लिंपणगाव प्रतिनिधी :- २०१९ च्या विधानसभा निवडणुकीत सौ.अनुराधा नागवडे यांनी उमेदवारी अर्ज दाखल करताना माजी मंत्री आमदार बबनराव पाचपुते यांचे बंधू स्व.सदाशिव पाचपुते यांनी यावेळी आम्हाला पाठिंबा द्या भविष्यात पुढच्या वेळी तुम्हाला पाठिंबा देऊ असे आवाहन केल्याने सहकार महर्षी शिवाजीराव नागवडे सहकारी साखर कारखाना चेअरमन राजेंद्र दादा नागवडे आणि सौ अनुराधा नागवडे यांनी आमदार बबनराव पाचपुते यांना पाठिंबा दिला. त्यामुळे तत्कालीन काँग्रेस राष्ट्रवादी काँग्रेसला अनुकूल वातावरण असताना भाजप उमेदवार बबनराव पाचपुते विजयी झाले दुर्दैवाने ३ वर्षापूर्वी कोरोना काळात सदाशिव पाचपुते यांचे निधन झाले. त्यांचे पुत्र शिवसेना उपनेते साजन पाचपुते यांनी पित्याने दिलेला शब्द सहकार महर्षी शिवाजीराव नागवडे सहकारी साखर कारखाना निवडणुकीत देखील पाळला आणि यंदाच्या विधानसभा निवडणुकीत महाविकास आघाडीची उमेदवारी शिवसेनेला मिळाली.; असता स्वतः ऐवजी सौ.अनुराधा नागवडे यांच्या नावाची शिफारस करून पाठिंबा देऊन शब्द पाळला आता १० वर्षापूर्वी झालेल्या निवडणुकीत स्व. कुंडलिक तात्या जगताप यांनी यंदा राहुल जगताप यांना पाठिंबा द्या; भविष्यात आम्ही (जगताप गट) तुम्हाला पाठिंबा देऊ; असे आश्वासन दिले. त्यावेळी ज्येष्ठ नेते सहकार महर्षी शिवाजीराव नागवडे सहकारी साखर कारखाना संस्थापक माजी आमदार शिवाजीराव नागवडे यांनी जगताप यांचा प्रस्ताव स्वीकारला स्व. शिवाजीराव नागवडे यांनी उमेदवारी करणार नाही. असे जाहीर केले. त्याचवेळी राज्यात आघाडी आणि युती ने स्वतंत्र निवडणूक लढविण्याचा निर्णय घेतला काँग्रेसने स्व. शिवाजीराव नागवडे यांना एबी फॉर्म पाठवत असल्याचे सांगितले. त्यावर स्व. नागवडे यांनी मी खासदार शरद पवार यांना राहुल जगताप यांच्या विजयासाठी शब्द दिला असल्याचे सांगत नम्रपणे चालून आलेली उमेदवारी नाकारली. .आता या परत फेडीची वेळ महाविकास आघाडीची उमेदवारी सौ. अनुराधा नागवडे यांना मिळाल्याने माजी आमदार राहुल दादा जगताप यांनी मनाचा मोठेपण दाखवत १० वर्षापूर्वी नागवडे गटाने प्रत्येक गावात आणि जेथे जगताप गटाला कार्यकर्ते संख्या कमी असताना मेहनत घेऊन विजयी केले. त्यासाठी सौ. अनुराधा नागवडे यांना पाठिंबा द्यावा; अशी मागणी १० वर्षापूर्वी जगताप यांच्या साठी मेहनत घेणारे नागवडे गटाचे कार्यकर्ते करताना दिसत आहेत.

नागवडे गटाने सहकारात बिनविरोध निवडणुकीत विरोधकांना मदत केली. विधानसभा निवडणुकीत आमदार बबनराव पाचपुते आणि राहुल जगताप यांना मदत केली. आता नागवडे २००९ नंतर १५ वर्षांनी निवडणुकीत उतरले. त्यांना मदत करून परतफेड करावी अशी मागणी नागवडे गटाचे कार्यकर्ते करत आहेत.