By : Polticalface Team ,22-07-2024
दौंड प्रतिनिधी अनिल गायकवाड.
दौंड ता २२ जुलै २०२४ दौड पोलीस स्टेशन हद्दीत दिनांक १७/७/२०२४ रोजी रात्री ८.३० वाचे सुमारास दौड गावचे हद्दीत नगरमोरी चौकामध्ये महीला नामे ऋतुजा निलंकठ पुकले रा, संभाजीनगर, जि. संभाजीनगर हया एस.टी. बसची वाट पहात असताना एक पांढ-या रंगाची ४ चाकी वाहन घेवुन एक अनोळखी इसम सदर महीले जवळ येवुन कोठे जायचे आहे, अशी विचारना करून मी नगरला चाललो आहे मी तुम्हाला सोडतो असे म्हणुन कार मध्ये बसवुन मौजे दौड गावचे हद्दीत असलेले सोनवडी नदीच्या पुला जवळ कार थांबवुन सदर महीलेस दमदाटी करून महीलेच्या गळयातील सोन्याची चैन बळजबरीने हिसकावुन तसेच तिचेकडे असलेली बँग घेवुन तिला सदर ठिकाणी सोडुन निघुन गेल्या बाबत नमूद करण्यात आले असून दौड पोलीस स्टेशन येथे गु रं न ५२८/२०२४ भारतीय न्याय संहिता सन २०२३ चे कलम ३०९ (४) प्रमाणे गुन्हा दाखल करण्यात आला होता.
सदरचा गुन्हा हा गंभीर स्वरूपाचा असल्याने पो नि संतोष डोके यांनी डि. बी पथकास गुन्हयाचे अनुशंगाने सुचना दिल्या होत्या त्या अनुषंगाने एक टिम तयार करून गुन्हा घडला त्या ठिकाणी सी.सी.टि.व्ही फुटेजच्या व गोपनिय बातमीदाराचे आधारे अज्ञात वाहनाचा व आरोपीचा शोध घेतला असता सदरचा गुन्हा हा प्रफुल्ल उर्फ बिंदु प्रकाश पानसरे वय.२८ रा. पाटस ता. दौड जि.पुणे. याने केल्याचे तपासात निष्पन्न झाले आहे. सदर आरोपी हा मौजे वंरवड येथील चौकात येणार असल्याची खबर दौड पोलीस स्टेशन, पुणे ग्रामीण डि बी पथकाला समजल्याने. डि.बी पथकाने सापळा रचुन गुन्हयात वापरलेल्या वाहनासह ताब्यात घेवुन अटक करण्यात आली आहे आरोपीकडुन गुन्हयात चोरलेली सोन्याची चैन व गुन्हयात वापरलेली कार असे एकुण ५ लाख ५० हजार हजाराचा मुद्देमाल दौंड पोलीस स्टेशन येथे जप्त करण्यात आला आहे. सदर गुन्हयातील आरोपीस अटक करून त्याचे कडे गुन्हयाचे अनुशंगाने प्राथमिक तपास केला आरोपी कडुन पुणे जिल्हा हद्दीत अशा प्रकारे गुन्हे उघडकिस येण्याची शक्यता आहे. अशी माहिती दौंड पोलीस निरीक्षक संतोष डोके यांनी दिली.
सदरची कामगिरी पोलीस अधिक्षक श्री पंकज देशमुख सो. अप्पर पोलीस अधिधक संजय जाधव सो उपविभागीय पोलीस अधिकारी आण्णासाहेब घोलप सो यांचे मागर्दर्शनाखाली पोनि संतोष डोके, सो मपोसई सुप्रिया दुरदे पोहवा. सुभाष राउत, नितीन बोराडे, पांडुरंग बोरात, शरद वारे, पोना. अमीर शेख पोशि. अमोल देवकाते, रविद्र काळे योगेश गोलांडे यानी केली आहे सदर गुन्हयाचा पुढील अधिक तपास मपोसई सुप्रिया दुरंदे या करीत आहेत.
अनिल गायकवाड
दौण्ड प्रतिनिधी