आष्टी, दि. 19 (प्रतिनिधी) - 15व्या वित्त आयोगाची माहिती विचारल्याचा राग मनात धरून गावगुंडामार्फत पत्रकारास धमकी देणा-या गटविकास अधिकारी सुधाकर मुंडे यांच्यावर कारवाई करावी, अशी मागणी येथील पत्रकार संघटनांचे पदाधिकारी व सदस्यांनी तहसीलदार यांच्याकडे केली. याबाबत आज (ता. 19) तहसीलदारांना निवेदन देण्यात आले असून कारवाई न झाल्यास आंदोलनाचा इशारा देण्यात आला आहे. निवेदनात म्हटले आहे की, आष्टी येथील दैनिक सकाळचे तालुका बातमीदार अनिरुद्ध धर्माधिकारी यांनी आष्टी तालुक्यातील विविध विषयांवर सातत्याने लक्षवेधी लिखाण करणारे पत्रकार म्हणून जिल्ह्यात ओळखले जातात. अनेक विषय हाताळून त्यांनी दीन-दलित, गरजू, अपंग, शेतकरी, वंचितांचा आवाज बुलंद करण्याचे काम केलेले आहे. नुकतेच दैनिक सकाळमध्ये पंचायत समितीच्या रोहयो कक्षाला महिनाभरापासून कुलूप असल्याचे व लाभार्थींना ऐन उन्हाळ्यात कर्मचारी शोधत फिरण्याची वेळ आल्याबाबतचे वृत्त प्रसिद्ध करण्यात आले होते. त्याच दिवशी हा कक्ष सुरू होऊन लाभार्थींची गैरसोय दूर झाली होती. दरम्यान, पंचायत समितीमार्फत पंधराव्या वित्त आयोगाअंतर्गत विविध कामे झाल्याचे किंवा सुरू असल्याचे सांगितले जाते. याबाबत बातमीच्या अनुषंगाने तोंडी माहिती मिळविण्यासाठी (माहिती अधिकार कायद्याअंतर्गत नव्हे) धर्माधिकारी हे बीडीओ सुधाकर मुंडे यांना भेटले होते. परंतु माहिती देणे बहुदा अडचणीचे ठरणार असल्याने मुंडे यांनी ती देण्यास टाळाटाळ केली. यासंदर्भात दोन-तीन वेळा पाठपुरावा करूनही माहिती मिळाली नाही. याच दरम्यान पुणे येते कौटुंबिक कार्यक्रमात असताना बद्री जगताप याने फोनवरून श्री. धर्माधिकारी यांना धमकावले. गावगुंड एवढीच ओळख असलेल्या जगताप व धर्माधिकारी यांचे यासंदर्भात बोलणेही झालेले नव्हते. एका प्रत्यक्षदर्शीनुसार यावेळी बीडीओ मुंडे हेही शेजारीच बसलेले होते. त्यामुळे भ्रष्टाचार दडपण्यासाठी व माहिती देणे अडचणीचे ठरण्याची भीती वाटल्याने बीडीओ मुंडे यांनीच गावगुंडाच्या आश्रयाला जाऊन पत्रकाराला धमकावल्याचे दिसून येत आहे. माहिती मागितल्याचा राग मनात धरून गावगुंडामार्फत पत्रकाराला धमकावणारे गटविकास अधिकारी सुधाकर मुंडे यांच्यावर गुन्हा दाखल करून त्यांना निलंबित करत योग्य ती कारवाई करावी, अशी मागणी गुरुवारी पत्रकारांनी तहसीलदारांकडे निवेदन देत केली. त्वरित कारवाई न झाल्यास तालुक्यातील पत्रकार संघटना आंदोलन करतील, असा इशाराही निवेदनात देण्यात आला आहे. या वेळी पत्रकार उत्तम बोडखे, भीमराव गुरव, शरद तळेकर, शरद रेडेकर, संतोष सानप, निसार शेख, राजेंद्र जैन, गणेश दळवी, मुजाहिद सय्यद, कासम शेख, कृष्णा पोकळे, गोपाल वर्मा, अंकुश तळेकर, संदीप जाधव, रहेमान सय्यद आदी उपस्थित होते.
वाचक क्रमांक :

प्रकाश म्हस्के
संपादक

दौंड शहरात एकच चर्चा आम्ही केलेली चूक दुरुस्त करता येते. तुम्ही ठरवा तुमची चूक दुरुस्त करणार का ? येणाऱ्या स्थानिक स्वराज्य निवडणुकीत दौंड ची जनता काय निर्णय घेणार याकडे लक्ष.

करमाळा पोलीस ठाणेची उल्लेखनीय कामगीरी... जेऊर येथे १ लाख ५० हजार २०० रुपये किंमतीचा सुमारे ६ किलो गांजा जप्त

राज्यातील अतिरिक्त शिक्षकांच्या समायोजन प्रक्रियेला आणि पगार बंदीला स्थगिती शिक्षक भारतीच्या पाठपुराव्याला यश

जनतेत नाराजीचा सूर; नेते सोयीनुसार बदलतात पक्ष, विचारधारा वेशीवर!

वांगदरी विद्यालयाच्या दहावी (२००१) बॅचचा २५ वर्षांनी पुन्हा रंगला शाळकरी आठवणींचा स्नेहसोहळा!

दौंड मध्ये लाच घेताना पोलीस कॉन्स्टेबल रंगेहात पकडला

अहिल्यानगर मध्ये बौद्धाचार्य श्रामणेर शिबिराचे उद्घाटन

आमदार नारायण आबा पाटील यांनी करमाळा तालुक्यातील नुकसानग्रस्त भागात बांधावर जाऊन केली प्रत्यक्षात पीक पाहणी

सेवानिवृत्तीनंतरच्या अनुभवाचा फायदा समाजासाठी व्हावा- सौ अनुराधाताई नागवडे

अतिवृष्टीत अडकलेल्या टँकरमधून मायलेकासह तिघांची धडाडीने सुटका – वालचंदनगर पोलिसांचा शौर्यप्रद दाखला

श्रीगोंदा तालुक्यात पावसाची कही ख़शी; कही गम अशी स्थितीश्रीगोंदा तालुक्यात 294.6 मिलिमीटर पावसाची नोंद या अवकाळी च्या जोरदार पावसामुळे खरीप हंगाम लांबण्याची शक्यता?

छत्रपती महाविद्यालयातील १० विद्यार्थ्यांची निकालाअगोदर विविध औषध कंपनीत नोकरीसाठी निवड

निमगाव सोसायटीवर जगताप पाटील गटाचा झेंडा तिसरी आघाडी सक्रिय झाल्याने प्रस्थापितांना धक्का

यवत गावातील नागरिकांना वळसा घालुन प्रवास करण्याची वेळ श्री काळभैरवनाथ मंदिरा जवळच्या पुलाखालून प्रवासी वाट सुरू करण्याची मागणी

अवकाळी पावसामुळे ही परिस्थिती ? दौंड शहरातील दुमजली दुकानाची भिंत अंगावर कोसळून जेष्ठ नागरिक महिलेचा मृत्यू.

आई ही विश्वाची जननी आहे तिचा विसर होता कामा नये ह भ प हरिभाऊ महाराज गीते

नुकसान ग्रस्त माजी विद्यार्थी चंद्रकांत वाजे यांना वर्गमित्रांकडून एक लाख एक हजार रुपयांची मदत , मुख्याध्यापक गवळी व पत्रकार कुरुमकर यांच्या हस्ते चंद्रकांत वाजेंना रक्कम प्रदान

अभिनव प्रज्ञाशोध परीक्षेत भारत प्रायमरी स्कूल जेऊरची सभ्यवी शेंडगे राज्यात तिसरी

प्रधानमंत्री आवास घरकुल योजनेच्या सर्व्हेसाठी गरजू लाभार्थ्यांनी 31 मे पर्यंत सर्व्हेक्षण करून घ्यावे - ॲड. राहुल सावंत

पिंपळगाव पिसा येथील साबळे वस्तीवर बिबट्याची दहशत , साबळेंच्या पाळीव कुत्र्याचा घेतला बळी