लिंपणगाव( प्रतिनिधी) -शिवरायांचे चरित्र हा एक प्रचंड मोठा प्रेरणास्त्रोत असल्यामुळे आजच्या तरुण पिढीने जीवन उज्वल व यशस्वी यशस्वी करण्याकरिता शिवरायांचे चरित्र , संस्कार व विचार अभ्यासण्याची गरज असल्याचे प्रतिपादन सहकार महर्षी नागवडे कारखान्याचे चेअरमन राजेंद्र दादा नागवडे यांनी केले. 

            हिंदवी स्वराज्य संस्थापक, कुळवाडी भूषण श्री. छत्रपती शिवाजी महाराज यांची जयंती सहकार महर्षी शिवाजीराव नागवडे सहकारी साखर कारखाना कार्यस्थळावर मोठ्या उत्साहात साजरी करण्यात आली.  सदर प्रसंगी कारखान्याचे चेअरमन राजेंद्र दादा नागवडे बोलत होते. नागवडे यांच्या शुभहस्ते छत्रपती शिवरायांच्या प्रतिमेचे पूजन करून अभिवादन करण्यात आले. याप्रसंगी अहमदनगर जिल्हा मध्यवर्ती सहकारी बँकेच्या संचालिका सौ. अनुराधा नागवडे, कारखान्याचे संचालक सुभाषकाका शिंदे, श्रीनिवास घाडगे, योगेश भोईटे, राकेश पाचपुते,  प्रशांत दरेकर, भाऊसाहेब नेटके, विठ्ठल जंगले, लक्ष्मण रायकर, भाऊसाहेब बरकडे, भीमराव लबडे, संचालिका सौ. मेघा औटी यांच्यासह कारखान्याचे प्र. कार्यकारी संचालक सतीश जांभळे  व सर्व खाते प्रमुख, विभाग प्रमुख, कामगार व पंचक्रोशीतील नागरिक मोठ्या संख्येने उपस्थित होते.  युवा शिवशाहीर चंद्रकांत महाराज माने व सौ. ऋतुजा माने यांच्या बहारदार पोवाडा व लोकगीतांच्या सादरीकरणामुळे त्यांनी लोकांची मने जिंकली. 

         सुत्रसंचलन बाळासाहेब लगड यांनी केले तर आभार प्रदर्शन भाऊसाहेब बांदल यांनी मानले.