लिंपणगाव( प्रतिनिधी: नंदकुमार कुरूमकर)- माध्यमिक शिक्षक सोसायटीच्या अध्यक्षपदी दिलीप काटे तर उपाध्यक्षपदी संजय कोळसे यांची बिनविरोध निवड करण्यात आली. अहमदनगर येथे सहकार खात्याचे अधिकारी व्ही. के. मुटकुळे यांच्या उपस्थितीत संचालक मंडळाच्या बैठकीत संस्थेचे नूतन पदाधिकारी निवडीचा मुद्दा उपस्थित करण्यात आला. अध्यक्षपदासाठी दिलीप काटे यांच्या नावाची सूचना अशोक ठुबे यांनी मांडली. धनंजय म्हस्के यांनी अनुदान दिले. तर उपाध्यक्ष पदासाठी संजय कोळसे यांच्या नावाची सूचना सूर्यकांत डावखर यांनी मांडली. त्यास सत्यवान थोरे यांनी अनुमोदन दिले. संस्थेचे सचिव स्वप्निल इथापे यांनी यावेळी सहकार्य केले. दरम्यान संस्थेचे नूतन पदाधिकारी निवडीनंतर छत्रपती शिवाजी शिक्षण संस्थेचे निरीक्षक सचिनराव लगड यांच्या अध्यक्षतेखाली नवनिर्वाचित अध्यक्ष, उपाध्यक्ष यांचा सभासदांच्या वतीने नागरी सत्कार करण्यात आला. याप्रसंगी मार्गदर्शन करताना संस्थेचे मार्गदर्शन व ज्येष्ठ संचालक प्रा भाऊसाहेब कचरे यावेळी म्हणाले की, मागील आर्थिक वर्ष हे संस्थेच्या दृष्टीने गोल्डन पिरेड ठरले. पुरोगामी मंडळाने संस्था व सभासदांचे हित जोपासत कर्जावर सात टक्के व्याजदर सरळ पद्धतीचा ठेवला. त्याचा सभासदांना मोठा आर्थिक फायदा झाला. विरोधकांना कितीही आरोप आक्रोश करू द्या आपण सर्वांनी संयम ठेवावा. कोरोनाच्या कालावधीत ज्या सभासदांनी कर्ज घेऊनच ऍडमिट झाले त्यातून त्यांना योग्य ट्रीटमेंट मिळाले म्हणून काही सभासद वाचले. संस्था ही सभासदांच्या हितासाठी आहे. पुढील निवडणुकीत 21/0 करायचे असतील तर सभासदांनी पुरोगामी मंडळाच्या पाठीशी ठाम असायला हवे. कितीही चुकीचे समर्थन केले तर ते बरोबर होत नाही चांगला कारभार चालत असेल तर विरोधकांना सहन होत नाही. असे सांगून ते आणखी पुढे म्हणाले की, 65 वर्षानंतर प्रथमच संस्थेने 98 कोटीचे कर्ज वाटप केले आहे. संचालकांनी कसे वागायचे हे भान ठेवले तर समर्थनही आपोआप वाढत जाते. नवनिर्वाचित अध्यक्ष, उपाध्यक्ष हे निश्चितच संस्थेचा चांगला कारभार पाहतील अशी अपेक्षा व्यक्त करून नूतन पदाधिकाऱ्यांना शुभेच्छा व्यक्त केल्या. नवनिर्वाचित अध्यक्ष दिलीप काटे सत्कारला उत्तर देताना म्हणाले की, जिल्ह्यातील या मोठ्या संस्थेवर मला अध्यक्षपदाची संधी मिळाली निश्चितच संस्थेचे ज्येष्ठ मार्गदर्शक प्रा भाऊसाहेब कचरे यांच्या खंबीर नेतृत्वाखाली संस्थेचा पारदर्शी, आदर्शव्रत असा सभासद हित डोळ्यासमोर ठेवून संस्थेचा कारभार अधिक लोकाभिमुख करण्याचा प्रयत्न करणार आहे. असे सांगून ते पुढे म्हणाले की, श्रद्धा आणि सबुरी प्रमाणे आमचा पूर्ण विश्वास प्रा कचरेसरांवर आहे. त्याप्रमाणे संचालक मंडळाने देखील आमच्यावर जो विश्वास दाखवला त्याला तडा जाऊ दिला जाणार नसल्याचे सांगत उपस्थित सर्वांचे श्री काटे यांनी आभार मानले . याप्रसंगी अध्यक्ष स्थानावरून बोलताना छत्रपती शिवाजी शिक्षण संस्थेचे निरीक्षक सचिनराव लगड यावेळी म्हणाले की, श्रीगोंद्याला माध्यमिक शिक्षक सोसायटीच्या पुरोगामी मंडळाने चेअरमन पदाची जबाबदारी टाकून श्रीगोंदा तालुक्याला पहिल्यांदाच मान मिळाला. त्याबद्दल पुरोगामी मंडळाचे अध्यक्ष प्रा कचरे व संचालक मंडळाचे आभार मानले. या संस्थेचा व्याजदर प्रा. कचरे यांच्या कणखर नेतृत्वाखाली संचालक मंडळाने सात टक्के कर्जाचा व्याजदर कमी ठेवून, या संस्थेचा राज्यातील इतर संस्थेसमोर एक प्रकारे आदर्श ठेवला आहे. प्रा कचरेसरांचे संस्थेला लाभलेले नेतृत्व व योगदान संस्थेचे सभासद कदापिही विसरणार नाहीत. भविष्यात आम्ही सर्व सभासद आपल्या विकासाबरोबर राहू अशी ग्वाही देत श्री लगड यांनी नवनिर्वाचित अध्यक्ष, उपाध्यक्ष यांना शुभेच्छा व्यक्त केल्या. याप्रसंगी माजी अध्यक्ष अशोक ठुबे, मा उपाध्यक्ष अशोक आळेकर, धोंडीबा राक्षे, नवनिर्वाचित उपाध्यक्ष संजय कोळसे आदींची प्रा कचरे यांच्या कुशल मार्गदर्शनाखाली संस्थेच्या योग्य वाटचालीवर शुभेच्छा पर भाषणे झाली. यावेळी श्रीगोंदा बाजार समितीचे संचालक रामदास झेंडे, मुख्याध्यापक सर्वश्री आप्पासाहेब वागस्कर, राजेंद्र हिरवे, राजेंद्र कळसकर, शरद उंडे, विश्वास ससाने, देवराम दरेकर, सेवानिवृत्त मुख्याध्यापक बी आर नागवडे, हनुमंत रायकर मधुकर नागवडे, पंढरीनाथ सुपेकर, बबन बनकर आदींसह संस्थेचे आजी-माजी संचालक व जिल्ह्यातील सभासद मोठ्या संख्येने उपस्थित होते.
वाचक क्रमांक :

प्रकाश म्हस्के
संपादक

स्थानिक राजकारणात वाढती घराणेशाही — सामान्य कार्यकर्त्यांचं काय?

भारतीय बौद्ध महासभा दौंड तालुका कार्यकारणी जाहीर. अध्यक्ष पदी दत्तात्रेय कोकाटे तर सरचिटणीस पदी दादासाहेब मोरे यांची नियुक्ती

श्रीगोंदा तालुका बुद्धिबळ संघटने कडून बुद्धिबळ स्पर्धा संपन्न.

भांडगाव विविध कार्यकारी सहकारी सोसायटीच्या वार्षिक सर्वसाधारण सभा सुरू असताना हृदयविकाराच्या धक्क्याने शेतकऱ्याचा मृत्यू.

भांडगाव विविध कार्यकारी सहकारी सोसायटीच्या वार्षिक सर्वसाधारण सभा सुरू असताना हृदयविकाराच्या धक्क्याने शेतकऱ्याचा मृत्यू.

कुरकुंभ एम आय डी सी येथील १ लाख ८० हजार किंमतीच्या चंदनाच्या झाडाची चोरी. पाच पैकी चार आरोपी पोलिसांच्या ताब्यात.

कै.मुरलीधर (आण्णा) होनराव जयंतीनिमित्त रक्तदान शिबिर संपन्न

त्र्यंबकेश्वर येथे पत्रकारांवर हल्ला; श्रीगोंद्यात महाराष्ट्र राज्य पत्रकार संघाच्यावतीने कारवाईची मागणी

श्रीगोंदा शहरातील एस मार्ट मॉलला भीषण आग आगीत कोट्यवधींचा माल जळून खाक

दौंड शहरातील अवैध गावठी हातभट्टी दारु विक्री व बेकायदा कल्याण मटका जुगार अड्ड्यावर दौंड पोलीसांची धडक कारवाई

निर्भय महाराष्ट्र पार्टीचे संस्थापक अध्यक्ष जितेंद्र भावे यांच्या उपस्थितीत राहुलकुमार अवचट यांना उत्कृष्ट माहिती अधिकार पुरस्कार प्रदान.

बोरीबेल येथील (डी.पी) विद्युत रोहित्रातील 80 किलो ताब्यांच्या तारा अज्ञात चोरट्यांनी चोरुन नेल्या. दौंड पोलीस ठाण्यात गुन्हा दाखल.

लिंबाच्या झाडाला घेतला गळफास, दौंड पोलीस स्टेशन हद्दीतील मौजे गुणवरे वस्ती येथील धक्कादायक घटना.

पत्रकारांचे समाजभिमुख लिखाण ही काळाची गरज सचिव मेजर भीमराव ऊल्हारे

पेडगाव येथील बंधाऱ्याचे काम अतिशय निकृष्ट दर्जाचे सुरू प्रशासनाच्या अधिकाऱ्यांचे दुर्लक्ष साहेब उघडा डोळे बघा नीट

दौंड तालुक्याचे नाव राज्याच्या पटलावरती नोंदवून प्रथम क्रमांक मिळवला. हरगुण सिंग नाहर. अजित पवार. हर्षवर्धन शितोळे पार्थ गांधले. सुखमिलन सिंग नाहर यांचे सर्वत्र होते कौतुक.

लोकसहभागातून संत सेना महाराज यांचे मंदिर उभारणी

दौंड शहरातील बेकायदा बिगर परवाना गावठी हातभट्टी दारू विक्री व कल्याण मटका जुगार अड्ड्यावर पोलिसांनी केली कारवाई

श्रीगोंद्यात उपमुख्यमंत्री अजितदादा पवार यांच्या उपस्थितीत २९ तारखेला भव्य शेतकरी मेळावा.

श्रीगोंदा तालुक्यात खुलेआम अवैद्य गुटखा विक्री प्रशासनाचे दुर्लक्ष