद्यालयात भेटी द्याव्यात;  पालक चांगले म्हणून विद्यार्थी चांगले शाळेच्या सर्वांगीण विकासासाठी स्कूल कमिटीचे ही भरीव मार्गदर्शन लाभत असल्याचे श्री पुराने यांनी यावेळी सांगितले. 

      अध्यक्ष स्थानावरून बोलताना नागवडे कारखान्याचे संचालक डी आर काकडे यावेळी मार्गदर्शनपर भाषणात यांनी प्रथम गावचे उद्योजक लखन शेठ नगरे यांनी विद्यालयाला नवीन बेंचेस दिल्याबद्दल आभार व्यक्त करत; विद्यालयाच्या सर्वांगीण विकासासाठी मुख्याध्यापक काम करण्यास सक्षम आहेत. स्कूल कमिटीचे ही विद्यालय कडे बारीक लक्ष आहे. पालकांना शाळेबद्दल आदर आहे. परंतु वेळचे वेळी पाल्यांचा गुणात्मक बाबीसाठी शाळेत भेटी द्याव्यात; बंद अवस्थेतील प्रयोगशाळा चालू करून शिक्षकांकडून प्रयोग होण्यासाठी सूचना दिलेल्या आहेत.  विद्यालयाच्या सीसीटीव्ही कॅमेऱ्यासाठी लोकसभाग व माजी विद्यार्थी मेळावा घेण्याच्या सूचना देखील यावेळी श्री काकडे यांनी  शाळा प्रशासनाला दिल्या. यावेळी शिक्षक शिक्षकेतर कर्मचारी उपस्थित होते.

    सूत्रसंचालन शिक्षक संभाजी इथापे यांनी केले स्वागत श्रीमती शेख नौशाद मॅडम यांनी केले आभार श्रीमती सायली गायकवाड मॅडम यांनी मानले.

प्रकाश म्हस्के
संपादक

कोहलेर पावर इंडिया कॉर्पोरेशन प्रायव्हेट लिमिटेड या कंपनीकडून इंदिरा गांधी पॉलिटेक्निक बेलवंडी (शुगर) ५० कॉम्प्युटर, लॅपटॉप, वॉटर कुलर व मोठे झेरॉक्स मशीन भेट.

स्वर्गीय आमदार सुभाष आण्णा कुल यांच्या विचारांचा वारसा पुढे चालवत आहे. आमदार राहुल कुल.

एनडीए सरकारच्या वाचाळवीरांवर तात्काळ गुन्हे दाखल करा:- युवक काँग्रेस

सहकार महर्षी बापूंनी सहकाराच्या माध्यमातून श्रीगोंदा तालुका सुजलाम सुफलाम केला - प्रसिद्ध व्याख्याते गणेशजी शिंदे

मुख्यमंत्री व दोन्ही उपमुख्यमंत्री बुधवारी सोलापुरात! मुख्यमंत्री माझी लाडकी बहीण योजनेचा वचनपूर्ती सोहळा; 40,000 महिलांना कार्यक्रमासाठी आणायला 400 बसगाड्या

स्वामी चिंचोली येथे मोफत आरोग्य तपासणी शिबिर संपन्न

वडगाव शेरी मतदार संघाचे माजी आमदार बापूसाहेब पठारे, त्यांचे चिरंजीव सुरेंद्र पठारे व तीन माजी नगरसेवकांचा राष्ट्रवादी शरदचंद्र पवार पक्षात प्रवेश

लाडकी बहीण योजनेमुळे महायुतीचं राज्य पुन्हा येईल, अशी स्थिती…शरद पवारांचं वक्तव्य चर्चेत

शरद पवारही माझ्याकडे बघून हसू लागले; अशोक सराफांनी सांगितला सुप्रिया सुळेंच्या लग्नातला विनोदी किस्सा

स्वर्गीय सहकार महर्षी शिवाजीराव नागवडे बापू यांच्या पुण्यस्मरणानिमित्त उद्या वांगदरी येथील अंबिका मातेचे मंदिरात व्याख्यान        

स्वाभिमानी मराठा महासंघाच्या राज्य निरीक्षक पदी भानुदास वाबळे यांची नियुक्ती

यवत येथील गणेश विसर्जन मिरवणूकीत कार्यकर्ते झिंग झिंगाट. मंडळांच्या प्रमुखांनमुळं विसर्जन पार. पोलीस प्रशासनाचे नियम धाब्यावर. मागच्या दाराने दारु विक्री

गिरीम गावच्या सरपंचपदी संगिता किसन मदने (पाटील)यांची बिनविरोध निवड

पो. कॉ.ज्ञानेश्वर मोरेच्या रुपात खाकीतला एक कोहिनूर हरपला

अजितदादांनी या मंत्र्यांसोबत वडापाव खाण्याचा घेतला आस्वाद

इंदापूरमध्ये शरद पवारांकडून उमेदवारीसाठी आप्पासाहेब जगदाळे यांच्या समर्थकांच्या हालचाली.! संकटसमई धावून आलेल्या आप्पासाहेब जगदाळे यांना उमेदवारी मिळणार..?

लाडकी बहीण योजनेचा तिसरा हफ्ता महिलांच्या खात्यावर जमा होण्यास सुरुवात पहा तारीख आणि वेळ

अरविंद केजरीवाल देणार राजीनामा, दिल्लीच्या मुख्यमंत्रिपदी कोण होणार विराजमान

पितृसेवा म्हणजेच भगवंताची उत्तम सेवा होय -सोमनाथ महाराज बारगळ

श्री व्यंकनाथ विद्यालयात शिक्षक- पालक मेळावा उत्साहात संपन्न