लिंपणगाव (प्रतिनिधी )--श्रीगोंदा तालुक्यात बिबट्याची दहशत काही थांबण्याच्या मार्गावर नाही. तालुक्यातील प्रत्येक गावात आता बिबट्याने भक्षणासाठी लक्ष केले आहे. पाळीव जनावरे व माणसांवर बेधडक हल्ले करताना दिसत आहेत त्यामध्ये अनेक निष्पाप प लोकांचा बळी जात आहेत. सद्यस्थितीला नदीकाठावरील गावांमध्ये बिबट्याचा वावर मोठ्या प्रमाणावर दिसून येत आहे. मागील महिन्यात इनामगाव येथील एका वृद्ध महिलेवर बिबट्याने हल्ला करून उसात फरपटत त्याबरोबर वांगदरी गावात एका शेतकऱ्याच्या सीमेंटी पाईप मध्ये बिबट्या दबी धरून बसला होता. तो तेथील शेतकऱ्यांनी पाहिला शेतकऱ्यांनी व गावच्या सरपंचांनी बिबट्याची खबर संबंधित रेंज फॉरेस्ट ऑफिसर व वन कर्मचाऱ्यांना दिली. वन कर्मचाऱ्यांचा बिबट्या जेरबंद करण्यात यश आले नाही वनाधिकारी व कर्मचाऱ्यांच्या डोळ्यादेखत बिबट्याने तेथून पलायन केले. त्यामुळे तेथील ग्रामस्थांनी वनविभागाच्या कर्मचाऱ्यांच्या कार्यपद्धतीवर नाराजी व्यक्त केली होती. वन कर्मचारी देखील तात्काळ तिथे दाखल झाले. सिमेंट पाईपच्या एका बाजूने जाळी लावली परंतु दुसऱ्या बाजूने त्याने पलायन केले. अजूनही वांगदरी गावात बिबट्याची दहशत कायम असल्याचे देखील सरपंच व ग्रामस्थांनी सांगितले. आता बिबट्याने पिंपळगाव पिसा येथील साबळे वस्तीवर मोर्चा वळविला आहे.

      मिळालेल्या माहितीनुसार शुक्रवारी रात्री नऊ वाजता शंकर सखाराम साबळे यांच्या वस्तीवर बिबट्या भक्षणासाठी आला. त्या बिबट्याला शंकर साबळे यांच्या घरात समोरील पाळीव कुत्रा दिसला. त्या कुत्र्यावर बिबट्याने जोराची झडप मारली. त्याचा आवाज शंकर साबळे यांना येताच शंकर साबळे यांनी दरवाजा उघडला दरवाज्याचा मोठा आवाज येताच बिबट्याने कुत्र्यावर हल्ला करून त्या कुत्र्याला बिबट्या घेऊन गेला. शनिवारी सकाळी शंकर साबळे यांनी जेष्ठ पत्रकार नंदकुमार कुरुमकर यांना बिबट्या संदर्भात कल्पना दिली. पत्रकार कुरुमकर यांनी तात्काळ रेंज फॉरेस्ट ऑफिसर दिपाली भगत; व वनपाल रंजना घोडके यांना घडल्या घटनेची माहिती देऊन तात्काळ कर्मचाऱ्यांमार्फत बिबट्याचे ठसे घेऊन नेमका हा बिबट्या कुठे गेला आहे. याची माहिती त्वरित घ्यावी. अशा सूचना केल्यानंतर वनपाल घोडके मॅडम यांनी तात्काळ वन कर्मचारी हुंबरे यांना घटनास्थळी माहिती घेण्याच्या सूचना केल्या. दरम्यान पिंपळगाव पिसा साबळे वस्ती येथे हंगा नदीचा उगम आहे. तेथे बिबट्याला दडण्यासाठी मोठी जागा आहे. त्याबरोबरच काटेरी झाडांचा देखील आसरा बिबट्या घेत असावा. त्यामुळे वन कर्मचाऱ्यांनी तात्काळ बिबट्याला जेरबद करण्यासाठी पिंपळगाव पिसा येथील साबळे वस्ती जवळ पिंजरा लावण्याची आवश्यकता असल्याचे पिंपळगाव पिसा येथील ग्रामस्थांनी सांगितले. बिबट्याची दहशत मात्र या परिसरात कायम आहे.

      दरम्यान तालुक्यात सिंचन क्षेत्र मोठे असल्याने उसाचे क्षेत्र देखील मोठे आहे परंतु सद्यस्थितीला  शेतकऱ्यांचा ऊस गाळपासाठी गेल्याने सर्वत्र जमिनी शेतकऱ्यांनी मशागती करून ठेवले आहेत त्यामुळे बिबट्याला दडण्यासाठी केवळ नदी काठावरील काटेरी झाडातच आश्रय घेत असल्याचे दिसते दक्षिणासाठी मात्र बिबटे दररोज वेगवेगळ्या ठिकाणी जागा बदलतात वाड्या वस्त्यांवर जिथे दाट काटेरी झाडे आहेत तिथे बिबटे आश्रय घेतात रात्री अचानक कुत्रे पाळीव शेळ्या मेंढ्या जनावरे यांच्यावर बेधडक हल्ले  करून बळी घेत आहेत त्यामध्ये शासनाने वन प्राण्यांसाठी एक वेगळा कायदा केल्यामुळे कोणीही बिबट्या दिसले तरी त्याला मारण्याचे धाडस करत नाही परंतु एकीकडे मनुष्यहानी मोठ्या प्रमाणावर होताना दिसते अशा परिस्थितीत शासनाने कुठेतरी हल्ले करणाऱ्या प्राण्यांवर कायद्यात बदल करण्याची आवश्यकता असल्याचे शेतकरी व ग्रामस्थांमधून बोलले जात आहे.