By : Polticalface Team ,Sun Jun 12 2022 16:52:05 GMT+0530 (India Standard Time)
दिनांक 10/06/2022 रोजी फिर्यादी रामदास शिवाजी साबळे वय 30 वर्ष रा.भानगाव तालुका श्रीगोंदा यांनी श्रीगोंदा पोलीस स्टेशनमध्ये फिर्याद दिली की यातील आरोपी यांनी संगनमत करून यातील फिर्यादी यांचा विश्वास संपादन करून फसवणूक केली याबाबतच्या फिर्यादी वरून श्रीगोंदा गु.रजी.नं 397/2022 भा.द.वि.कलम 420,406,34 प्रमाणे गुन्हा दाखल झाला होता. सदर गुन्ह्यांमध्ये फिर्यादी याच्यासोबत यातील आरोपी काजल उर्फ कांचन अनिल श्रीवास्तव रा.वर्धा हिने लग्न केले होते. लग्नानंतर दोन दिवसांनी ती आरोपी अजित धर्मपाल पाटील रा.हिंगणघाट वर्धा याच्यासोबत निघून जात होती फिर्यादी व त्याचे नातेवाईक यांनी त्यांना श्रीगोंदा पोलीस स्टेशनला घेऊन आले. त्याच्याकडे कसून चौकशी केली असता त्यांनी फिर्यादी याच्यासोबत लग्नाचा बहाणा करून त्याच्याकडून 2,50,000/-रुपये रोख घेतले फिर्यादी सोबत लग्न केलेल्या मुलीचे अगोदरच लग्न झाले होते. तिचा पती आरोपी अजीत हा लग्नामध्ये नवरी आरोपी हिचा भाऊ म्हणून आलेला होता इतर तीन आरोपी पैकी एक जण मामा म्हणून तर दोघे नवरीचे काका म्हणून लग्नाला हजर होते. पाचही आरोपींनी एकत्रित कट करून फिर्यादी यांच्या वडिलांकडून 2,50,000 रुपये घेऊन फिर्यादी सोबत लग्न करून त्यांची फसवणूक केली असल्याचे तपासामध्ये निष्पन्न झाले.
गुन्ह्यामध्ये खालील पाच आरोपींना अटक केली असून सध्या पोलिस कस्टडी मध्ये रिमांड मध्ये आहेत. काजल उर्फ कांचन अनिल श्रीवास्तव वय 19 वर्ष राहणार इकवार बाजार,वार्ड नंबर 15 वर्धा,तालुका जिल्हा वर्धा (नवरी) अजित धर्मपाल पाटील वय 22 वर्ष रा. कात्री पोस्ट ता. हिंगणघाट जि. वर्धा (नवरीचा भाऊ) बळीराम नरोजी नलबले वय 55 वर्ष रा.वाळकेवाडी ता.लोहा जि. नांदेड (नवरीचा काका) माधव काशिनाथ सवणे वय 55 वर्ष रा. माळबोरगाव ता.किनवट जि.नांदेड (नवरीचा मामा) दिगांबर देवराम आंबुरे वय 35 वर्ष रा.माळबोरगाव ता.किनवट जि.नांदेड (नवरीचा काका) वरील आरोपी यांनी बनावट लग्न करून आणखी अशा प्रकारे लोकांची फसवणूक केली आहे का याबाबत तपास चालू आहे वरील आरोपी यांनी भाऊ,मामा, काका अशी बनावट नाते सांगून लग्नाकरिता हजर होते प्रत्यक्षात ते एकमेकांचे नातेवाईक नाहीत तरी परिसरातील नागरिकांनी मुला-मुलींचे लग्न करताना नातेवाईक मुलगा-मुलगी ओळख गाव,पत्ता,शिक्षण,नोकरी याबाबत व्यवस्थित माहिती घ्यावी जेणेकरून त्यांची वरील प्रमाणे फसवणूक होणार नाही.
सदरची कारवाई माननीय पोलीस अधीक्षक मनोज पाटील साहेब अहमदनगर, अप्पर पोलीस अधीक्षक सौरभकुमार अग्रवाल साहेब,उपविभागीय पोलीस अधिकारी अण्णासाहेब जाधव यांच्या मार्गदर्शनाखाली पोलीस निरीक्षक रामराव ढिकले सहाय्यक फौजदार गावडे, मपोना पुराणे, पोलीस कॉन्स्टेबल सुपेकर पोलीस कॉन्स्टेबल साखरे यांनी केली आहे.