लिंपणगाव (प्रतिनिधी)- सर्वसामान्यांची दखल कोण घेत नाही, म्हणून सर्वसामान्यांसाठी झगडत आहे. जेव्हा तुम्हाला भविष्यात कधीही मदत लागेल तेव्हा फक्त एक हाक द्या, असे प्रतिपादन जिल्हा बँक संचालिका सौ.अनुराधाताई नागवडे यांनी महिला पालक मेळाव्यात बोलताना केले.

श्रीगोंदा तालुक्यातील श्री छत्रपती शिवाजी महाविद्यालयात हळदीकुंकू व तिळगुळ वाटप कार्यक्रमात माता पालक मेळाव्याचे आयोजन करण्यात आले होते. कार्यक्रमाचे प्रास्ताविक छत्रपती कॉलेजचे प्राचार्य डॉ. सतीशचंद्र सूर्यवंशी यांनी केले. उपस्थित महिलांना मार्गदर्शन करताना सौ. अनुराधाताई नागवडे पुढे म्हणाल्या की, महिलांचा सर्वांगीण विकास हाच माझा ध्यास असून स्व. बापूंनी समाजसेवेचं व्रत घेऊन शेवटच्या श्वासापर्यंत समर्पित भावनेतून काम केले आणि त्यांनीच दाखवून दिलेल्या मार्गावरून मी मार्गक्रमण करत आहे. सौ.अनुराधाताई नागवडे यांनी सर्व महिलांचे हळदी कुंकू व वाण देऊन औक्षण केले. या मेळाव्यात १५०० पेक्षा जास्त महिला उपस्थित होत्या.

याप्रसंगी नागवडे कारखान्याच्या संचालिका मंदाकिनी पाचपुते,सुरेखा लकडे, संचालक सुरेश रसाळ, बी.के.लगड, ज्योती खेडकर, सीमा गोरे,अर्चना गोरे, माधवी पाचपुते , गौरी भोस, मीनाताई भोस, वैशाली काकडे,सविता लगड, मीनाक्षी सूर्यवंशी, सारिका रसाळ,भाऊसाहेब बरकडे, बी.के. लगड,ज्योती काकडे,मेघा औटी, धर्मनाथ काकडे उपस्थित होते. हा कार्यक्रम यशस्वी होण्यासाठी महाविद्यालयातील सर्व महिला प्राध्यापिकांनी विशेष मेहनत घेतली व सर्व अध्यापक आणि शिक्षकेतर कर्मचारी यांनी  साथ दिली. तसेच श्रवंतिका उत्सव सुरांचा या संगीतमय सुरेल असणाऱ्या कार्यक्रमाचा महिलांनी आनंद घेतला तसेच सर्व महिलांना स्नेहभोजन दिले.

कार्यक्रमाचे सूत्रसंचालन प्रा.शंकर गवते यांनी केले.