लिंपणगाव (प्रतिनिधी)-- शैक्षणिक क्षेत्रातील सर फाउंडेशन महाराष्ट्रतर्फे आयोजित  राष्ट्रीय स्तर शैक्षणिक नवोपक्रम स्पर्धा 2023 चा अंतिम निकाल नुकताच जाहीर झाला. या स्पर्धेतून अहमदनगर जिल्ह्यातील शिक्षकाची निवड झाली. त्यांस  नॅशनल इनोव्हेटिव्ह अवॉर्डने सन्मानित करण्यात येणार आहे.

 शिक्षण क्षेत्रात नाविन्यपूर्ण उपक्रम राबवणे काळानुसार गरजेचे आहे. हेच नवोपक्रम इतर शिक्षकांसाठी प्रेरणादायी ठरतात. या स्पर्धेसाठी महाराष्ट्रासह इतर राज्यांतून नवोपक्रम सादर करण्यात आले. राष्ट्रीय स्तरावरील अनेक उपक्रमशील शिक्षकांनी यामध्ये भाग घेतला.

 अहमदनगर जिल्ह्यातून  राम जाधव (रयत शिक्षण संस्थेचे, जनता कन्या विद्यालय,काष्टी ता. श्रीगोंदा जि. अहमदनगर ) यांचा  शालेय प्रतिभा धुत या नावाचा उपक्रम राष्ट्रीय स्तरावर निवडण्यात आला. सामाजिक जाणिवेतून वाढदिवस साजरा, वाढदिवसानिमित्त वृक्षारोपण, पुस्तक दानपेटी, प्लास्टिक मुक्त शाळा, कविता सृजन, परसबाग निर्मिती, कचरा व्यवस्थापन, पाणी व्यवस्थापन,  वाचन चळवळ आदी घटकांना अनुसरून शाळेत उपक्रम राबविले जात आहे. या उपक्रमांचा एकत्रीकरण असलेला शालेय प्रतिभा दूत हा नवोपक्रम महत्वपूर्ण ठरला आहे. या उपक्रमास  राष्ट्रीय स्तर समारंभात नॅशनल इनोव्हेटिव्ह अवॉर्ड्स देऊन मान्यवरांच्या हस्ते सन्मानित करण्यात येणार आहे. या निवडीबद्दल रयत शिक्षण संस्थेच्या मॅनेजिंग कौन्सिल सदस्या मीनाताई जगधने, बाबासाहेब भोस, मा. ना. बबनराव पाचपुते, जनरल बॉडी सदस्य बाजीराव कोरडे, विभागीय व उपविभागीय अधिकारी,उत्तर विभाग, स्थानिक स्कूल कमिटी अध्यक्ष,व शालेय व्यवस्थापन समिती अध्यक्ष आणि सदस्य, मुख्याध्यापिका व शिक्षक, शिक्षकेतर  कर्मचारी, काष्टी, तसेच सर फाउंडेशनचे राज्य समन्वयक सिद्धाराम माशाळे, बाळासाहेब वाघ, महिला समन्वयक हेमा वाघ, आयटी विभाग प्रमुख राजकिरण चव्हाण व शिक्षण क्षेत्रातील तालुका व जिल्हा स्तरावरील अधिकारी  यांनी अभिनंदन केले.