By : Polticalface Team ,18-09-2024
लिंपणगाव (प्रतिनिधी ) श्रीगोंदा तालुक्याचे माजी आमदार व राज्य साखर संघाचे दिवंगत अध्यक्ष स्वर्गीय शिवाजीराव बापू नागवडे यांचे गुरुवार दिनांक 19 रोजी सहावे पुण्यस्मरण असून त्यानिमित्त वांगदरी येथील अंबिका मातेच्या मंदिरात व्याख्यान व महाप्रसादाचा कार्यक्रम आयोजित केला आहे.
सहकार महर्षी शिवाजीराव नागवडे सहकारी साखर कारखान्याचे संस्थापक स्व. शिवाजीराव नागवडे यांचे गुरुवार ता. 19 रोजी सहावे पुण्यस्मरण आहे. त्यानिमित्त सकाळी दहा ते साडेअकरा या वेळेत राहुरी कृषी विद्यापीठ कार्यकारी परिषदेचे सदस्य गणेश शिंदे यांचे व्याख्यान आयोजित केलेले आहे. स्व. शिवाजीराव नागवडे यांनी श्रीगोंदा तालुक्याच्या उभारणीसाठी व सर्वांगीण प्रगतीसाठी संपूर्ण आयुष्य निस्वार्थ भावाने काम केलेले आहे . त्यांच्या पुण्यस्मरणाच्या निमित्ताने नवी प्रेरणा मिळते. या कार्यक्रमास सर्व कार्यकर्ते बंधू भगिनींनी मोठ्या संख्येने उपस्थित रहावे असे आवाहन नागवडे कारखान्याचे चेअरमन राजेंद्र दादा नागवडे, जिल्हा बँकेच्या संचालिका सौ. अनुराधा नागवडे व दीपकशेठ नागवडे यांनी केले आहे.