श्रीगोंदा : गणेश विठ्ठल यादव , रा . आनंदवाडी , ता . श्रीगोंदा यांनी दिलेल्या फिर्यादिवरून दिनांक 28/09/2022 रोजी 11.00 वा. चे सुमारास ओळखीचे अशोक वाघमोडे यांनी फोन करुन कळविले होते की , त्यांचा मुलगा समर्थ हा माझ्या घरी आला असून त्याला दोन इसमांनी पांढरे रंगाचे स्वीफ्ट गाडीतुन पळुन घेवून जात असल्याचे सांगत आहे. गावातील महेंद्र गिरमकर यांना फोन करुन आनंदवाडीकडे येणारी पांढ -या रंगाची बिगर नंबरची स्वीफ्ट गाडी अडविण्यास सांगितले. अशोक वाघमोडे यांचे घरी गेल्यावर समर्थ यास विचारले असता त्याने सांगितले की, आज शाळा लवकर सुटल्याने घरी येण्यासाठी अजनुज चौक, काष्टी येथे सकाळी 11.00 वा . चे सुमारास उभा असताना तेथे पांढ -या रंगाची स्वीफट गाडी थांबलेली होती . त्यात पुढच्या सीटवर दोन इसम व मागच्या शीटवर आणखी दोन अनोळखी इसम बसलेले होते. त्यांना मला आनंदवाडी येथे जायचे आहे असे सांगितल्याने त्यांनी मला गाडीत बसण्यास सांगितले . पाठीमागील सीटवर बसलेले दोन अनोळखी इसम खरातवाडी येथे उतरले . त्यांनी गाडी चालकास प्रत्येकी 10-10 रुपये दिलेनंतर गाडी आनंदवाडीकडे निघाली . ड्रायव्हरच्या शेजारी बसलेल्या इसमाने मला चाकु काढुन माझ्या पोटास लावुन माझ्या किडण्या काढुन विकणार आहे असे म्हणुन लागले . त्यामुळे पुढे गाडी हळू झाल्यावर मागचा दरवाजा उघडुन गाडीतुन उडी मारली व अशोक मामांच्या घरी गेलो. अशी हकीकत सांगितली . त्यावरुन पोलीस स्टेशनला गु.र.नं 746/2022 भादंवि क . 363,364 ( अ ) , 420,171 मो.वा.का.क. 185 , 50/177 प्रमाणे गुन्हा दाखल केला. शाळेतील मुलास पांढ -या स्वीफ्ट गाडीतून पळवून नेण्याचा प्रयत्न केला असल्याचे माहीती परिसरातील लोकांना मिळाल्याने आनंदवाडी रोडवर परिसरात राहाणा-या नागरिकांनी ती गाडी आडविली .

पोलीस स्टेशनला याबाबत फोन आल्याने तात्काळ पो. उप. निरी.अभंग व डी.बी. स्टाफ पोलीस गाडीसह घटणास्थळी पोहोचले. गाडीची पहाणी केली असता गाडीला मागे व पुढे नंबर प्लेट नव्हती . त्याचप्रमाणे गाडीचे डॅशबोर्डवर महाराष्ट्र शासन असे लिहीलेली पाटी मिळुन आली . गाडीमध्ये आणखी 3 नंबर प्लेट मिळाल्या गाडीमध्ये गाडी चालक व त्याचा साथीदार यांना ताब्यात घेतले . दोघेही दारु पिलेले होते . आरोपीतांना पोलीस स्टेशनला आणुन सविस्तर चौकशी केली असता त्यांनी त्यांची नावे 1 ) हरिभाऊ दत्तु वाळुंज , रा . पिंपळगाव तुर्क , ता . पारनेर , जिल्हा- अहमदनगर , ( चालक ) , 2 ) नासीर गुलाब पठाण , रा . काष्टी , ता . श्रीगोंदा , जिल्हा अहमदनगर असे सांगितले .

आरोपी यांना गुन्ह्यात अटक करुन पोलीस कस्टडी रिमांड घेतला . आरोपीतांकडे कसुन चौकशी केली . अजनुज चौकात ज्या ठिकाणाहुन एक वयस्कर इसम , एक कॉलेजचा विद्यार्थी व शाळेतील मुलगा समर्थ हा वर नमुद गाडीत बसले त्याठिकाणी आरोपी नासिर याने हातगाड्यावरुन सफरचंद विकत घेतले , शेजारच्या पाणटपरीवरुन सौंफ घेतली . त्यांना बोलावुन त्यांचेकडे चौकशी केली असता त्यांनी सांगितले . पांढ -या रंगाची स्वीफ्ट गाडी नंबर नसलेली अजनुज चौकात आली असता एक वयस्कर इसम व शाळेतील मुलगा यांनी हात देवून त्यांना थांबविले. गाडी थांबली असता गाडीतील काष्टी येथे राहाणार नासीर याने चौकात सफरचंद व पानटपरीतुन सौफ विकत घेतली . त्यावेळी एक वयस्कर इसम, एक तरुण , व शाळेतील एक मुलगा त्या गाडीत बसले व गाडी पुढे आनंदवाडीकडे गेली असे सांगितले . गाडीतील वयस्कर इसम व तरुण मुलगा यांचेकडे नासीर याने गाडीभाडे म्हणुन दोघांकडुन प्रत्येकी 10,10 रुपये घेतले . शाळेतील मुलगा समर्थ याचेकडे भाडे म्हणुन 10 / - रु . मागितले त्याने माझेकडे पैसे नाही असे सांगितले . गाडीचा चालक हरिभाऊ वाळूंज याने तु आम्हाला 10 / - रु नाही दिले तर तुला आम्ही श्रीगोंदाकडे घेवून जावु असे समर्थ यास म्हटल्याने घाबरुन जावुन त्याने आरडाओरड केली . रस्त्याने जाणा -या वाहनचालकाने ऐकल्याने त्याने गाडीचा पाठलाग केला. अशोक बाघमोडे यांचे घरासमोर चालक हरिभाऊ याने गाडी उभी करुन मुलगा समर्थ यास गाडीतुन उतरुन दिले .

अशोक वाघमोडे हे समर्थच्या वडीलांच्या ओळखीचे असल्याने तो त्यांचेकडे गेला व त्यांचे मोबाईलवरुन वडीलांना फोन केला व वर नमुद हकीकत वडीलांना सांगितली . तपासामध्ये मुलगा समर्थ याने त्याला गाडीतील चालक हरिभाऊ याने चाकु लावून धमकाविले व तुझ्या किडण्या काढुन विकणार आहे असे चुकीचे सांगितल्याचे दिसुन येते . गाडीतील दोन्ही आरोपीतांकडे कसुन चौकशी केली असता त्यांनी गुन्हा घडल्याचे दिवशी सकाळी जयश्री हॉटेल , काष्टी समोर गाडीच्या दोन्ही नंबरप्लेट काढल्या . सदर गाडीचे मालक अक्षय अंकुश थोरात , रा . वाबळेवाडी , शिक्रापुर , जिल्हा पुणे यांचे नातेवाईक काष्टी परिसरात राहातात . काष्टी येथे आला असता चालक हरिभाऊ दारु पिलेला होता हे गाडी मालक यांना माहीती होवु नये म्हणुन त्याने गाडीच्या दोन्ही नंबर प्लेट काढुन टाकल्या होत्या . गाडी सीएनजी असल्याने श्रीगोंदा येथे सीएनजी गॅस भरण्यासाठी गाडी चालक गाडी घेवुन आलेला होता . काष्टी येथुन नासीर त्याचेसोबत गाडीत बसलेला होता . अजनुज चौकात त्यांनी श्रीगोंदा कडे जाणारा रोड आहे असे समजुन गाडी टर्न केली . गुगलवर श्रीगोंदाकडे जाणारा रोड त्यांना आनंदवाडी मार्गे दाखविला त्यामुळे त्यांनी आनंदवाडी रोडने गाडी श्रीगोंदा कडे येण्याकरिता घेतली . दोन्ही आरोपी दारु पिलेले होते .

गाडीला मागे व पुढे नंबरप्लेट नव्हती व डॅशबोर्डवर महाराष्ट्र शासन असे लिहीलेले असल्याने नागरिकांमध्ये गाडी व गाडीतील दोन्ही आरोपीतांबाबत संशय निर्माण झाला . त्यामुळे त्यांनी गाडी रस्त्यात अडवुन गाडीच्या काचा फोडुन दोन्ही आरोपीतांना किरकोळ स्वरुपाची मारहान केली . गाडी चालक हरिभाऊ याचे फिर्यादीवरुन श्रीगोंदा पोलीस स्टेशनला गु.र.नं. 747/2022 भा.दं.वि.क . 341 , 323,427,143,147 प्रमाणे गुन्हा अज्ञान 5 ते 6 इसमांचे विरुध्द गुन्हा दाखल केला आहे . पोलीस अधिकारी कर्मचारी पोलीस गाडीसह वेळेवर घटणास्थळी पोहोचले त्यामुळे पुढील अनर्थ टळला . फिर्यादी , मुलगा समर्थ , त्याचे सोबत गाडीत बसलेले दोन इसम , अजनुज चौक , काष्टी , खरातवाडी व आनंदवाडी येथील घटणा पहाणारे प्रत्यक्षदर्शी साक्षीदार यांचेकडे फिर्यादीत नमुद घटणेच्या अनुशंगाने सखोल चौकशी केली आहे . दोन्ही आरोपीतांकडे कसुन चौकशी केली . आरोपी हरिभाऊ वाळुंज व नासीर पठाण यांनी महाराष्ट्र शासनाचे नोकरीत नसताना महाराष्ट्र शासन अशी पाटी खाजगी गाडीला लावुन शासनाची फसवणुक केली . त्याचप्रमाणे गाडीला मागे व पुढे नंबरप्लेट लावलेली नव्हती . दोन्ही आरोपी हे दारु पिलेले होते . त्यांची वैद्यकीय तपासणी करण्यात आली . शाळेच्या मुलाकडे भाडे म्हणुन 10 / - रु . ची मागणी करुन त्याला पैसे न दिल्यास श्रीगोंदा येथे घेवून जावु असे धमकाविले . शाळेतील मुलाला किडनॅप करुन पळवुन नेत असल्याचे तपासात निष्पन्न झालेले नाही . असे तपासामध्ये निष्पन्न झाले आहे . आरोपींविरुध्द विरुध्द भा.दं.वि. क . 420 , मुंबई दारुबंदी कायदा 185 , मोटार वाहन कायदा कलम 50/177 अन्वये मा . न्यायालयात तपासाअंती दोषारोप पत्र दाखल करणार आहोत . सदर घटणेबाबत गुन्हा दाखल होण्यापुर्वीच वर्तमानपत्र , युट्युब चॅनेल व सोशल मिडीया यावरुन शाळेतील मुलांना पळविणारी टोळी पकडली अशा स्वरुपाची माहीती प्रसारीत झाल्याने परिसरातील नागरिक , मुलांचे पालक यांचेमध्ये घबराहट निर्माण झाली होती . सर्व नागरिकांना व शाळेतील मुलांच्या पालकांना सुचीत करण्यात येते की , शाळेतील मुलांना पळविणारी टोळी पकडलेली नाही . शाळेतील मुले पळविणारी कोणतीही टोळी परिसरात सक्रीय नाही . नागरिक व पालकांनी घाबरुन जावु नये , शाळा , कॉलेज व परिसरात कोणतेही संशयीत वाहन अथवा इसम फिरताना आढळल्यास तात्काळ पोलीस स्टेशनला संपर्क करावा . सदर गुन्ह्याचा तपास मा . मनोज पाटील , पोलीस अधीक्षक , अहमदनगर , मा . सौरभ कुमार अग्रवाल , अपर पोलीस अधीक्षक , अहमदनगर , मा . अण्णासाहेब जाधव , उपविभागीय पोलीस अधिकारी कर्जत विभाग यांचे मार्गदर्शनाखाली रामराव ढिकले , पोलीस निरीक्षक , समीर अभंग , पो.उप.निरी व श्रीगोंदा गुन्हे शोध पथकाचे अंमलदार हे करित आहे.
वाचक क्रमांक :

प्रकाश म्हस्के
संपादक

यवत येथील मतदान केंद्रावर दिवसभर मतदारांच्या रांगा. ईव्हीएम मशिन मात्र संत गतीने. उशीरा पर्यंत नागरिकांनी बजावला मतदानाचा हक्क.

शरद पवारांच्या सभेला आणलेल्या खुर्च्या. देवेंद्र फडणवीस यांच्या सभेत वापरल्या. तालुक्यात होतेय चर्चा

श्रीगोंदयाच्या आमदारकीवर नागवडेंचाच सर्वाधिक नैतिक अधिकार.

श्री काळभैरवनाथ जन्मोत्सव सोहळा ग्रंथराज ज्ञानेश्वरी पारायण सप्ताह सोहळा उत्साहात सुरू. यवत नगरीत भक्तीमय वातावरण.

श्रीगोंद्यात वंचित च्या सभेला रेकॉर्डब्रेक गर्दी, 3 साखर सम्राट विरोधात सामान्य शेतकऱ्यांचे मोठे आवाहन, सभेचा विरोधकांनी घेतला धसका

श्रीगोंद्यात धनगर समाज नागवडे सोबत- कोल्हटकर

वंचित बहुजन आघाडीचे अधिकृत उमेदवार आण्णासाहेब शेलार यांच्या प्रचारार्थ आज 1वा.ॲड प्रकाश आंबेडकर यांची जाहीर सभा.गर्दीचा नवीन विक्रम होणार

विक्रम पाचपुते यांनी लोकांची फसवणूक करत गुन्हेगारीत विक्रम करत विकास कामात मोठ्या प्रमाणात टक्केवारी प्रमाणात वसुली केली तर नागवडे यांच्या 15 खोक्यांनी माझ्या तिकीटाचा सौदा केला - राहुल जगताप

महाविकास आघाडीच्या उमेदवार सौ. अनुराधा नागवडे यांना बहुमताने विजय करा निधी कमी पडून देणार नाही उद्धव ठाकरे

सौ अनुराधाताईंना नागवडेंना प्रचंड मताने निवडून द्या विकासाची हमी आम्ही घेतो- शिवसेना पक्षप्रमुख उद्धव ठाकरे

मतदान जनजागृती कार्यक्रम २०२४ अंतर्गत दौंड नगर परिषदेतर्फे सायकल रॅलीचे यशस्वी आयोजन: मुख्याधिकारी तथा सहाय्यक निवडणूक निर्णय अधिकारी विजय कावळे.

महाविकास आघाडीच्या उमेदवार सौ अनुराधाताई नागवडे यांच्या उद्याच्या गर्दीचा उच्चांक होण्याची शक्यता

श्रीगोंद्यात मतदान अधिकारी मतदान कर्मचाऱ्यांचे द्वितीय प्रशिक्षण संपन्न

अनुराधाताई नागवडे यांच्या प्रचारार्थ 14 नोव्हेंबर रोजी माजी मुख्यमंत्री उद्धव ठाकरे व काँग्रेसचे नेते माजी मंत्री बाळासाहेब थोरात श्रीगोंद्यात

दौंड - पुणे दैनंदिन प्रवास करणाऱ्या चाकरमान्यांची आमदार राहुल कुल यांनी घेतली भेट, कुल यांना दौंडकर प्रवाशांचा उत्स्फूर्त प्रतिसाद.

गौरी शुगर ऊसाला देणार जिल्ह्यात एक नंबरचा बाजार भाव चेअरमन बाबुराव बोत्रे पाटील

महायुतीने केलेल्या कामाचे श्रेय थोरात यांनी घेऊ नये- वैशाली नागवडे.

दौंड तालुक्याच्या विकासासाठी आम्ही राहुल कुल यांच्या बरोबर राहणार- आनंद थोरात.

सैनिक समाज पार्टीचे उमेदवार मा.विनोद साहेबराव साळवे यांनी घेतले शेख मोहम्मद महाराज यांचें दर्शन

अपक्ष उमेदवार माजी आमदार राहुल जगताप यांच्या गावभेट दौऱ्याला मिळतोय चांगला प्रतिसाद