लिंपणगाव( प्रतिनिधी)-- श्रीगोंदा तालुक्यातील जनतेच्या प्रलंबित प्रश्नांसाठी हॅलो अण्णा बोलतोय हे ॲप एक मे रोजी महाराष्ट्र दिनापासून लॉन्च करणार असून, त्यातून जनतेचे प्रलंबित प्रश्न सोडविण्यास मोठी मदत होणार असल्याचे राष्ट्रवादी काँग्रेस पार्टीचे प्रदेश उपाध्यक्ष घनश्याम अण्णा शेलार यांनी आयोजित पत्रकार परिषदेत बोलताना सांगितले. श्रीगोंदा तालुक्यात राष्ट्रवादी काँग्रेस पार्टीच्या वतीने परिवर्तन यात्रा सुरू असून, त्यानिमित्त 25 एप्रिल रोजी अभिष्टचिंतन सोहळ्याच्या निमित्ताने श्री शेलार यांनी पत्रकार परिषदेचे आयोजन केले होते. यावेळी पत्रकारांशी संवाद साधताना श्री शेलार पुढे म्हणाले की श्रीगोंदा तालुक्यातील 153 गावांपैकी 120 गावात या परिवर्तन यात्रेच्या माध्यमातून जनतेशी सुसंवाद साधला आहे. त्यापैकी आता श्रीगोंदा शहर परिसरातील 33 गावे राहिले असून, त्या गावांमध्ये देखील परिवर्तन यात्रा लवकरच पोहोचेल, असे श्री शेलार यांनी पत्रकारांशी बोलताना सांगितले. तालुक्यातील 120 गावांमध्ये परिवर्तन यात्रेच्या माध्यमातून जनतेशी संपर्क साधताना त्या गावांमध्ये पुरेशी दळणवळण व्यवस्था उपलब्ध नाही. त्यामध्ये रस्ते, वीज व पिण्याच्या पाण्यासह शेतीचा पाणी प्रश्न अत्यंत गंभीर स्वरूपाचा दिसून आला. तालुक्याच्या लोकप्रतिनिधींनी 35 ते 40 वर्ष सत्ता भोगली. परंतु आश्वासना पलीकडे कोणतेच काम केले नाही. अशा भावना सर्वसामान्य जनतेतून व्यक्त होताना दिसल्या. तालुक्याच्या लोकप्रतिनिधींनी फक्त घोड लाभक्षेत्रात सुलभता आणली. परंतु कुकडी लाभ क्षेत्रात मात्र शेतीबरोबर पिण्याच्या पाण्याचा प्रश्न गांभीर्याने घेतला नाही. त्यामुळे रब्बी हंगामा पलीकडे दुसरे कोणतेही पीक या कुकडी लाभक्षेत्रात शेतकऱ्यांना घेता आले नाही. ही मोठी शोकांतिका आहे. असे सांगून श्री शेलार आणखी पुढे म्हणाले की, कुकडी लाभक्षेत्रात हक्काचे पाणी मिळवण्यासाठी शेतकऱ्यांना अनेक वर्षे संघर्ष करावा लागला. मध्यंतरी अतिवृष्टी होऊन सततच्या पावसाने झालेले नुकसान न शेतकऱ्यांना न भरून येण्यासारखे आहे. अतिवृष्टीच्या अनुदानातून अनेक शेतकरी वंचित आहेत. आज ना उद्या अनुदान मिळेल यासाठी शेतकरी दररोज बँकांमध्ये जाऊन विचारपूस करत आहे. त्यामुळे शेतकरी संभ्रमा अवस्थेत आहेत असे सांगून शेलार पुढे म्हणाले की, तालुक्यातील अनेक अल्पभूधारक शेतकऱ्यांना रेशनिंग वर धान्य मिळत नाही. परंतु तालुक्यातील सदन शेतकऱ्यांना मात्र दारिद्र्य रेषेच्या कार्डाच्या माध्यमातून शासकीय धान्य पुरवठा केला जातो .त्यामुळे अनेक गोरगरीब जनतेला शासकीय धान्याचा लाभ मिळत नाही. त्या संदर्भातही आमच्याकडे सर्वसामान्य नागरिक तक्रार करत आहे. लोकप्रतिनिधी मात्र या प्रश्नांना वाचा फोडत नाही. हे मोठे दुर्दैव आहे. गेली 37 वर्ष आपण राजकारणापेक्षा समाजकारणाला अधिक महत्त्व दिले. सर्वसामान्यांच्या प्रश्नात सतत लक्ष घातले. काहीच करत नाही, म्हणून माझ्यावर लोकप्रतिनिधी नेहमी आरोप करतात. परंतु मी कधीच हात बांधून बसलो नाही. सतत समाजाच्या प्रत्येक सुखदुखात मी व माझे कुटुंब सक्रिय सहभागी आहोत. असे सांगून श्री शेलार आणखी पुढे म्हणाले की, महाराष्ट्र दिनाचे अवचित्य साधून आम्ही एक मे रोजी हॅलो अण्णा हे ॲप लॉन्स करणार आहे. त्या माध्यमातून सर्वसामान्यांच्या तक्रारीचे निराकरण करणार आहोत. त्यातून जनतेचे सुखर प्रश्न मार्गी लागणार आहे. ग्रामीण भागांमध्ये परिवर्तन यात्रेच्या माध्यमातून महावितरण कंपनीच्या 35 ते चाळीस वर्ष पूर्वीच्या जीर्ण विद्युत तारा सर्वसामान्य नागरिकांच्या जीव घेणे ठरले आहेत. सहज वारा आला तरी तारा तुटतात. त्यातून मोठ्या जीव घेण्या दुर्घटना देखील घडत आहेत. परिवर्तन यात्रेच्या माध्यमातून श्रीगोंदा तालुक्यातील गावोगावी अनेक प्रश्न प्रलंबित असून, तालुक्याच्या लोकप्रतिनिधींनी गेल्या 35 ते 40 वर्षात अनेक एमआयडीसी सारख्या घोषणा करत. मते मागून जनतेची मोठी दिशाभूल केली आहे. त्यातून तालुक्यात तरुणांना कुठल्याही प्रकारचा रोजगार मिळत नाही. त्यामुळे अस्वस्थता तरुणांमध्ये मोठी अस्वस्थता दिसून येत आहे. असे सांगत ते आणखी पुढे म्हणाले की 1986 पासून तालुक्यात समाजकार्याला सुरुवात केली. त्यामध्ये आमदार बबनराव पाचपुते यांना जास्तीत जास्त संधी जनतेने दिली. प्रथम गृहराज्यमंत्री ते पालकमंत्री ही सर्वोच्च पदे मिळाली. परंतु जनतेला फक्त आश्वासना पलीकडे काहीच हाती लागले नाही. ही मोठी शोकांतिका आहे. बाजार समितीच्या निवडणुकीत पारंपारिक राजकीय विरोध बाजूला ठेवत पक्ष निष्ठा व तत्व पाळली जात नाही. आता हे देखील जनतेला समजले आहे आगामी होणाऱ्या विधानसभा निवडणुकीसाठी राष्ट्रवादी काँग्रेस पार्टी कडून दावेदार असून स्पर्धेत नसतानाही विधानसभेच्या स्पर्धेत आलेलो आहे. असे श्री शेलार यांनी पत्रकार परिषदेत बोलताना सांगितले.
वाचक क्रमांक :

प्रकाश म्हस्के
संपादक

दौंड शहरात एकच चर्चा आम्ही केलेली चूक दुरुस्त करता येते. तुम्ही ठरवा तुमची चूक दुरुस्त करणार का ? येणाऱ्या स्थानिक स्वराज्य निवडणुकीत दौंड ची जनता काय निर्णय घेणार याकडे लक्ष.

करमाळा पोलीस ठाणेची उल्लेखनीय कामगीरी... जेऊर येथे १ लाख ५० हजार २०० रुपये किंमतीचा सुमारे ६ किलो गांजा जप्त

राज्यातील अतिरिक्त शिक्षकांच्या समायोजन प्रक्रियेला आणि पगार बंदीला स्थगिती शिक्षक भारतीच्या पाठपुराव्याला यश

जनतेत नाराजीचा सूर; नेते सोयीनुसार बदलतात पक्ष, विचारधारा वेशीवर!

वांगदरी विद्यालयाच्या दहावी (२००१) बॅचचा २५ वर्षांनी पुन्हा रंगला शाळकरी आठवणींचा स्नेहसोहळा!

दौंड मध्ये लाच घेताना पोलीस कॉन्स्टेबल रंगेहात पकडला

अहिल्यानगर मध्ये बौद्धाचार्य श्रामणेर शिबिराचे उद्घाटन

आमदार नारायण आबा पाटील यांनी करमाळा तालुक्यातील नुकसानग्रस्त भागात बांधावर जाऊन केली प्रत्यक्षात पीक पाहणी

सेवानिवृत्तीनंतरच्या अनुभवाचा फायदा समाजासाठी व्हावा- सौ अनुराधाताई नागवडे

अतिवृष्टीत अडकलेल्या टँकरमधून मायलेकासह तिघांची धडाडीने सुटका – वालचंदनगर पोलिसांचा शौर्यप्रद दाखला

श्रीगोंदा तालुक्यात पावसाची कही ख़शी; कही गम अशी स्थितीश्रीगोंदा तालुक्यात 294.6 मिलिमीटर पावसाची नोंद या अवकाळी च्या जोरदार पावसामुळे खरीप हंगाम लांबण्याची शक्यता?

छत्रपती महाविद्यालयातील १० विद्यार्थ्यांची निकालाअगोदर विविध औषध कंपनीत नोकरीसाठी निवड

निमगाव सोसायटीवर जगताप पाटील गटाचा झेंडा तिसरी आघाडी सक्रिय झाल्याने प्रस्थापितांना धक्का

यवत गावातील नागरिकांना वळसा घालुन प्रवास करण्याची वेळ श्री काळभैरवनाथ मंदिरा जवळच्या पुलाखालून प्रवासी वाट सुरू करण्याची मागणी

अवकाळी पावसामुळे ही परिस्थिती ? दौंड शहरातील दुमजली दुकानाची भिंत अंगावर कोसळून जेष्ठ नागरिक महिलेचा मृत्यू.

आई ही विश्वाची जननी आहे तिचा विसर होता कामा नये ह भ प हरिभाऊ महाराज गीते

नुकसान ग्रस्त माजी विद्यार्थी चंद्रकांत वाजे यांना वर्गमित्रांकडून एक लाख एक हजार रुपयांची मदत , मुख्याध्यापक गवळी व पत्रकार कुरुमकर यांच्या हस्ते चंद्रकांत वाजेंना रक्कम प्रदान

अभिनव प्रज्ञाशोध परीक्षेत भारत प्रायमरी स्कूल जेऊरची सभ्यवी शेंडगे राज्यात तिसरी

प्रधानमंत्री आवास घरकुल योजनेच्या सर्व्हेसाठी गरजू लाभार्थ्यांनी 31 मे पर्यंत सर्व्हेक्षण करून घ्यावे - ॲड. राहुल सावंत

पिंपळगाव पिसा येथील साबळे वस्तीवर बिबट्याची दहशत , साबळेंच्या पाळीव कुत्र्याचा घेतला बळी