लिंपणगाव (प्रतिनिधी)- राज्य सरकारी- निम सरकारी शिक्षक कर्मचारी आदींच्या समन्वय समितीने पुकारलेला 14 मार्चपासूनचा राज्यव्यापी संप अधिक तीव्र होत चाललेला असून, श्रीगोंदा तालुक्यातील सर्व शासकीय निमशासकीय कार्यालय संपामुळे ठप्प झाल्याचे दिसून आले. या समन्वय समितीच्या कर्मचाऱ्यांनी बुधवारी दुसऱ्या दिवशी देखील जवळपास 600 कर्मचाऱ्यांनी श्रीगोंदा तहसील प्रांगणामध्ये उपस्थित राहून प्रमुख मागणी" एकच मिशन जुनी पेन्शन चा नारा देत तहसील कार्यालय दणाणून सोडले. याप्रसंगी समन्वय समितीचे घटक हरिश्चंद्र नलगे यांच्या अध्यक्षतेखाली कर्मचाऱ्यांनी शासन निर्णयाच्या विरुद्ध कडाडून भाषणे केली. याप्रसंगी काही महिलांनी देखील आपल्या भावना व्यक्त केल्या. याप्रसंगी प्राथमिक शिक्षक बँकेचे अध्यक्ष संदीप मोटे यावेळी म्हणाले की ,राज्य सरकार संप तोडण्यासाठी इंग्रज नीतीचा प्रयोग अवलंबित आहे. परंतु कोणत्याही कारवाईला कर्मचाऱ्यांनी घाबरू नये, एका प्राथमिकच्या शिक्षक नेत्यांनी मुख्यमंत्र्यांच्या दालनात जाऊन कोणतेही ठोस आश्वासन न घेता संपातून माघार घेतली, ही दुर्दैवी बाब आहे त्याचा निषेध करतो हा लढा अखंडपणे लढण्यासाठी आम्ही सर्व प्राथमिक शिक्षक संपात सामील असून, जोपर्यंत शासन सर्व कर्मचाऱ्यांना जुनी पेन्शन लागू करत नाही तोपर्यंत हा तीव्र लढा समन्वय समिती बरोबर ठाम राहणार असल्याचे श्री मोटे यांनी सांगितले. जिल्हा माध्यमिक शिक्षक संघाचे सचिव रमजान हवलदार यावेळी म्हणाले की, जुन्या पेन्शन साठी संपूर्ण राज्य सरकारी व निमसरकारी कर्मचरी आक्रमक असून, सरकार मात्र कर्मचाऱ्यांचे हक्कावर गदा आणत आहे. संप काळात आम्ही विद्यार्थ्यांचे नुकसान होऊ नये, म्हणून दहावी व बारावीच्या परीक्षेवर बहिष्कार न टाकता काळ्याफिती लावून परीक्षेचे कामकाज करत आहोत. परंतु राज्यकर्ते मात्र फोडा व झोडा या नीतीच अवलंब करत आहे. असे सांगून हवालदार पुढे म्हणाले की, अनेक शासकीय विभागात अनेक वर्षापासून नोकर भरती नाही, त्यामुळे आहे त्या कर्मचाऱ्यांवर कामाचा प्रचंड ताण येत आहे. पूर्वी नगर जिल्ह्यातील कर्जत येथे शिक्षक व शिक्षकेतर कर्मचाऱ्यांना पेन्शन व राज्य सरकारी कर्मचाऱ्यांना वेतन मिळावे म्हणून तीव्र आंदोलन केले त्यानंतर शासनाला जाग आली आणि आज संपूर्ण राज्यात शिक्षक कर्मचाऱ्यांना पेन्शन मिळत आहे. त्यामुळे आता सर्वांनी एकजूट कायम ठेवावी यश निश्चित मिळणार असल्याचे सांगितले. ग्रामसेवक संघटनेचे राज्य सचिव अनिल जगताप यावेळी आपल्या भावना व्यक्त करताना म्हणाले की, सरकार संपूर्ण सरकारी यंत्रणा संपुष्ट करायची मानसिकतेत असून तशी भूमिका राज्यकर्त्यांची दिसून येते. लोकशाहीमध्ये सर्वांना मत मांडण्याचा अधिकार असतो. सर्वांना वेतन व पेन्शन मिळणे हा देखील हक्क आहे. सर्वांना सेवानिवृत्तीनंतर पेन्शन मिळाली पाहिजे. हा देखील घटनेने दिलेले अधिकार असून, आमचा तो हक्क आहे त्यामुळे शासनाने प्रत्येक कर्मचाऱ्यांना निवृत्तीनंतर पेन्शन दिलीच पाहिजे असे जगताप यांनी यावेळी सांगितले. यावेळी देविदास खेडकर, संदीप खाडे, नवनाथ गोरे, कैलास ठाणगे, आरोग्य विभागाच्या मंगल शेळके, जयराम धांडे, दीपक खेंडके, उत्तरेश्वर मोहोळकर, श्री गदादे, डॉ टकले आदींनी शासन निर्णयाच्या विरोधात कडाडून भाषणे केली. यावेळी देवराम दरेकर, राम जंजिरे, भाऊसाहेब वाघ, भीमराव आनंदकर ,बाजीराव कोरडे, सचिन झगडे, रामदास ठाकर, संभाजी इथापे, ज्ञानदेव धायगुडे, जे एस सदाफुले आदिसह राज्य सरकारी निमसरकारी समन्वय समितीचे व विविध संघटनेचे पदाधिकारी मोठ्या संख्येने उपस्थित होते. सूत्रसंचालन शरद गावडे यांनी केले.
वाचक क्रमांक :

प्रकाश म्हस्के
संपादक

स्थानिक राजकारणात वाढती घराणेशाही — सामान्य कार्यकर्त्यांचं काय?

भारतीय बौद्ध महासभा दौंड तालुका कार्यकारणी जाहीर. अध्यक्ष पदी दत्तात्रेय कोकाटे तर सरचिटणीस पदी दादासाहेब मोरे यांची नियुक्ती

श्रीगोंदा तालुका बुद्धिबळ संघटने कडून बुद्धिबळ स्पर्धा संपन्न.

भांडगाव विविध कार्यकारी सहकारी सोसायटीच्या वार्षिक सर्वसाधारण सभा सुरू असताना हृदयविकाराच्या धक्क्याने शेतकऱ्याचा मृत्यू.

भांडगाव विविध कार्यकारी सहकारी सोसायटीच्या वार्षिक सर्वसाधारण सभा सुरू असताना हृदयविकाराच्या धक्क्याने शेतकऱ्याचा मृत्यू.

कुरकुंभ एम आय डी सी येथील १ लाख ८० हजार किंमतीच्या चंदनाच्या झाडाची चोरी. पाच पैकी चार आरोपी पोलिसांच्या ताब्यात.

कै.मुरलीधर (आण्णा) होनराव जयंतीनिमित्त रक्तदान शिबिर संपन्न

त्र्यंबकेश्वर येथे पत्रकारांवर हल्ला; श्रीगोंद्यात महाराष्ट्र राज्य पत्रकार संघाच्यावतीने कारवाईची मागणी

श्रीगोंदा शहरातील एस मार्ट मॉलला भीषण आग आगीत कोट्यवधींचा माल जळून खाक

दौंड शहरातील अवैध गावठी हातभट्टी दारु विक्री व बेकायदा कल्याण मटका जुगार अड्ड्यावर दौंड पोलीसांची धडक कारवाई

निर्भय महाराष्ट्र पार्टीचे संस्थापक अध्यक्ष जितेंद्र भावे यांच्या उपस्थितीत राहुलकुमार अवचट यांना उत्कृष्ट माहिती अधिकार पुरस्कार प्रदान.

बोरीबेल येथील (डी.पी) विद्युत रोहित्रातील 80 किलो ताब्यांच्या तारा अज्ञात चोरट्यांनी चोरुन नेल्या. दौंड पोलीस ठाण्यात गुन्हा दाखल.

लिंबाच्या झाडाला घेतला गळफास, दौंड पोलीस स्टेशन हद्दीतील मौजे गुणवरे वस्ती येथील धक्कादायक घटना.

पत्रकारांचे समाजभिमुख लिखाण ही काळाची गरज सचिव मेजर भीमराव ऊल्हारे

पेडगाव येथील बंधाऱ्याचे काम अतिशय निकृष्ट दर्जाचे सुरू प्रशासनाच्या अधिकाऱ्यांचे दुर्लक्ष साहेब उघडा डोळे बघा नीट

दौंड तालुक्याचे नाव राज्याच्या पटलावरती नोंदवून प्रथम क्रमांक मिळवला. हरगुण सिंग नाहर. अजित पवार. हर्षवर्धन शितोळे पार्थ गांधले. सुखमिलन सिंग नाहर यांचे सर्वत्र होते कौतुक.

लोकसहभागातून संत सेना महाराज यांचे मंदिर उभारणी

दौंड शहरातील बेकायदा बिगर परवाना गावठी हातभट्टी दारू विक्री व कल्याण मटका जुगार अड्ड्यावर पोलिसांनी केली कारवाई

श्रीगोंद्यात उपमुख्यमंत्री अजितदादा पवार यांच्या उपस्थितीत २९ तारखेला भव्य शेतकरी मेळावा.

श्रीगोंदा तालुक्यात खुलेआम अवैद्य गुटखा विक्री प्रशासनाचे दुर्लक्ष