लिंपणगाव( प्रतिनिधी) श्रीगोंदा तालुक्याचे भाग्यविधाते, शिक्षण, सहकार महर्षी व माजी आमदार आदरणीय शिवाजीराव नागवडे बापू यांनी श्रीगोंदा हा दुष्काळी तालुका सहकाराच्या माध्यमातून सुजलाम सुफलाम केला सहकार सिंचन व शिक्षण क्षेत्रात बापूंनी मोठे योगदान दिले.असे प्रतिपादन ज्येष्ठ कीर्तनकार ह भ प डॉ सुहास महाराज फडतरे यांनी बापूंच्या चतुर्थ पुण्यस्मरण आयोजित कार्यक्रमात व्यक्त केले. सहकार महर्षी व नागवडे कारखान्याचे संस्थापक दिवंगत शिवाजीराव नागवडे बापू यांचे चतुर्थ पुण्यस्मरण कार्यक्रमाचे बापूंच्या स्मृती पुतळ्यासमोर कारखाना कार्यस्थळावर आयोजित करण्यात आला. याप्रसंगी उपस्थित जनतेला प्रबोधन करताना डॉ सुहास महाराज फडतरे पुढे म्हणाले की, सहकार महर्षी बापूंनी 19व्या वर्षी गावच्या सरपंच, चेअरमन पदावर काम करत असताना त्यांच्या खऱ्या अर्थाने राजकीय व सामाजिक जीवनास प्रारंभ झाला. श्रीगोंदा या दुष्काळी तालुक्यातील कष्टकरी, शेतकरी शेतमजूर यांच्या उज्वल भवितव्यासाठी बेलवंडी येथील खाजगी कारखाना विकत घेऊन तो ढोकराई च्या माळरानावरती लिंपणगाव शिवारात सहकारी तत्त्वावर उभारला. तो काळ अत्यंत प्रतिकूल होता. या कारखान्याची उभारणी करताना त्याकाळचे सहकाऱ्यांना बरोबर घेऊन सहकार महर्षी बापूंनी मोठा त्याग व योगदान दिले. त्यांच्या कार्याचे स्मरण होणे हे आजच्या पिढीसाठी अत्यंत महत्त्वाचे आहे त्यांचे कार्य हे स्वच्छ व दैदीप्य्हमान होते म्हणूनच आज ही सहकाराची वास्तू श्रीगोंदा तालुक्यात उभी आहे. हे श्रीगोंदा तालुक्यातील जनतेचे भाग्य म्हणावे लागेल. असे सांगून ह भ प फडतरे महाराज पुढे म्हणाले की, एवढ्यावरच बापू थांबले नाही तर कुकडीचे पाणी या तालुक्याला मिळवण्यासाठी त्याकाळी विशाल कुकडी परिषदेचा लढा उभारून श्रीगोंदा तालुक्याला कुकडीचे पाणी मिळवून दिले. त्यानंतर घोड च्या पाटपाण्यासाठी बापूंनी शासन दरबारी मोठा संघर्ष केला. म्हणूनच आज श्रीगोंदा तालुक्यात जवळपास 80 टक्के क्षेत्र सिंचन क्षेत्र ओलिताखाली आले. प्रसंगी श्रीगोंदा तालुक्याचा विकास साधत असताना कुटुंबाकडे दुर्लक्ष केले, परंतु कष्टकरी शेतकरी, जनतेकडे मात्र बापूंनी सकारात्मक दृष्टिकोन ठेवला त्यांच्या कष्टाला दाम मिळाले पाहिजे ही बापूंची प्रामाणिक इच्छा होती. म्हणूनच आज श्रीगोंदा तालुक्यातील शेतकरी, कष्टकरी, कामगार यांच्या कष्टाला दाम मिळू लागले. असे सांगून ह भ प फडतरे महाराज पुढे म्हणाले की, अलीकडे राजकीय व सामाजिक कार्यात काम करताना निष्ठा लोक पावत चालली आहे. बापूंची जीवनधारा सक्षम होती, बापूंनी दुसऱ्याच्या सुखामध्ये सुख पाहिले त्यातच बापूंनी सुख मानले. त्यामुळे माणूस कसा जगला त्यापेक्षा किती जणांना मोठे केले व आधार दिला हे महत्त्वाचे आहे.

डॉ ह भ प फडतरे महाराज आणखी पुढे म्हणाले की, बापूंच्या राजकीय व सामाजिक जीवनाची सुरुवात खऱ्या अर्थाने गावच्या सरपंच पदापासून त्यांच्या कार्याला जळाली आली. सहकार क्षेत्रात काम करताना बापूंनी विरोधक म्हणून कोणालाही पाहिले नाही. या उलट ते सर्वांच्या सुखदुःखात अग्रेसर होते. सहकाराच्या माध्यमातून सहकार महर्षी बापूंनी शिक्षण संस्था उभ्या केल्या, माझ्या कष्टकरी शेतकऱ्यांची मुले उच्चशिक्षित झाली पाहिजे, उच्च पदस्थ झाली पाहिजे, त्यांना राज्य, देश व जगातील तंत्रज्ञानाची पुरेपूर माहिती मिळाली पाहिजे. वैज्ञानिक झाले पाहिजे, हा दृष्टिकोन बापूंचा बरेच काही सांगून जातो. सहकार महर्षी बापू अद्यापही पंधरा वर्षे हवे होते. त्यातून आजही तालुक्यातील शेतकरी, कष्टकरी, कामगार आणि कार्यकर्ते यांना कारखाना कार्यस्थळावर आल्यानंतर बापू अजून आपल्यात आहेत .असे प्रत्येकाच्या अंतकरणांमध्ये जाणवते. बापू हे आदर्श शैलीचे आदर्श मूर्तीमंत उदाहरण आहे. असे सांगून डॉ फडतरे महाराज पुढे म्हणाले की, बापूंनी काँग्रेस पक्षाची आयुष्यभर विचारधारा डोळ्यासमोर ठेवली. पक्षाला ताकद दिली, पक्ष वाढवला, कार्यकर्त्यांना बळ दिले. या दुष्काळी तालुक्यात सहकाराची वास्तु उभी करून प्रत्येक घटकाला न्याय देत प्रत्येकाला दिशा देण्याचे कार्य बापूंनी अखेरच्या श्वासापर्यंत डोळ्यासमोर ठेवले असे हे सहकार महर्षी बापूंचे जयदीप्यमान कार्य उपस्थित जनतेच्या संख्येवरून दिसते.

सहकार महर्षी बापूंनी अनेक माणसं स्वतःच्या कार्यकर्तृत्वावर जवळ केली, त्यामुळे प्रत्येक घटकातील व्यक्तींनी बापूंवर अपार प्रेम केले. नैतिकता, नीतिमत्ता, प्रेम, जिव्हाळा या बाबी बापूंनी आपल्या संपूर्ण आयुष्यात अंगीकारल्या. यापुढे त्यांचे प्रत्येकाने कार्य डोळ्यासमोर ठेवून आपल्या आयुष्याची वाटचाली पुढे चालू ठेवली पाहिजे. ज्या व्यक्तींनी साठ वर्षे समाजासाठी अहोरात्र कष्ट घेतले. अशा सहकार महर्षी बापूंच्या कार्याचे अनुकरण करण्याची आवश्यकता असून, हीच खरी सहकार महर्षी बापूंना आदरांजली ठरेल अशा शब्दात ह भ प डॉ सुहास महाराज फडतरे यांनी बापूंच्या कार्याचे वर्णन केले.

याप्रसंगी माजी मंत्री आमदार बबनराव पाचपुते ,कारखान्याचे उपाध्यक्ष बाबासाहेब भोस, घनश्याम आण्णा शेलार, माजी उपाध्यक्ष भगवानराव पाचपुते, राज्य बाजार समितीचे सभापती बाळासाहेब नहाटा, आदीं मान्यवरांनी सहकार महर्षी बापूंच्या राजकीय व सामाजिक क्षेत्रातील कार्यकर्तुत्वावर प्रकाश ज्योत टाकत आदरांजली वाहिली.

या कार्यक्रमास नागवडे कारखान्याचे अध्यक्ष राजेंद्र दादा नागवडे, माजी उपाध्यक्ष केशवराव मगर, जिल्हा परिषद च्या माजी सभापती सभापती अनुराधाताई नागवडे, दीपक शेठ नागवडे, माजी संचालक गणपतराव जंगले, अरुणराव पाचपुते, कैलासराव पाचपुते, दीपक पाटील भोसलेेे, जिजाबापू शिंदे, विठ्ठलराव काकडे, प्रा धर्मनाथ काकडे, ह भ प प्रकाश महाराज पंधरकर, डॉ प्रणोतीताई जगताप, श्रीगोंद्याच्या नगराध्यक्ष शुभांगीताई पोटे, मनोहर पोटे, रंगनाथ बिबे, सखाराम जगताप, सचिन कदम, माणिकराव पाचपुते, सतीश मखरे, सुरेशराव लोखंडे, वाल्मीक नागवडे, सुभाषराव कळसकर, दिनकर पंधरकर नागवडे कारखान्याचे सर्व आजी-माजी संचालक कार्यकारी संचालक रमाकांत नाईक आदींसह तालुक्यातील विविध क्षेत्रातील मान्यवर मोठ्या संख्येने उपस्थित होते .सूत्रसंचालन व प्रास्ताविक कारखान्याचे संचालक सुभाषराव शिंदे यांनी केले. ऋणनिर्देश व आभार कारखान्याचे चेअरमन राजेंद्र दादा नागवडे यांनी करत उपस्थित मान्यवरांचे आभार मानले.
वाचक क्रमांक :

प्रकाश म्हस्के
संपादक

दौंड नगरपरिषद निवडणूक प्रचार सभा जोरदार. मी कामाचा माणूस आहे. उपमुख्यमंत्री अजित पवार.

दौंड नगरपरिषद निवडणूक प्रचार सभा जोरदार. मी कामाचा माणूस आहे. उपमुख्यमंत्री अजित पवार.

दौड शुगर साखर कारखान्यात एका उस वाहनाचे दोन वेळा वजन करून आर्थिक फसवणुक प्रकरणी ऋषिकेश गिरीधर चैंडे याचे विरुद्ध गुन्हा दाखल.

ओंकार साखर ग्रूप कर्मचाऱ्यांसाठी २०% पगारवाढ जाहीर.चेअरमन मा.श्री.बाबुराव बोत्रे पाटील.

दौंड नगरपरिषद सार्वत्रिक निवडणूक 2025 दौंड शहरातील मतदार जन जागृती पथनाट्याने नागरिकांचे लक्ष वेधले

कुरकुंभ येथील देवांश पान शॉप टपरीच्या आडोशाला देशी दारू टँगो पंच विक्री अट्यावर पोलिसांची कारवाई आरोपी विरुद्ध गुन्हा दाखल

यवत ग्रामपंचायत कार्यालयात आद्य क्रांतिगुरू लहुजी वस्ताद साळवे. आदर्श पिता रामजी बाबा आंबेडकर. पंडित जवाहरलाल नेहरू. महापुरुषांची जयंती साजरी.

देवदर्शन यात्रेला गेलेल्या बसचा भीषण अपघात 20 महिला जखमी

श्रीगोंदा नगरपालिका निवडणूक महा विकास आघाडी पूर्ण ताकतीने लढवणार

श्रीगोंदा नगरपालिका निवडणूक महा विकास आघाडी पूर्ण ताकतीने लढवणार

श्रीगोंदा नगरपालिका निवडणुक महाविकास आघाडी पूर्ण ताकतीने लढवणार

श्री काळभैरवनाथ जन्मोत्सव ग्रंथराज ज्ञानेश्वरी पारायण सप्ताह सुरू. यवत नगरी हरिनामाने झाली भक्तीमय

नगराध्यक्ष पदासाठी इंद्रायणी पाचपुते चर्चेत ? श्रीगोंदा नगरीत वातावरण वातावरण सस्पेन्स .!

स्थानिक राजकारणात वाढती घराणेशाही — सामान्य कार्यकर्त्यांचं काय?

भारतीय बौद्ध महासभा दौंड तालुका कार्यकारणी जाहीर. अध्यक्ष पदी दत्तात्रेय कोकाटे तर सरचिटणीस पदी दादासाहेब मोरे यांची नियुक्ती

श्रीगोंदा तालुका बुद्धिबळ संघटने कडून बुद्धिबळ स्पर्धा संपन्न.

भांडगाव विविध कार्यकारी सहकारी सोसायटीच्या वार्षिक सर्वसाधारण सभा सुरू असताना हृदयविकाराच्या धक्क्याने शेतकऱ्याचा मृत्यू.

भांडगाव विविध कार्यकारी सहकारी सोसायटीच्या वार्षिक सर्वसाधारण सभा सुरू असताना हृदयविकाराच्या धक्क्याने शेतकऱ्याचा मृत्यू.

कुरकुंभ एम आय डी सी येथील १ लाख ८० हजार किंमतीच्या चंदनाच्या झाडाची चोरी. पाच पैकी चार आरोपी पोलिसांच्या ताब्यात.

कै.मुरलीधर (आण्णा) होनराव जयंतीनिमित्त रक्तदान शिबिर संपन्न