दौंड प्रतिनिधी अनिल गायकवाड.

दौंड ता १५ जुलै २०२४ राष्ट्रवादी काँग्रेस पक्ष शरदचंद्र पवार पक्षाचे महाराष्ट्र प्रदेश सरचिटणीस मा नामदेव बांपु ताकवणे यांनी दि १४ जुलै रोजी दु २:३० वाजता पुणे सोलापूर हायवे चौफुला ता दौंड जिल्हा पुणे येथील ( एस फोर जी मिटिंग हॉल ) या ठिकाणी पत्रकार परिषद घेतली होती. या वेळी बोलताना त्यांनी सांगितले. दौंड नोकरी महोत्सव युवा रोजगार कार्यक्रमाचे उद्घाटन मा शरदचंद्र पवार साहेब यांच्या हस्ते होणार असून मौजे वरवंड येथील सिध्दीराज मंगल कार्यालय या ठिकाणी दि २१ जुलै २०२४ रोजी सकाळी ०९ पासून दिवसभर दौंड नोकरी महोत्सव युवा रोजगार मेळावा कार्यक्रमाचे आयोजन करण्यात आले आहे. या कार्यक्रमाचे आयोजक राष्ट्रवादी काँग्रेस शरदचंद्र पवार पक्षाचे महाराष्ट्र प्रदेश सरचिटणीस नामदेव राजाराम ताकवणे यांनी केले आहे.

या दौंड नोकरी महोत्सव मेळाव्यात सहभागी होण्यासाठी दौंड तालुका ग्रामीण भागातील युवा तरूणांना आवाहन केले आहे.मा शरदचंद्र पवार साहेब यांच्या उपस्थितीत दौंड नोकरी महोत्सव हा युवा रोजगार मेळावा होणार असून दौंड तालुक्यातील कुरकुंभ ( एम आय डी सी) भांडगाव सहजपुर नांदुर  बारामती, सह हेंकेल, सीप्ला, रिटगन, बजाज, भारत फोर्ज, टाटा सह सहजपुर नांदुर अन्य विविध ४७ कंपन्यांचे वरिष्ठ प्रतिनिधी प्रामुख्याने उपस्थित राहणार असल्याचे त्यांनी बोलताना सांगितले.  दौंड तालुका ग्रामीण भागातील होतकरू आय टी आय तसेच डिप्लोमा कोर्स परिपुर्ण असलेल्या व दहवी बारावी उत्तीर्ण झालेल्या युवा तरुण बेरोजगारांना पुढील काळात नोकरी ची हमी देणारा महोत्सव ठरणार असल्याने युवा तरुणांनी आपल्या स्वतःकडील असतील ते कागदपत्रासह मेळाव्यात उपस्थित राहावे.असे आवाहन करण्यात आले असुन दौंड तालुक्यातील बेरोजगार युवा तरुणांच्या हाताला काम मिळावे या उद्देशाने या दौंड नोकरी महोत्सव युवा रोजगार मेळाव्याचे आयोजन करण्यात आले असल्याचे त्यांनी सांगितले.

 दौंड तालुक्यातील कुरकुंभ ( एम आय डी सी) भांडगाव  सहजपुर नांदुर बारामती, सह हेंकेल, सीप्ला, रिटगन, बजाज, भारत फोर्ज, टाटा सह सहजपुर नांदुर अन्य विविध ४७ कंपन्यांमध्ये नोकरी करण्याची सुवर्ण संधी उपलब्ध करून देण्यात येणार असून नामांकित कंपनीमध्ये तालुक्यातील 

भूमिपुत्रांना प्रथम प्राधान्य दिले जाणार असल्याचे त्यांनी सांगितले तसेच इतर राज्यांतील अनेक मजुर विविध कंपन्यांमध्ये ठेकेदार यांच्या वतीने. काम करीत आहेत.

कामगारांच्या एकुण संख्येतील वीस ते पंचवीस टक्के कामगार हे भूमिपुत्र असणे आवश्यक आहे. मात्र तसे दिसून येत नाही. तालुक्यातील रोजंदारीवर काम करणाऱ्या तरुणाला अचानक ब्रेक देऊन घरी पाठवले जाते‌. या बाबत अनेक तरुणांनी व पालकांनी खंत व्यक्त केली आहे.

कायम स्वरुपी कंपनीत नोकरी करण्याची हमी नसल्याने तरुणांमध्ये नाराजी व्यक्त केली जात आहे, या पार्श्वभूमीवर प्रामुख्याने संबंधित कंपनीतील प्रमुख वरिष्ठ पदाधिकारी जनरल मॅनेजर. पदाधिकारी यांच्याशी महत्वपूर्ण चर्चा करण्या बाबत मा शरदचंद्र पवार साहेब यांच्याशी संवाद झाला आहे. त्यामुळे दौंड तालुक्यातील युवा तरूणांनी मोठ्या संख्येने या दौंड नोकरी महोत्सव युवा रोजगार मेळाव्यात सहभागी व्हावे असे आवाहन राष्ट्रवादी काँग्रेस शरदचंद्र पवार पक्षाचे महाराष्ट्र प्रदेश सरचिटणीस मा नामदेव बांपु ताकवणे यांनी केले आहे.

दौंड तालुक्यातील विविध कंपन्यांमध्ये रोजंदारीवर काम करणाऱ्या युवा तरुणांची संख्या मोठ्या प्रमाणात असून भूमिपुत्रांना कायम स्वरूपी नोकरी ची हमी नाही. ही मोठी शोकांतिका असल्याची प्रतिक्रिया ताकवणे यांनी व्यक्त केली.

मा. शरदचंद्रजी पवार साहेब यांना या दौंड नोकरी महोत्सव युवा रोजगार मेळावा कार्यक्रमाच्या अनुषंगाने आमंत्रित करण्यात आले आहे दौंड तालुक्यातील कुरकुंभ भांडगाव सहजपुर नांदुर बारामती या भागातील विविध उद्योगिक कंपन्यांनी भूमिपुत्रांना प्रथम प्राधान्य दिले पाहिजे. या शिवाय कायम स्वरूपी नोकरी ची हमी मिळाली पाहिजे. तालुक्यातील अनेक कंपन्यांनी इतर राज्यांतील ठेकेदार पोसले आहेत. हे इतर राज्यांतील मंजुर कामगारांची  पिळवणूक करीत असुन. स्थानिक भूमिपुत्रांना डावलले जात असल्याचे तरुणांनी व पालकांकडून प्रतिक्रिया व्यक्त करण्यात आल्या असल्याचे नामदेव बांपु ताकवणे यांनी बोलताना सांगितले,