श्रीगोंदा :- शिवजन्मोत्सव समितीच्या वतीने तालुक्यातील सर्व प्रमुख राजकीय पक्षाचे नेते, कार्यकर्ते, विविध सामाजिक संघटनांचे पदाधिकारी आणि शिवप्रेमी नागरिकांच्या वतीने भव्य अशा सार्वजनिक शिवजयंतीचे आयोजन करण्यात आले आहे. सदरील कार्यक्रमास राज्याचे माजी मंत्री आ. बबनराव पाचपुते, माजी आ. राहुलदादा जगताप, नागवडे कारखान्याचे व्हा. चेअरमन बाबासाहेब भोस, चेअरमन राजेंद्रदादा नागवडे, राष्ट्रवादीचे प्रदेश उपाध्यक्ष घनःशाम शेलार, महाराष्ट्र बाजार समितीचे चेअरमन बाळासाहेब नाहाटा, माजी जिल्हा बँक संचालक दत्तात्रय पानसरे, वृद्धेश्वर मल्टीस्टेटचे चेअरमन विठ्ठलराव वाडगे, श्रीगोंदा नगरपरिषदेचे नगराध्यक्षा शुभांगीताई पोटे, उपनगराध्यक्षा ज्योतीताई खेडकर तसेच सर्व आजी माजी नगरसेवक, सर्व सरपंच, उपसरपंच, चेअरमन आणि तमाम शिवप्रेमी उपस्थित राहणार आहेत. यामध्ये शिवजन्मोत्सव समिती श्रीगोंदा आयोजित दि. १५ फेब्रुवारी रोजी संध्या. ६ वाजता शिवशाहीर राजेंद्र कांबळे यांचा पोवाडा कार्यक्रम शनी चौक येथे होणार आहे. छत्रपती बहुउद्देशीय प्रतिष्ठाण, श्रीगोंदा यांचे वतीने दि. १७ फेब्रुवारी रोजी छत्रपती मॅरेथॉन स्पर्धा जोधपुर मारुती चौक येथे घेण्यात येणार आहे. तसेच जिजाऊ ब्रिगेडच्या वतीने कम्युनिटी हॉल येथे भव्य रांगोळी स्पर्धा दुपारी १२ ते ३ दरम्यात आयोजित करण्यात आली आहे. दि. १८ फेब्रुवारी रोजी सायं. ५ वाजता जिजाऊ ब्रिगेडच्या वतीने खास महिलांची छत्रपती बाईक रॅली घेण्यात येणार आहे. तसेच महात्मा फुले सर्कल येथे दीपोत्सव करून अभिवादन करण्यात येणार आहे.

रविवार दि. १९ फेब्रुवारी रोजी सकाळी ९:३० वाजता शिवप्रतिमा पूजन आणि पालखी मिरवणूक श्रीगोंदा शहरातून निघणार आहे. या पालखी मिरवणूक सोहळ्यामध्ये जि. प. प्राथमिक शाळा, माध्यमिकशाळा व महाविद्यालय यांच्या विविध पथकांचा सहभाग असणार आहे यामध्ये ढोल पथक, लेझीम पथक, झांज पथक, शिवकालीन शस्त्र विद्या, कराटे प्रात्यक्षिक इत्यादी पथके सहभागी होणार आहेत. सदरील पालखी जोधपुर मारुती चौक- दिल्ली येस, विजय चौक, बाजारतळ वेस, आण्णा भाऊ चौक, बसस्थानक, काळकाई चौक, छत्रपती शिवाजी महाराज चौक ते शनी चौक असा असणार आहे. वेगवेगळ्या समाजाच्या वतीने ठिकठिकाणी वेगवेगळ्या उपक्रमांच्या माध्यमातून पालखीचे स्वागत करण्यात येणार आहे. काळकाई चौक मित्र मंडळाचे वतीने शिवप्रतिमा पूजन, श्री स्वयंभू युवा प्रतिष्ठाणच्या वतीने - छत्रपती शिवाजी चौक येथे रक्तदान शिबीर आयोजित केले आहे. सायं. ४ वाजता जोधपुर मारुती चौक येथे इतिहास अभ्यासक व्याख्याते वैभव साळुंके यांचे शिव व्याख्यान आयोजित करण्यात आले आहे. त्यानंतर छत्रपती बहुउद्देशीय प्रतिष्ठाण, श्रीगोंदा आयोजित गायन व नृत्य स्पर्धा असा सांस्कृतिक कार्यक्रम होणार आहे. या सांस्कृतिक कार्यक्रमानंतर छत्रपती मॅरेथॉन स्पर्धा, भव्य रांगोळी स्पर्धा, गायन व नृत्य स्पर्धा यामध्ये सहभागी झालेल्या स्पर्धकांमधून विजेत्यांची नावे घोषित करून त्यांना सन्मानचिन्ह आणि सन्मानपत्र देवून गौरविण्यात येणार आहे. ६ ते ११ या वेळेत काळकाई चौक येथे लेझर शो काळकाई चोक मित्र मंडळाचे वतीने होणार आहे.

वरीलप्रमाणे शिवजन्मोत्सव समिती श्रीगोंदा, छत्रपती बहुउद्देशीय प्रतिष्ठाण, श्रीगोंदा, जिजाऊ ब्रिगेड श्रीगोंदा, काळकाई चौक मित्र मंडळ, आणि श्री. स्वयंभू युवा प्रतिष्ठाण श्रीगोंदा यांचे वतीने संयुक्त तालुकास्तरीय भव्य शिवजयंतीचे आयोजन करण्यात आले आहे. सदरील स्पर्धेसाठी आणि रक्तदान शिबिरासाठी शिवप्रेमींनी आपली नावे तातडीने नोंदवावीत तसेच वरील सर्व कार्यक्रमास तालुक्यातील सर्व मान्यवर नागरिकांनी उपस्थित राहून कार्यक्रमाची शोभा वाढवावी असे आवाहन शिवजन्मोत्सव समिती श्रीगोंदा यांचे वतीने यावेळी घेण्यात आलेल्या पत्रकार परिषदेत करण्यात आले आहे.
वाचक क्रमांक :

प्रकाश म्हस्के
संपादक

स्थानिक राजकारणात वाढती घराणेशाही — सामान्य कार्यकर्त्यांचं काय?

भारतीय बौद्ध महासभा दौंड तालुका कार्यकारणी जाहीर. अध्यक्ष पदी दत्तात्रेय कोकाटे तर सरचिटणीस पदी दादासाहेब मोरे यांची नियुक्ती

श्रीगोंदा तालुका बुद्धिबळ संघटने कडून बुद्धिबळ स्पर्धा संपन्न.

भांडगाव विविध कार्यकारी सहकारी सोसायटीच्या वार्षिक सर्वसाधारण सभा सुरू असताना हृदयविकाराच्या धक्क्याने शेतकऱ्याचा मृत्यू.

भांडगाव विविध कार्यकारी सहकारी सोसायटीच्या वार्षिक सर्वसाधारण सभा सुरू असताना हृदयविकाराच्या धक्क्याने शेतकऱ्याचा मृत्यू.

कुरकुंभ एम आय डी सी येथील १ लाख ८० हजार किंमतीच्या चंदनाच्या झाडाची चोरी. पाच पैकी चार आरोपी पोलिसांच्या ताब्यात.

कै.मुरलीधर (आण्णा) होनराव जयंतीनिमित्त रक्तदान शिबिर संपन्न

त्र्यंबकेश्वर येथे पत्रकारांवर हल्ला; श्रीगोंद्यात महाराष्ट्र राज्य पत्रकार संघाच्यावतीने कारवाईची मागणी

श्रीगोंदा शहरातील एस मार्ट मॉलला भीषण आग आगीत कोट्यवधींचा माल जळून खाक

दौंड शहरातील अवैध गावठी हातभट्टी दारु विक्री व बेकायदा कल्याण मटका जुगार अड्ड्यावर दौंड पोलीसांची धडक कारवाई

निर्भय महाराष्ट्र पार्टीचे संस्थापक अध्यक्ष जितेंद्र भावे यांच्या उपस्थितीत राहुलकुमार अवचट यांना उत्कृष्ट माहिती अधिकार पुरस्कार प्रदान.

बोरीबेल येथील (डी.पी) विद्युत रोहित्रातील 80 किलो ताब्यांच्या तारा अज्ञात चोरट्यांनी चोरुन नेल्या. दौंड पोलीस ठाण्यात गुन्हा दाखल.

लिंबाच्या झाडाला घेतला गळफास, दौंड पोलीस स्टेशन हद्दीतील मौजे गुणवरे वस्ती येथील धक्कादायक घटना.

पत्रकारांचे समाजभिमुख लिखाण ही काळाची गरज सचिव मेजर भीमराव ऊल्हारे

पेडगाव येथील बंधाऱ्याचे काम अतिशय निकृष्ट दर्जाचे सुरू प्रशासनाच्या अधिकाऱ्यांचे दुर्लक्ष साहेब उघडा डोळे बघा नीट

दौंड तालुक्याचे नाव राज्याच्या पटलावरती नोंदवून प्रथम क्रमांक मिळवला. हरगुण सिंग नाहर. अजित पवार. हर्षवर्धन शितोळे पार्थ गांधले. सुखमिलन सिंग नाहर यांचे सर्वत्र होते कौतुक.

लोकसहभागातून संत सेना महाराज यांचे मंदिर उभारणी

दौंड शहरातील बेकायदा बिगर परवाना गावठी हातभट्टी दारू विक्री व कल्याण मटका जुगार अड्ड्यावर पोलिसांनी केली कारवाई

श्रीगोंद्यात उपमुख्यमंत्री अजितदादा पवार यांच्या उपस्थितीत २९ तारखेला भव्य शेतकरी मेळावा.

श्रीगोंदा तालुक्यात खुलेआम अवैद्य गुटखा विक्री प्रशासनाचे दुर्लक्ष