By : Polticalface Team ,18-08-2025
अक्कलकोट(प्रतिनिधी) दि:२३अक्कलकोट तालुक्यातील दुधनी येथील जि प प्रा मराठी केंद्र शाळेचे उप शिक्षिका सौ.अंजली हे निबंध स्पर्धेत जिल्ह्यात प्रथम क्रमांक पटकावला आहे. या प्रशस्ति वितरण कार्यक्रमाचे अध्यक्षस्थानी माजी प्राचार्य साहित्यिक एम जी जोशी हे होते.महाराष्ट्र राज्यातील जालना येथे शंभर शिक्षक क्लब ऑफ जालना च्या वतीने भारतरत्न डॉ.बाबासाहेब आंबेडकर यांच्या १३४ व्या जयंतीनिमित्त शिक्षकांसाठी राज्यस्तरीय निबंध लेखन स्पर्धेचे आयोजन करण्यात आले होते. डॉ.बाबासाहेब आंबेडकर यांच्या कार्यकर्तुत्वाच्या सहा विषयावर निबंध लेखन करायचे होते, सौ.अंजली गुंजोटे यांनी *डॉ.बाबासाहेब आंबेडकर- एक विद्यार्थी* या विषयावर निबंध लेखन केले होते. या स्पर्धेत राज्यभरातून १७७ शिक्षकांनी सहभाग घेतला होता आणि या स्पर्धेचे १३ निरीक्षकांनी पारदर्शकतेने परीक्षण केले होते.यावेळी राज्यभरातील विभागनिहाय, जिल्हानिहाय, प्रथम,द्वितीय, तृतीय अशा स्वरूपाच्या पुरस्काराचे नियोजन केले होते. या स्पर्धेतील मानकऱ्यांना मानाचा फेटा, सन्मानचिन्ह, सन्मानपत्र असे स्वरूप होते.स्पर्धेत सोलापूर जिल्हा स्तरावर प्रथम क्रमांकाच्या मानकरी अक्कलकोट तालुक्यातील दुधनी जि.प.प्राथ.मराठी केंद्र शाळे च्या उपशिक्षिका सौ.अंजली अरविंद गुंजोटे यांनी पटकावल्या. यापूर्वीही त्यांनी अनेक स्पर्धा तसेच शैक्षणिक उपक्रमात यश संपादन केले आहे.हा सन्मान सोहळा जे.ई.एस. महाविद्यालय जालना येथे झाला. तर या कार्यक्रमास प्रमुख अतिथी म्हणून प्राचार्य गणेश अग्निहोत्री,कवयित्री भारती हेरकर,प्राचार्य अशोकराव खरात,आर.आर.जोशी,प्राध्यापक यशवंत सोनवणे आदी सह इतर उपस्थित होते.उपस्थित मान्यवरांच्या हस्ते विजेत्यांचा सन्मान करण्यात आला. कार्यक्रमाचे मुख्य संयोजक तथा समूहाचे अध्यक्ष राजेभाऊ मगर,सचिव दत्तात्रय राऊतवाड, इंगोले,माधवले यांनी उत्कृष्ट नियोजन केले.सौ.अंजली गुंजोटे यांचे दुधनी केंद्राचे केंद्रप्रमुख श्री.शटगार सर शाळेचे मुख्याध्यापक.श्री.मधुकर गाडे सर,सहशिक्षक श्रीसैल मलगाण,कोरचगांव सर,बेण्णेसूर,सौ.म्हेत्रे आणि शाळा व्यवस्थापन समितीचे अध्यक्ष गोरखनाथ धोडमनी,उपाध्यक्ष हणमंत कलशेट्टी,शिक्षणप्रेमी तथा रिपाइं(आठवले)चे सोलापूर जिल्हा उपाध्यक्ष श्री.सैदप्पा झळकी,सदस्य महेदिमिंया जिडगे,तिम्मण्णा गोटे,करबसप्पा अमाणे,विश्वनाथ कोटनूर,रमेश बनसोडे,या सर्वांनी मॅडमचे कौतुक करून पुढील वाटचालीस शुभेच्छा दिल्या आहेत.
वाचक क्रमांक :