डॉ बाबासाहेब आंबेडकर पुतळ्याचे काम उभा राहून दर्जेदार करून घ्या ब्लॅकमेलींग केल्यास धडा शिकवु :- रिपाई शहराध्यक्ष अविनाश जोगदंड
By : Polticalface Team ,Fri Dec 17 2021 20:59:13 GMT+0530 (India Standard Time)
गेल्या अनेक दिवसापासून डॉ. बाबासाहेब आंबेडकर पुतळ्याच्या सुशोभिकरणासाठी व उंची वाढविण्यासाठी रिपाइंच्यावतीने पप्पु कागदे यांच्या नेतृत्वाखाली अनेक आंदोलने झाली. आंदोलनाची दखल घेत पुतळा परिसरातील अतिक्रमण हटवणे व रस्त्याच्या कामाची सुरूवात झाली. रस्त्याचे काम चालू असतांना पुतळ्याच्या परिसरात पाणीसाठा होऊ नये व इतर सुचना सर्व कार्यकर्त्यांसमोर संबंधीत इंजिनिअरला देण्यात आल्या व बीड शहरातील प्रत्येक अनुयायांचे काम आहे की, हे काम चांगले व दर्जेदार झाले पाहिजे. प्रत्येकाचे याकडे लक्ष असले पाहिजे हे सर्वांचे कर्तव्य आहे. परंतु अमर नाईकवाडे यांनी पहाणी करून स्टंटबाजी केली. त्यांना आमचे एकच सांगणे आहे की, आपण इस्टिमेंट प्रमाणे दर्जेदार काम करून घ्या. पण ब्लॅकमेलींगचा प्रकार काही करू नका. आपला इतिहास पाहता आपण कामे बंद करता व तडजोड झाली की चालू करता असे निदर्शनास आले तर परिणामाला सामोरे जावे लागेल असा इशारा रिपाइं बीड शहराध्यक्ष अविनाश जोगदंड यांनी दिला आहे.
*अविनाश जोगदंड*
[शहराध्यक्ष, रि.पा.ई, बीड]
वाचक क्रमांक :