लिंपणगाव( प्रतिनिधी)- घोड लाभक्षेत्रातील शेतकऱ्यांना शासकीय नियमाला अपवाद करून तातडीने आवर्तन देण्यात यावे तसेच कांदा निर्यातीवर लावलेले ४० टक्के निर्यात शुल्क तातडीने बंद करण्यात यावे. या शेतकऱ्यांच्या प्रमुख मागण्यांकरिता बुधवार दि. 23 ऑगस्ट रोजी सकाळी १० वाजता श्रीगोंदा येथे तहसील कार्यालयासमोर काँग्रेस पक्षातर्फे धरणे आंदोलन करण्यात येणार असल्याची माहिती अहमदनगर जिल्हा काँग्रेस कमिटीचे अध्यक्ष तथा सहकार महर्षी शिवाजीराव नागवडे कारखान्याचे चेअरमन राजेंद्र दादा नागवडे यांनी प्रसिद्धी पत्रकाद्वारे दिली आहे. अहमदनगर जिल्ह्याचे पालकमंत्री राधाकृष्ण विखे पाटील, पुणे जिल्ह्याचे पालकमंत्री चंद्रकांत दादा पाटील, खासदार डॉक्टर सुजय विखे पाटील, तालुक्याचे आमदार बबनराव पाचपुते यांना पाठविलेल्या निवेदनात नागवडे यांनी म्हटले आहे की, एप्रिल 2023 नंतर घोड कालव्याचे आवर्तन सुटलेले नाही. ऑगस्ट महिना निम्मा झाला तरी अद्याप तालुक्यात समाधानकारक पाऊस झालेला नाही. त्यामुळे सर्वत्र पाण्याचे टंचाई जाणवू लागलेली असून पाण्याअभावी शेतातील उभी पिके संकटात सापडलेली आहेत. सुदैवाने कुकडी प्रकल्पातील ओव्हर फ्लो चे पाणी कालव्याद्वारे मिळाल्यामुळे कुकडी लाभक्षेत्रातील शेतीमालास जीवदान मिळालेले आहे. परंतु घोड लाभक्षेत्रातील ऊस, फळबागा, चारा व इतर पिके पाण्याअभावी आज संकटात सापडलेली आहेत. येत्या आठ दहा दिवसात या पिकांना पाणी मिळाले नाही तर शेतकऱ्यांचे फार मोठे आर्थिक नुकसान होणार आहे. त्याकरिता घोडचे आवर्तन सोडणे करिता किमान 35 टक्के पाणीसाठ्याच्या नियमाला अपवाद करून शेतकरी व शेतातील पिकांना जीवदान देण्याकरिता तातडीने आवर्तन सोडण्यात यावे. अशी मागणी करण्यात आलेली आहे. त्याचप्रमाणे ऊसा व्यतिरिक्त अन्य कोणत्याही शेतीमालास शासन हमीभाव देत नाही. त्यामुळे मोठा खर्च व कष्ट करून पिकविलेला माल कवडीमोल किमतीने विकावा लागतो. कांद्याला आता थोडासा भाव आला तर केंद्र शासनाने लगेच त्यावर 40 टक्के निर्यात कर लावण्याचा अतिशय अघोरी व निंदनीय निर्णय घेतलेला आहे. कित्येक वेळा कांदा दोन रुपये चार रुपये सहा रुपये आठ रुपये दहा रुपये किलोने विकावा लागतो. कधी कधी शेतात आहे तसाच गाडून टाकावा लागतो. तेव्हा मात्र मीडियावाले किंवा शासनकर्ते यांना शेतकऱ्यांचे होणारे नुकसान किंवा दुःख दिसत नाही. ही बाब अत्यंत दुर्दैवी आहे. आज जरी कांद्याला थोडासा भाव आला तरी वखारीतील बराचसा कांदा खराब झालेला आहे. त्यातून जो वाचेल त्याचे दोन पैसे शेतकऱ्यांना मिळणार आहेत. परंतु केंद्र शासनाने लगेच अघोरी कराची आकारणी करून अघोषित निर्यात बंदी केलेली आहे. ही बाब तमाम शेतकऱ्यांच्या तोंडातील घास ओढून घेण्यासारखी आहे. केंद्र शासनाच्या या तुघलकी निर्णयाचा निषेध करण्याकरिता व शासनाने सदरचा निर्णय त्वरित मागे घ्यावा व कांदा निर्यातीस परवानगी द्यावी तसेच घोड कालव्याचे आवर्तन तातडीने सोडण्यात यावे या मागणीकरिता काँग्रेस पक्षाच्या वतीने बुधवार ता. 23 ऑगस्ट रोजी तहसील कार्यालय श्रीगोंदा येथे सकाळी दहा वाजता धरणे आंदोलन करण्यात येणार असून सदर आंदोलनात सहभागी होण्याकरिता तालुक्यातील सर्व शेतकरी बांधवांनी मोठ्या संख्येने उपस्थित रहावे असे आवाहन राजेंद्र नागवडे यांनी केले आहे.
वाचक क्रमांक :

प्रकाश म्हस्के
संपादक

भविष्यात मृत्यू नंतर मानवी शरीर शासन संपती म्हणून जाहीर करण्याची आवश्यकता आमदार राहुल कुल.

मुख्यमंत्री माझी शाळा सुंदर शाळा टप्पा 2. या अभियानात न्यू इंग्लिश स्कूल मढेवडगाव विद्यालयाला तालुक्यात तृतीय क्रमांकाचे बक्षीस.

प्राविण्य प्राप्त खेळाडूंचे प्रमाणपत्र न मिळाल्याने खेळाडू व शिक्षक हवालदिल , स्पर्धा आयोजनाचा निधीही प्रतिक्षेत

स्टेट बँक ऑफ इंडिया व्यवस्थापकांची श्री छत्रपती शिवाजी महाविद्यालयास भेट

नागपूर हिवाळी अधिवेशनात आमदार राहुल कुल यांनी दौंड तालुक्यातील विविध विषयांवर महत्वाचे मुद्दे मांडले.

कुकडीचे रब्बी आवर्तन उद्या पासून सुरू,,,,,,, आमदार नारायण आबा पाटील यांची माहिती

शिक्षक भारतीच्या वतीने शिक्षण उपसंचालक हरून आत्तार यांचा सन्मान, प्रलंबित प्रश्नांसंदर्भात सकारात्मक चर्चा

तालुकास्तरीय विविध गुणदर्शन स्पर्धेत PM SHRI जि. प. शाळा,श्रीगोंदा मुले शाळेचे घवघवीत यश

लिंपणगाव -काष्टी रेल्वे गेटच्या उड्डाणपुलाबाबत आमदार खासदारांनी लक्ष घालावे; प्रवासी व वाहन चालकांची मागणी

न्यू इंग्लिश स्कूल मढेवडगाव च्या माजी विद्यार्थ्याचे चित्रपट क्षेत्रात पदार्पण.

मुख्यमंत्री युवा कार्य प्रशिक्षणार्थी कार्यकाळ वाढवून द्या प्रशिक्षणार्थ्यांची मागणी....सेवेत रुजू राहण्यासाठी कार्यकाळ वाढवा मुख्यमंत्री लाडक्या बहीण भावांची मागणी...

आमदार विक्रमसिंह पाचपुते यांची पेढेतुला करून वांगदरीत केला आनंद साजरा.

मनोरंजनाची संगीतमय सफर घडवणारा श्री गणेशा मराठी चित्रपट २० डिसेंबरला होणार प्रदर्शित...

महात्मा फुले नूतन महाविद्यालयात आंतर विभागीय नेटबॉल स्पर्धा संपन्न.

संविधान प्रतिकृतीची विटंबना करणाऱ्या मनुरुग्नावर देशद्रोहाचा गुन्हा दाखल करावा. परभणी हिंसाचार प्रकरणी हवेली तालुका आर पी आय आक्रमक.

आमदार सत्यजित तांबे हे सुधीर तांबे यांचा वारसा पुढे चालवत आहेत - बाजीराव कोरडे .

नशीब बलवत्तर म्हणून शेतकरी श्री नेटवटे हे बिबट्याच्या हल्ल्यातून बालंबाल बचावले ! लोणी व्यंकनाथमध्ये बिबट्याची दहशत कायम

परभणी येथील सोमनाथ सुर्यवंशी यांच्या कोठडीतील मृत्यू प्रकरणी जबाबदार पोलिसांना बडतर्फ करावे - केंद्रीय राज्यमंत्री रामदास आठवले.

महायुती ला साथ दिली तरी ही रिपब्लिकन पक्षाला मंत्रिमंडळात न्याय मिळाला नाही - केंद्रीय राज्यमंत्री रामदास आठवले.

श्री क्षेत्र माळवाडी पडवी येथे दत्त जयंती सोहळा उत्साहात संपन्न. दौंड तालुक्यातील भाविक भक्तांची मोठ्या प्रमाणात उपस्थिती.