श्रीगोंदा प्रतिनिधी दि.२५: श्रीगोंदा तालुक्यातील मढेवडगाव विविध कार्यकारी सेवा सोसायटी व जिल्हा बँकेच्या मढेवडगाव शाखेचा अजब कारभार सुरू असल्याने ऐन खरीप हंगामाच्या तोंडावर सभासद शेतकऱ्यांना कर्ज मागण्यास गेले असता उडवाउडवीची उत्तरे देऊन कर्ज देण्यापासून जाणूनबुजून रोखले जात असल्याने वंचित सभासद शेतकऱ्यांनी पंचायत समिती सदस्य जिजाबापू शिंदे यांच्या नेतृत्वाखाली मंगळवार दि. ३१ रोजी उपोषण आंदोलन केले. यावेळी नायब तहसीलदार डॉ.योगीता ढोले, सहाय्यक निबंधक अभिमान थोरात व जिल्हा बँकेचे विस्तार अधिकारी वसंत जामदार यांनी लेखी आश्वासन दिल्याने उपोषण आंदोलन मागे घेतले.

तहसीलदार मिलिंद कुलथे यांना दिलेल्या निवेनात आंदोलनकर्त्यानी म्हटले आहे की मढेवडगाव सेवा सोसायटीची निवडणूक प्रक्रिया सुरू असून दि.१८ जून रोजी मतदान आहे. परंतु सत्ताधाऱ्यांनी अंतर्गत राजकारणाला सुरुवात करून ऐन खरीप हंगामाच्या तोंडावर विरोधक सभासदांना कर्जवाटपापासून वंचित ठेवण्यात येत आहे. ३१ मार्च पूर्वी ३१० सभासदांनी विहित वेळेत कर्जाची परतफेड केली आहे व जिल्हा बँकेने कर्जफेड केल्यावर तात्काळ कर्ज देण्याचे आश्वासन दिले होते परंतु सेवा सोसायटीने जिल्हा बँकेच्या आदेशाला हरताळ फासून मर्जीतील ३५ सभासदांना कर्जवाटप व एकाच कुटुंबातील पाच पाच व्यक्तींना कर्जवाटप करून संस्थेच्या संहितेला बाधा आणून बाकी नियमात बसणाऱ्या ३१० सभासदांना उडवाउडवीची उत्तरे देऊन कर्जापासून वंचित ठेवण्याचा अजब प्रकार चालू केला आहे. सभासद शेतकऱ्यांना खरिप हंगाम तोंडावर आला असताना शेतकऱ्यांना बी बियाणे, खते, औषधे व शेतीच्या मशागतीसाठी पैशाची अत्यंत गरज आहे. पण सोसायटीच्या आडमुठ्या धोरणामुळे शेतकऱ्यांना शेती पडीक ठेवावी लागेल. आंदोलनस्थळी नायब तहसीलदार डॉ. योगिता ढोले, सहाय्यक निबंधक अभिमान थोरात व जिल्हा बँकेचे विकास अधिकारी वसंत जामदार यांनी शेतकऱ्यांच्या समस्या जाणून कर्ज वाटप करण्याचे आदेश दिल्यामुळे उपोषण मागे घेण्यात आले.

यावेळी आंदोलनाला राष्ट्रवादी काँग्रेसचे प्रदेश उपाध्यक्ष घनशाम शेलार,नागवडे कारखान्याचे माजी उपाध्यक्ष केशवराव मगर, जिल्हा परिषदेचे माजी सदस्य बाळासाहेब गिरमकर, डॉ. दत्तात्रय नागवडे, पोपट गोरे,गेना मांडे, साहेबराव उंडे, प्रवीण वाबळे,उपसरपंच दीपक गाडे, अमोल गाढवे, संतोष मांडे, राजेंद्र शिंदे, दत्तात्रय गोरे, भाऊसाहेब पवार, अनंता पवार, किशोर इरोळे, तुकाराम उंडे, संदीप मांडे, विजय हरिहर, प्रशांत शिंदे, लक्ष्मण मांडे, महेंद्र उंडे, गणेश उंडे, गणेश वाबळे, युवराज साळुंके उपस्थित होते.

चौकट: गेणाभाऊ मांडे, सभासद शेतकरी - "संस्थेने राजकीय उद्देशाने सभासद शेतकऱ्यांचे कर्ज रोखून शेतकऱ्यांसाठी असलेल्या संस्थेच्या हिताला धक्का दिला आहे. संस्थेचे कापड विभाग, मशिनरी विभाग बंद पडला आहे तर खत विभाग व स्वस्त धान्य दुकान बंद पडण्याच्या मार्गावर आहे. गैरव्यवहार प्रकरणी गेल्या पाच वर्षात चार संचालक व सचिव निलंबित होऊनही संस्था मात्र पारदर्शक कारभाराचा डंका पिटत आहे. आमच्यावर अन्याय केला तर कायदेशीर लढाई करू."
वसंत जामदार, तालुका विकास अधिकारी " जिल्हा बँकेच्या ध्येय धोरणानुसार बँक कर्ज वाटप करत आहे. कुणाही पात्र सभासदांची येथून पुढे अडवणूक होणार नाही. याची दक्षता घेऊन उपोषणकर्त्यांनी बँकेला व संस्थेला सहकार्य करावे व उपोषण स्थगित करावे.

वाचक क्रमांक :

प्रकाश म्हस्के
संपादक

दौंड शहरात एकच चर्चा आम्ही केलेली चूक दुरुस्त करता येते. तुम्ही ठरवा तुमची चूक दुरुस्त करणार का ? येणाऱ्या स्थानिक स्वराज्य निवडणुकीत दौंड ची जनता काय निर्णय घेणार याकडे लक्ष.

करमाळा पोलीस ठाणेची उल्लेखनीय कामगीरी... जेऊर येथे १ लाख ५० हजार २०० रुपये किंमतीचा सुमारे ६ किलो गांजा जप्त

राज्यातील अतिरिक्त शिक्षकांच्या समायोजन प्रक्रियेला आणि पगार बंदीला स्थगिती शिक्षक भारतीच्या पाठपुराव्याला यश

जनतेत नाराजीचा सूर; नेते सोयीनुसार बदलतात पक्ष, विचारधारा वेशीवर!

वांगदरी विद्यालयाच्या दहावी (२००१) बॅचचा २५ वर्षांनी पुन्हा रंगला शाळकरी आठवणींचा स्नेहसोहळा!

दौंड मध्ये लाच घेताना पोलीस कॉन्स्टेबल रंगेहात पकडला

अहिल्यानगर मध्ये बौद्धाचार्य श्रामणेर शिबिराचे उद्घाटन

आमदार नारायण आबा पाटील यांनी करमाळा तालुक्यातील नुकसानग्रस्त भागात बांधावर जाऊन केली प्रत्यक्षात पीक पाहणी

सेवानिवृत्तीनंतरच्या अनुभवाचा फायदा समाजासाठी व्हावा- सौ अनुराधाताई नागवडे

अतिवृष्टीत अडकलेल्या टँकरमधून मायलेकासह तिघांची धडाडीने सुटका – वालचंदनगर पोलिसांचा शौर्यप्रद दाखला

श्रीगोंदा तालुक्यात पावसाची कही ख़शी; कही गम अशी स्थितीश्रीगोंदा तालुक्यात 294.6 मिलिमीटर पावसाची नोंद या अवकाळी च्या जोरदार पावसामुळे खरीप हंगाम लांबण्याची शक्यता?

छत्रपती महाविद्यालयातील १० विद्यार्थ्यांची निकालाअगोदर विविध औषध कंपनीत नोकरीसाठी निवड

निमगाव सोसायटीवर जगताप पाटील गटाचा झेंडा तिसरी आघाडी सक्रिय झाल्याने प्रस्थापितांना धक्का

यवत गावातील नागरिकांना वळसा घालुन प्रवास करण्याची वेळ श्री काळभैरवनाथ मंदिरा जवळच्या पुलाखालून प्रवासी वाट सुरू करण्याची मागणी

अवकाळी पावसामुळे ही परिस्थिती ? दौंड शहरातील दुमजली दुकानाची भिंत अंगावर कोसळून जेष्ठ नागरिक महिलेचा मृत्यू.

आई ही विश्वाची जननी आहे तिचा विसर होता कामा नये ह भ प हरिभाऊ महाराज गीते

नुकसान ग्रस्त माजी विद्यार्थी चंद्रकांत वाजे यांना वर्गमित्रांकडून एक लाख एक हजार रुपयांची मदत , मुख्याध्यापक गवळी व पत्रकार कुरुमकर यांच्या हस्ते चंद्रकांत वाजेंना रक्कम प्रदान

अभिनव प्रज्ञाशोध परीक्षेत भारत प्रायमरी स्कूल जेऊरची सभ्यवी शेंडगे राज्यात तिसरी

प्रधानमंत्री आवास घरकुल योजनेच्या सर्व्हेसाठी गरजू लाभार्थ्यांनी 31 मे पर्यंत सर्व्हेक्षण करून घ्यावे - ॲड. राहुल सावंत

पिंपळगाव पिसा येथील साबळे वस्तीवर बिबट्याची दहशत , साबळेंच्या पाळीव कुत्र्याचा घेतला बळी