लिंपणगाव( प्रतिनिधी )--अखेर लिंपणगाव ते श्रीगोंदा रेल्वे स्टेशन रस्त्याच्या दोन्हीही बाजूने सार्वजनिक बांधकाम विभागाने वृत्त प्रसिद्ध झाल्यानंतर तात्काळ दखल घेत सोमवारी सकाळी 11 वाजता काटेरी झाडे काढण्यास प्रारंभ केल्याने प्रवासी वाहन चालक व शेतकऱ्यांमधून समाधान व्यक्त करण्यात येत आहे. दरम्यान गेल्या अनेक दिवसापासून लिंपणगाव ते श्रीगोंदा रेल्वे स्थानक या 4 किलोमीटर अंतराच्या रस्त्याच्या दुतर्फी बाजूने काटेरी झाडांनी विळखा घातल्याने वाहनचालक व प्रवाशांना तसेच शेतकऱ्यांना त्या रस्त्यातून प्रवास करताना भीतीचे वातावरण निर्माण झाले होते. त्यामध्ये सरपटणाऱ्या प्राण्यांची देखील संख्या या रस्त्यातून अधिक दिसून आली. असे वाहनचालक व प्रवाशांनी सांगितले. तसेच या प्रश्नसंदर्भात ग्रामस्थांनी यापूर्वी वेळोवेळी सार्वजनिक बांधकाम विभागाला पत्रव्यवहार करून समक्ष भेटून दळणवळणाच्या दृष्टीने महत्त्वााचा समजला जाणाऱ्या रस्त्याची दुरुस्ती करून दोन्हीही बाजूने काटेरी झाडे काढण्याची विनंती केली होती. परंतु सार्वजनिक बांधकाम विभागाच्या अधिकाऱ्यांनी या प्रश्नाकडे वेगवेगळे कारण देत दुर्लक्ष केले होते. काल रविवारी लिंपणगाव ग्रामपंचायतच्या सरपंच सौ शुभांगीताई जंगले, उपसरपंच अरविंद कुरुमकर यांनी स्थानिक पत्रकारांकडे संबंधित सार्वजनिक बांधकाम विभागाकडे पाठवलेल्या पत्राची नक्कल पाठवण्यात आली होती. या पत्राची तात्काळ दखल घेत स्थानिक पत्रकारांनी या ज्वलंत प्रश्नसंदर्भात वृत्त प्रसिद्ध करून सार्वजनिक बांधकाम विभागाचे लक्ष वेधले. वृत्त प्रसिद्ध झाल्यानंतर संबंधित अधिकाऱ्यांनी सोमवारी दुसऱ्या दिवशी तात्काळ जेसीबीच्या साह्याने या रस्त्याच्या दोन्ही बाजूची काटेरी झाडे काढून रस्ता सुलभ केला. परंतु आता काटेरी झाडे काढून थांबावे लागणार नाही, तर गेल्या दहा वर्षापासून हा रस्ता खड्डेमय बनला आहे. त्यामध्ये श्रीगोंदा रेल्वे स्थानक नजीक असल्याने या आसपासच्या गावातून दूरवर प्रवास करण्यासाठी प्रवासी व वाहन चालक या रस्त्यातून मोठ्या संख्येने ये जा करत असतात. परंतु काटेरी झाडे व रस्ता खड्डेमय असल्याने प्रवासी वाहन चालकांची या रस्त्यातून प्रवास करताना मोठी कुचंबांना होत आहे. त्यासाठी आता सार्वजनिक बांधकाम विभागाने तात्काळ या चार किलोमीटर अंतराच्या रस्ता दुरुस्तीसाठी निधी उपलब्ध करून रस्ता सुरळीत करावा अशी मागणी देखील प्रवासी वाहन चालक व शेतकऱ्यांमधून होत आहे. दरम्यान लिंपणगाव ते श्रीगोंदा रेल्वे स्थानक हा रस्ता दळणवळणाच्या दृष्टीने अत्यंत महत्त्वाचा असल्यामुळे तसेच दूरवर प्रवास करण्यासाठी श्रीगोंदा रेल्वे स्थानक हे लिंपणगावकरांच्या पायथ्याशी असल्याने लिंपणगाव, मुंढेकरवाडी, होलेवाडी, आनंदवाडी, अजनूज, बाबरवाडी ,शेंडेवाडी इत्यादी गावातील प्रवासी व शेतकरी ग्रामस्थ प्रवास करतात. आता सार्वजनिक बांधकाम विभागाने काटेरी झाडे काढल्याने या रस्त्याने आता मोकळा श्वास घेतल्याचे दिसून येत असून ,वाहनचालक प्रवासी व शेतकऱ्यांनी सार्वजनिक बांधकाम विभागाने उशिराचा होईना या रस्त्याच्या प्रश्नाकडे लक्ष दिल्याने संबंधित अधिकाऱ्यांचे आभार मानले आहे. परंतु आता या रस्ता दुरुस्तीसाठी देखील अधिकाऱ्यांनी तात्काळ निधी उपलब्ध करून सहकार्य करण्याची अपेक्षा वाहन चालक प्रवासी व शेतकऱ्यांनी केली आहे काटेरी झाडे काढल्याबद्दल गावच्या सरपंच शुभांगी ताई जंगले उपसरपंच अरविंद कुरुमकर माजी सैनिक मेजर पवार यांनी संबंधित अधिकाऱ्यांना धन्यवाद दिले आहेत.
वाचक क्रमांक :

प्रकाश म्हस्के
संपादक

स्थानिक राजकारणात वाढती घराणेशाही — सामान्य कार्यकर्त्यांचं काय?

भारतीय बौद्ध महासभा दौंड तालुका कार्यकारणी जाहीर. अध्यक्ष पदी दत्तात्रेय कोकाटे तर सरचिटणीस पदी दादासाहेब मोरे यांची नियुक्ती

श्रीगोंदा तालुका बुद्धिबळ संघटने कडून बुद्धिबळ स्पर्धा संपन्न.

भांडगाव विविध कार्यकारी सहकारी सोसायटीच्या वार्षिक सर्वसाधारण सभा सुरू असताना हृदयविकाराच्या धक्क्याने शेतकऱ्याचा मृत्यू.

भांडगाव विविध कार्यकारी सहकारी सोसायटीच्या वार्षिक सर्वसाधारण सभा सुरू असताना हृदयविकाराच्या धक्क्याने शेतकऱ्याचा मृत्यू.

कुरकुंभ एम आय डी सी येथील १ लाख ८० हजार किंमतीच्या चंदनाच्या झाडाची चोरी. पाच पैकी चार आरोपी पोलिसांच्या ताब्यात.

कै.मुरलीधर (आण्णा) होनराव जयंतीनिमित्त रक्तदान शिबिर संपन्न

त्र्यंबकेश्वर येथे पत्रकारांवर हल्ला; श्रीगोंद्यात महाराष्ट्र राज्य पत्रकार संघाच्यावतीने कारवाईची मागणी

श्रीगोंदा शहरातील एस मार्ट मॉलला भीषण आग आगीत कोट्यवधींचा माल जळून खाक

दौंड शहरातील अवैध गावठी हातभट्टी दारु विक्री व बेकायदा कल्याण मटका जुगार अड्ड्यावर दौंड पोलीसांची धडक कारवाई

निर्भय महाराष्ट्र पार्टीचे संस्थापक अध्यक्ष जितेंद्र भावे यांच्या उपस्थितीत राहुलकुमार अवचट यांना उत्कृष्ट माहिती अधिकार पुरस्कार प्रदान.

बोरीबेल येथील (डी.पी) विद्युत रोहित्रातील 80 किलो ताब्यांच्या तारा अज्ञात चोरट्यांनी चोरुन नेल्या. दौंड पोलीस ठाण्यात गुन्हा दाखल.

लिंबाच्या झाडाला घेतला गळफास, दौंड पोलीस स्टेशन हद्दीतील मौजे गुणवरे वस्ती येथील धक्कादायक घटना.

पत्रकारांचे समाजभिमुख लिखाण ही काळाची गरज सचिव मेजर भीमराव ऊल्हारे

पेडगाव येथील बंधाऱ्याचे काम अतिशय निकृष्ट दर्जाचे सुरू प्रशासनाच्या अधिकाऱ्यांचे दुर्लक्ष साहेब उघडा डोळे बघा नीट

दौंड तालुक्याचे नाव राज्याच्या पटलावरती नोंदवून प्रथम क्रमांक मिळवला. हरगुण सिंग नाहर. अजित पवार. हर्षवर्धन शितोळे पार्थ गांधले. सुखमिलन सिंग नाहर यांचे सर्वत्र होते कौतुक.

लोकसहभागातून संत सेना महाराज यांचे मंदिर उभारणी

दौंड शहरातील बेकायदा बिगर परवाना गावठी हातभट्टी दारू विक्री व कल्याण मटका जुगार अड्ड्यावर पोलिसांनी केली कारवाई

श्रीगोंद्यात उपमुख्यमंत्री अजितदादा पवार यांच्या उपस्थितीत २९ तारखेला भव्य शेतकरी मेळावा.

श्रीगोंदा तालुक्यात खुलेआम अवैद्य गुटखा विक्री प्रशासनाचे दुर्लक्ष