लिंपणगाव (प्रतिनिधी)- श्रीगोंदा तालुक्यातील शैक्षणिक क्षेत्रात अग्रेसर असलेल्या श्री व्यंकनाथ विद्यालय व जुनिअर कॉलेजमध्ये 19 फेब्रुवारी रोजी शिवजयंती निमित्त कार्यक्रमाचे आयोजन करण्यात आले होते. अध्यक्षस्थानी विद्यालयाचे प्राचार्य दत्तात्रय सस्ते हे होते. प्रारंभी छत्रपती शिवाजी महाराजांच्या प्रतिमेचे पूजन करण्यात आले. कार्यक्रमस्थळी इयत्ता सहावीचा विद्यार्थी प्रथमेश जठार या विद्यार्थ्याने छत्रपती शिवाजी महाराजांचे हुबेहूब वेशभूषण धारण करून कार्यक्रम स्थळी शिवराय दाखल झाले. त्यामुळे या कार्यक्रमात छत्रपती शिवराय प्रकट झाल्याचे सर्वांनाच जाणवले, हे एक कार्यक्रमाचे मोठे आकर्षण ठरले गेले.

        याप्रसंगी कुमारी वैभवी जगताप, कार्तिक काकडे, कुमारी अनुश्री जठार, ऋतुजा कांडेकर, गीतांजली कापसे, ओम जठार, कृष्णप्रेम मडके तसेच विद्यार्थी पालक विकास जठार आदींनी विद्यार्थ्यांनी छत्रपती शिवरायांच्या जीवन कार्याविषयी सविस्तर अशी माहिती विशद केली.

         यावेळी मार्गदर्शन करताना ज्येष्ठ शिक्षक अविनाश कांबळे यावेळी म्हणाले की, छत्रपती शिवाजी महाराज यांनी प्लॅनिंग करून अनेक लढाई जिंकली. त्यामुळे विद्यार्थ्यांनी देखील आपल्या शालेय जीवनात अभ्यास करताना प्लॅनिंगनेच अभ्यासात सुसूत्रता आणावी, समोर कितीही संकटे आली तरी कमबॅक करता आले पाहिजे हे धाडस छत्रपती शिवाजी महाराजांमध्ये होते त्याप्रमाणे विद्यार्थ्यांनी आपली वाटचाल ठेवावी असे गौरवदगार श्री कांबळे यांनी यावेळी काढले.

        अध्यक्षीय भाषणात प्राचार्य दत्तात्रय सस्ते म्हणाले की, छत्रपती शिवाजी महाराज हे जगण्याचे साधन आहेत. भगवान श्रीकृष्णाची रास घेऊनच राजे जन्माला आले. त्यांची श्रीकृष्ण भगवंतावर अपार श्रद्धा होती. विद्यार्थ्यांनी देखील अभ्यासाबरोबर भगवंताचे देखील नामस्मरण डोळ्यासमोर ठेवावे निश्चितपणे सदविवेक बुद्धी प्राप्त झाल्याशिवाय राहणार नाही असे सांगितले.

          कार्यक्रम स्थळी विद्यालयाचे कलाशिक्षक अभिषेक उदमले यांनी उपस्थित विद्यार्थ्यांसमोर पांढऱ्या स्केच बोर्डवर छत्रपती शिवाजी महाराजांचे स्केचचित्र अगदी साडेतीन मिनिटांमध्येच रेखाटून आपली अंगी असलेली कला विद्यार्थ्यांसाठी ही एक अनोखी कला प्रेरणादायी व मोठे आकर्षण ठरले गेले.

         या कार्यक्रमास रयत शिक्षण संस्थेतील जेष्ठ कलाशिक्षक सुनील दरेकर यांच्यासह विद्यार्थी शिक्षक शिक्षकेतर कर्मचारी मोठ्या संख्येने उपस्थित होते. सूत्रसंचालन उपशिक्षक ज्ञानदेव धायगुडे यांनी केले. आभार शिक्षक संतोष शिंदे यांनी मानले.