दौंड प्रतिनिधी अनिल गायकवाड.

दौंड ता ०७ ऑगस्ट २०२५ दौंड तालुक्यातील मौजे यवत तालुका दौंड जिल्हा पुणे येथील निळकंठेश्वर मंदिरातील छत्रपती शिवाजी महाराजांच्या मूर्तीची विटंबना व तोडफोड प्रकरण दि २६ रोजी रात्री घडलेल्या घटनेचा दौंड तालुक्यात व संपूर्ण महाराष्ट्रात पडसाद उमटले घटनेच्या अनुषंगाने जाहीर सभा मोर्चा आंदोलन  ठिक ठिकाणी निषेध व्यक्त करण्यात आला होता 

यवत ग्रामपंचायत विशेष ग्रामसभा जाहीर हिंदू जनआक्रोश मोर्चा   नंतर शुक्रवार दिनांक 1 ऑगस्ट रोजी मध्यप्रदेश मधिल घडलेल्या घटनेची यवत सहकार नगर येथील एका तरुणांने पोस्ट व्हायरल केल्यामुळे शुक्रवार रोजी सकाळी जमाव वाढत गेला यवत येथील आठवडे बाजार पेठ बंद ठेवण्यात आले हिंदू-मुस्लीम जमाव एकत्रित येऊन हिंसाचार प्रकरण घडले   

या अनुषंगाने जिल्हाधिकारी यांच्या आदेशानुसार यवत गावामध्ये  सलग चार दिवस जमाबंदी लागू करण्यात आली दिनांक 5 ऑगस्ट रोजी सकाळी 6 ते सकाळी 11 वाजे पर्यंत जमावबंदी सलग दोन दिवस शिथिल करण्यात आली नंतर जिल्हाधिकारी यांच्या आदेशाने बुधवार रात्री १२ नंतर जमावबंदी संपुष्टात करण्यात आली  

गुरुवार दिनांक ०७ ऑगस्ट २०२५ रोजी यवत पोलीस स्टेशन येथे यवत गावातील घडलेल्या प्रकरणा संदर्भात हिंदू-मुस्लीम सर्वधर्मीय सामूहिक शांतता बैठक आयोजित करण्यात आली या बैठकीमध्ये हिंदू मुस्लिम सर्वधर्मीय लोक मोठ्या संख्येने सहभागी झाले घडलेल्या घटनेची ग्रामस्थांकडून शोकांतिका व्यक्त करण्यात आली असे प्रकार पुन्हा यवत गावात घडू नयेत या बाबत प्रमुख मंडळींनी आश्वासन दिली  

या शांतता बैठकी मध्ये प्रामुख्याने दौंड पोलीस अधिकारी बापूराव दडस यांनी उपस्थित नागरिकांना कायम व सुव्यवस्था अबाधित ठेवण्या बाबत मागदर्शन केले यवत पोलीस स्टेशनचे पोलीस निरीक्षक नारायण देशमुख यांनी उपस्थित ग्रामस्थांना महत्वपूर्ण सल्ला देऊन हिंदू-मुस्लीम सर्वधर्मीय समाज बांधवांनी एकोप्याने राहण्याचा सल्ला देऊन गावांमध्ये सर्व जाती धर्माच्या नागरिकांना गुण्यागोविंदाने पूर्वीसारखे सलोख्याने सर्वधर्म समभावाने जीवन जगण्याचा संविधानिक अधिकार असल्याचे सांगितले  यावेळी गावातील प्रमुख नेतेमंडळींनी मनोगत व्यक्त केले यवत ग्रामपंचायतीचे सरपंच समीर दोरगे यांनी उपस्थित नागरिकांचे व पोलीस प्रशासनाचे आभार व्यक्त करून यवत पोलीस स्टेशन येथे  आयोजित केलेल्या हिंदू मुस्लिम सर्वधर्मीय शांतता बैठक संपली असे जाहीर करण्यात आले.