करमाळा प्रतिनिधी अलीम शेख मोबाईल नंबर 98 50 68 63 60 , तीन वर्षे गुहेत बसणार्‍या आ. संजयमामा शिंदे यांना आता गावपाराची आठवण झाली असून जनतेसमोर जाताना ते न केलेल्या कामाचा पाढा वाचून दाखवत आहेत, असा घणाघाती आरोप पाटील गटाचे प्रवक्ते सुनील तळेकर यांनी केला. सध्या विद्यमान आमदार संजयमामा शिंदे यांचा गावभैट दौरा चालू असून याबाबत मागील काही दिवसांपासून पाटील गटाकडून कसलीही प्रतिक्रिया दिली जात नव्हती. परंतू आज पाटील गटाकडून हा गावभेट दौरा केवळ आगामी निवडणुका डोळ्यासमोर ठेवून काढला गेल्याचा थेट आरोप केला गेला. यावर सविस्तर बोलताना तळेकर म्हणाले की वास्तविक पाहता विद्यमान आमदार महोदयांना गावभेट दौरा काढण्याचा अधिकार असून तो त्यांच्या कार्यपद्धतीचा एक भाग असल्याचे वाटून याकडे आम्ही दुर्लक्ष केले.परंतू या गावभेट दौऱ्यादरम्यान आमदार शिंदे हे त्यांनी न केलेल्या कामांचा ढोल बडवू लागल्याने आता जनतेला खरे काय ते सांगावे लागते आहे. कुकडीच्या पाण्याची आवर्तने आणण्यासाठी विद्यमान आमदार अपयशी ठरले. कुकडीचे पाणी मांगी तलावात आणून तेथून एम आय डी सी मध्ये आणून उद्योगास चालना देण्याच्या घोषणेचे काय झाले? माजी आमदार नारायण पाटील यांच्या काळात कुकडीची सतरा आवर्तने करमाळा तालूक्यास मिळाली, विद्यमान आमदार महोदयांनी किती आवर्तने आणली? कुकडीची सुमारे चार हजार कोटी रुपयांची तरतूद असलेली सुप्रमा तत्कालीन मंत्री प्रा राम शिंदे व माजी आमदार नारायण पाटील यांनी मंजूर करुन घेतली, यानंतर विद्यमान आमदार महोदयांनी कुकडीसाठी किती निधी उपलब्ध करून दिला? नियोजित रिटेवाडी उपसा सिंचन योजना हा माजी आमदार नारायण पाटील यांच्या संकल्प असून याबाबत लवकरच मंत्रालयात बैठकीचे आयोजन करण्यात आले आहे. स्वतः मुख्यमंत्री महोदयांनी याबाबत आश्वासन दिले आहे. आणि मग आता विद्यमान आमदार महोदयांना कुकडीचे पाणी उजनीत सोडून नंतर ते कुकडी प्रकल्प समाविष्ट भागात सोडण्याचे सुचने म्हणजे स्वतः आमदार याबाबत किती गंभीरतेने पहात होते याचे उत्तर जनतेला मिळाले. जर राज्याचे मुख्यमंत्री करमाळा मतदार संघात आले असता विद्यमान आमदार मात्र त्यावेळी एकही निवेदन सादर करु शकत नसतील तर हे मतदार संघाचे दुर्दैव होय. यामुळे मग आता उगीच दिशाभूल करणे सोडून विद्यमान आमदार महोदयांनी त्यांचे अपयश झाकु नये. राज्यात सत्तांतरानंतर माजी आमदार नारायण पाटील यांना थेट मुख्यमंत्री एकनाथ शिंदे व उपमुख्यमंत्री देवेंद्र फडणवीस यांनी पाठबळ दिल्याने आता आपले राजकीय अस्तित्व राहणार नाही ही भीती आमदार शिंदे यांना वाटू लागल्याने ते आता गावभेट दौरा काढत आहेत. यात त्यांनी किमान माजी आमदार नारायण पाटील यांनी केलेल्या तसेच प्रस्तावित कामांचे खोटे श्रेय घेण्याचा केविलवाणा प्रयत्न करु नये.करमाळा मतदार संघासाठी विद्यमान शिंदे-फडणवीस सरकारकडे सातत्याने पाठपुरावा करुन जास्तीत जास्त विकासकामे मंजूर करुन घेण्यासाठी माजी आमदार नारायण पाटील हे अहोरात्र झटत असून रखडलेली विकासकामे पुर्ण करणे हे त्यांचे ध्येय आहे. आमदार शिंदे हे गावभेट दौरा करत असताना त्यांनी आता सन 2019 नंतर करमाळा तालुक्यातील विकासकामांसाठी किती निधी मंजूर करुन घेतला व त्यांच्या या कालावधीत किती कामे पूर्ण झाली याचा तपशील जनतेसमोर मांडावा. सध्या तरी प्रत्यक्षात निधी आणण्यासाठी आ. संजयमामा शिंदे हे अयशस्वी ठरले असून या गावभेट दौऱ्याचे फलित फारसे लोकहिताचे नसणार आहे. जनतेचा व अधिकाऱ्यांचा वेळ वाया घालवण्याचा हा प्रकार असून शिंदे गटातील कार्यकर्त्यांचा उत्साह वाढवण्यासाठी केलेली ही खटाटोप असल्याचे पाटील गटाचे प्रवक्ते सुनील तळेकर यांनी सांगितले.
वाचक क्रमांक :

प्रकाश म्हस्के
संपादक

स्थानिक राजकारणात वाढती घराणेशाही — सामान्य कार्यकर्त्यांचं काय?

भारतीय बौद्ध महासभा दौंड तालुका कार्यकारणी जाहीर. अध्यक्ष पदी दत्तात्रेय कोकाटे तर सरचिटणीस पदी दादासाहेब मोरे यांची नियुक्ती

श्रीगोंदा तालुका बुद्धिबळ संघटने कडून बुद्धिबळ स्पर्धा संपन्न.

भांडगाव विविध कार्यकारी सहकारी सोसायटीच्या वार्षिक सर्वसाधारण सभा सुरू असताना हृदयविकाराच्या धक्क्याने शेतकऱ्याचा मृत्यू.

भांडगाव विविध कार्यकारी सहकारी सोसायटीच्या वार्षिक सर्वसाधारण सभा सुरू असताना हृदयविकाराच्या धक्क्याने शेतकऱ्याचा मृत्यू.

कुरकुंभ एम आय डी सी येथील १ लाख ८० हजार किंमतीच्या चंदनाच्या झाडाची चोरी. पाच पैकी चार आरोपी पोलिसांच्या ताब्यात.

कै.मुरलीधर (आण्णा) होनराव जयंतीनिमित्त रक्तदान शिबिर संपन्न

त्र्यंबकेश्वर येथे पत्रकारांवर हल्ला; श्रीगोंद्यात महाराष्ट्र राज्य पत्रकार संघाच्यावतीने कारवाईची मागणी

श्रीगोंदा शहरातील एस मार्ट मॉलला भीषण आग आगीत कोट्यवधींचा माल जळून खाक

दौंड शहरातील अवैध गावठी हातभट्टी दारु विक्री व बेकायदा कल्याण मटका जुगार अड्ड्यावर दौंड पोलीसांची धडक कारवाई

निर्भय महाराष्ट्र पार्टीचे संस्थापक अध्यक्ष जितेंद्र भावे यांच्या उपस्थितीत राहुलकुमार अवचट यांना उत्कृष्ट माहिती अधिकार पुरस्कार प्रदान.

बोरीबेल येथील (डी.पी) विद्युत रोहित्रातील 80 किलो ताब्यांच्या तारा अज्ञात चोरट्यांनी चोरुन नेल्या. दौंड पोलीस ठाण्यात गुन्हा दाखल.

लिंबाच्या झाडाला घेतला गळफास, दौंड पोलीस स्टेशन हद्दीतील मौजे गुणवरे वस्ती येथील धक्कादायक घटना.

पत्रकारांचे समाजभिमुख लिखाण ही काळाची गरज सचिव मेजर भीमराव ऊल्हारे

पेडगाव येथील बंधाऱ्याचे काम अतिशय निकृष्ट दर्जाचे सुरू प्रशासनाच्या अधिकाऱ्यांचे दुर्लक्ष साहेब उघडा डोळे बघा नीट

दौंड तालुक्याचे नाव राज्याच्या पटलावरती नोंदवून प्रथम क्रमांक मिळवला. हरगुण सिंग नाहर. अजित पवार. हर्षवर्धन शितोळे पार्थ गांधले. सुखमिलन सिंग नाहर यांचे सर्वत्र होते कौतुक.

लोकसहभागातून संत सेना महाराज यांचे मंदिर उभारणी

दौंड शहरातील बेकायदा बिगर परवाना गावठी हातभट्टी दारू विक्री व कल्याण मटका जुगार अड्ड्यावर पोलिसांनी केली कारवाई

श्रीगोंद्यात उपमुख्यमंत्री अजितदादा पवार यांच्या उपस्थितीत २९ तारखेला भव्य शेतकरी मेळावा.

श्रीगोंदा तालुक्यात खुलेआम अवैद्य गुटखा विक्री प्रशासनाचे दुर्लक्ष