गुंडेगाव ता. नगर (प्रतिनीधी दादासाहेब जावळे):येथील विविध कार्यकारी सेवा सोसायटी १ व सेवा सोसायटी २ ची रणधुमाळी थांबली असून कार्यकर्त्यांच्या भेटीगाठीला जोर आला आहे. भैरवनाथ शेतकरी विकास पॅनल व रामेश्वर शेतकरी विकास पॅनल यांचेमध्ये सरळ सरळ लढत होत आहे. १ नंबर सेवा सोसायटीमध्ये १३ जागेसाठी २८ उमेदवार तर २ नंबर सोसायटी साठी १२ जागेसाठी २४ उमेदवार रिंगणात आहेत. या सोसायटीत बाळासाहेब हराळ गटाचे उमेदवार दिनकर शिंदे यांचे रुपाने बिनविरोध निवडून येऊन विजयी खाते उघडले आहे. भैरवनाथ शेतकरी विकास पॅनलने शेतकरी विकासाचा अजेंडा मांडताना मागील १५-२० वर्षात गावाने वीज, रस्ते, पाणी यात केलेल्या कामांचा उल्लेख करताना जलसंधारणच्या कामाने पूर्वीचे ७५० हेक्टर बागायती क्षेत्र आता १६०० हेक्टर पेक्षा जास्त क्षेत्र ओलिताखाली येऊन शेतकऱ्यांची झालेली आर्थिक भरभराट, त्यामुळे उंचावलेला आर्थिक स्तर व केलेल्या विकास कामांचा उहापोह करताना सेवा सोसायटी केडरला जोडून ताबेदारी मिळविण्यासाठी गावाबाहेरील लोकांनी लक्ष घालून सेवा सोसायटीच्या प्रतिनिधींना धमकावून, लालूच दाखवून केलेल्या गुजरात वारीचा अनेकांनी खरपूस समाचार घेतला. रामेश्वर शेतकरी विकास पॅनलने शिक्षक सोसायटीचा संदर्भ देत कन्यादान योजना, विमा योजना, डिव्हीडंड, तीन मजली कार्यालयाच्या इमारत उभारणीचे आश्वासन देत निवडणूकीत काही प्रमाणात रंग भरण्याचे कार्य केले. मात्र हा निधी कसा उभारणार या बाबतचे स्पष्टीकरण मात्र देता आले नाही. ग्रामपंचायतीत याच पक्षाची असलेली सत्ता असून काम वाटप व काम घेण्यावरून सत्ताधारी सदस्यात चालू असलेली खेचाखेचीमुळे ग्रामविकासाच्या रखडलेल्या कामांमुळे व मंजुर कामांचे निधी वितरीत होऊनही प्रत्यक्षात काम न झाल्याचे आरोप रामेश्वर शेतकरी विकास पॅनलवर झाले. मात्र या बाबत कोणीही उत्तर दिले नाही. मागील जवळपास दोन पंचवार्षिक सेवा सोसायटी बीनविरोध होत होत्या. पण बीनविरोध होऊनही जिल्हा बँकेच्या ठरावाच्या वेळी व संस्था केडरला जोडण्यासाठी काही बाहेरच्या राजकीय व्यक्तींनी मोठ्या प्रमाणावर हस्तक्षेप केलेला सर्वसामान्य मतदाराला रुचलेले दिसले नाही. त्यामुळे तरुणांचे संघटन झालेले दिसून आले. बाळासाहेब हराळांच्या भैरवनाथ पॅनलने उच्चशिक्षीत व सोसायटीच्या कारभाराशी संबंधितांना उमेदवारी देताना जथ्ये व मतदानाचा हिशोब लक्षात घेता सोशल इंजिनीअरींगचा प्रयोग केला. बबनराव हराळ यांच्या रामेश्वर पॅनेलने रिटायर्ड शिक्षक, शेतकरी यांना स्थान देताना काही मागील सदस्यांना पुन्हा उमेदवारी दिली, तर काही जागेवर उमेदवारांनी पाय न धरल्याने विद्यमान ग्रामपंचायत सदस्यांना उमेदवारी करावी लागली. भैरवनाथ पॅनलचे वतीने मा.जि.प. सदस्य बाळासाहेब हराळ, मा. सरपंच संजय कोतकर, मा. उपसरपंच सुनिल भापकर, मा. सरपंच सौ. नयना भापकर, रावसाहेब हराळ, वामनराव जाधव, मा. सरपंच उषा जाधव, रमेश चौधरी, सुरेश हराळ, संदिप जाधव, अंबादास जाधव, अंबादास कासार, पंडीत हराळ, पोपट भापकर, अंकुश कुताळ यांनी तर रामेश्वर पॅनलच्या वतीने बबनराव हराळ, महादेव माने, महादेव चौधरी, उपसरपंच संतोष भापकर, संतोष धावडे, संतोष सकट, नानासाहेब हराळ आदींनी नेतृत्व करत पॅनलचा अजेंडा सभासदापर्यंत प्रत्यक्ष व सोशल मिडीयातून पोहचविण्याचा प्रयत्न करत आरोप प्रत्यारोप करत सभासदांना आपलेसे करण्याचा प्रयत्न केला. सेवा सोसायटी १ साठी रविवारी मतदान होणार असून मतमोजणी सायंकाळी , तर सेवा सोसायटी २ साठी सोमवारी मतदान होत असून त्याच दिवशी निकाल लागणार आहे. त्यामुळे ग्रामविकासाचा अजेंडा प्रत्यक्षात राबवून महाराष्ट्र शासनाचा पहिल्या क्रमांकाचा पुरस्कार मिळालेला भैरवनाथ पॅनलचे नेते बाजी मारणार की इमारत, कन्यादान, डिव्हीडंड, विमा यांचे स्वप्न दाखविणाऱ्या रामेश्वर पॅनलचा विजय होणार हे अवघ्या काही तासांनी समजेल.
वाचक क्रमांक :

प्रकाश म्हस्के
संपादक

स्थानिक राजकारणात वाढती घराणेशाही — सामान्य कार्यकर्त्यांचं काय?

भारतीय बौद्ध महासभा दौंड तालुका कार्यकारणी जाहीर. अध्यक्ष पदी दत्तात्रेय कोकाटे तर सरचिटणीस पदी दादासाहेब मोरे यांची नियुक्ती

श्रीगोंदा तालुका बुद्धिबळ संघटने कडून बुद्धिबळ स्पर्धा संपन्न.

भांडगाव विविध कार्यकारी सहकारी सोसायटीच्या वार्षिक सर्वसाधारण सभा सुरू असताना हृदयविकाराच्या धक्क्याने शेतकऱ्याचा मृत्यू.

भांडगाव विविध कार्यकारी सहकारी सोसायटीच्या वार्षिक सर्वसाधारण सभा सुरू असताना हृदयविकाराच्या धक्क्याने शेतकऱ्याचा मृत्यू.

कुरकुंभ एम आय डी सी येथील १ लाख ८० हजार किंमतीच्या चंदनाच्या झाडाची चोरी. पाच पैकी चार आरोपी पोलिसांच्या ताब्यात.

कै.मुरलीधर (आण्णा) होनराव जयंतीनिमित्त रक्तदान शिबिर संपन्न

त्र्यंबकेश्वर येथे पत्रकारांवर हल्ला; श्रीगोंद्यात महाराष्ट्र राज्य पत्रकार संघाच्यावतीने कारवाईची मागणी

श्रीगोंदा शहरातील एस मार्ट मॉलला भीषण आग आगीत कोट्यवधींचा माल जळून खाक

दौंड शहरातील अवैध गावठी हातभट्टी दारु विक्री व बेकायदा कल्याण मटका जुगार अड्ड्यावर दौंड पोलीसांची धडक कारवाई

निर्भय महाराष्ट्र पार्टीचे संस्थापक अध्यक्ष जितेंद्र भावे यांच्या उपस्थितीत राहुलकुमार अवचट यांना उत्कृष्ट माहिती अधिकार पुरस्कार प्रदान.

बोरीबेल येथील (डी.पी) विद्युत रोहित्रातील 80 किलो ताब्यांच्या तारा अज्ञात चोरट्यांनी चोरुन नेल्या. दौंड पोलीस ठाण्यात गुन्हा दाखल.

लिंबाच्या झाडाला घेतला गळफास, दौंड पोलीस स्टेशन हद्दीतील मौजे गुणवरे वस्ती येथील धक्कादायक घटना.

पत्रकारांचे समाजभिमुख लिखाण ही काळाची गरज सचिव मेजर भीमराव ऊल्हारे

पेडगाव येथील बंधाऱ्याचे काम अतिशय निकृष्ट दर्जाचे सुरू प्रशासनाच्या अधिकाऱ्यांचे दुर्लक्ष साहेब उघडा डोळे बघा नीट

दौंड तालुक्याचे नाव राज्याच्या पटलावरती नोंदवून प्रथम क्रमांक मिळवला. हरगुण सिंग नाहर. अजित पवार. हर्षवर्धन शितोळे पार्थ गांधले. सुखमिलन सिंग नाहर यांचे सर्वत्र होते कौतुक.

लोकसहभागातून संत सेना महाराज यांचे मंदिर उभारणी

दौंड शहरातील बेकायदा बिगर परवाना गावठी हातभट्टी दारू विक्री व कल्याण मटका जुगार अड्ड्यावर पोलिसांनी केली कारवाई

श्रीगोंद्यात उपमुख्यमंत्री अजितदादा पवार यांच्या उपस्थितीत २९ तारखेला भव्य शेतकरी मेळावा.

श्रीगोंदा तालुक्यात खुलेआम अवैद्य गुटखा विक्री प्रशासनाचे दुर्लक्ष