लिंपणगाव( प्रतिनिधी)- मढेवडगाव मधील तरुण मंडळातर्फे आयोजित शिवजयंती कार्यक्रम मध्ये आपल्या गावातील पहिल्या महिला सैनिक स्नेहल बाळासाहेब मांडे यांना महाराजांची पूजा करण्याचा मान दिला .

तसेच सैनिक संघटना तर्फे मुलांसाठी आयोजित केलेली शारीरिक स्पर्धेचे (पुश अप्स) आयोजन केले होते त्या मध्ये प्रथम क्रमांक उंडे अथर्व गणेश यास सायकल तसेच द्वितीय क्रमांक रोहन शरीफ शेख याला क्रिकेटचे किट व तृतीय नंबर झिटे ऋषिकेश शरद यास स्कूल बॅग भेट देण्यात आली. सर्व सहभागी स्पर्धकांसाठी पेन व प्रशस्तीपत्रक देण्यात आले.

यामध्ये सर्वात महत्त्वाची गोष्ट म्हणजे स्नेहल ने आपले मनोगत मांडताना मुलींनी डिफेन्स मधील परीक्षेची तयारी कशी करावी याबद्दल सांगितले तसेच तिने भरती होण्यासाठी कशी मेहनत घेतली कसा अभ्यास केला याबद्दल सांगितले तसेच तिने सरपंचांना विनंती केली की गावातील मुलींना अभ्यासिकेची सोय करावी मुलींना अभ्यासिकेसाठी श्रीगोंद्यात जावे लागते ही सुविधा गावातच भेटली तर बऱ्याच मुलींना त्याचा फायदा होईल.

कार्यक्रमाचे सूत्रसंचालन नवनाथ उंडे सर यांनी केले व शेवटी आभार सुभेदार मोहन परशुराम शिंदे यांनी मानले. 

(सैनिक संघटना मढेवडगाव तर्फे मुलांसाठी असेच शारीरिक स्पर्धा व इतर कलागुणांना वाव देण्यासाठी काम करीत राहील धन्यवाद)