By : Polticalface Team ,19-03-2024
लिंपणगाव (प्रतिनिधी)--: रामचंद्र कॉलेज ऑफ इंजीनियरिंग अँड पॉलीटेक्निक पुणे येथे झालेल्या इंटर इंजीनियरिंग डिप्लोमा स्टुडंट्स स्पोर्ट्स अससोसिएशन अंतर्गत १७ मार्च २०२४ रोजी झालेल्या राज्यस्तरीय स्पर्धेमध्ये. गोळा फेक या विभागांमध्ये सोनिया गांधी पॉलिटेक्निक मधील द्वितीय वर्ष इलेक्ट्रॉनिक्स अँड टेलिकमुनिकेशन विभागातील वैष्णवी टकले हीने राज्यामध्ये प्रथम क्रमांक मिळवून कॉलेज च्या शिरपेचात मानाचा तुरा रोवला. राज्यस्तरावर जाण्यासाठी तिने अकोले पॉलीटेक्निक येथे झालेल्या जिल्हास्तरीय स्पर्धेमध्ये प्रथम क्रमांक मिळवून राज्यस्तरावर प्रवेश मिळवला. तसेच या ठिकाणी झालेल्या रनिंग स्पर्धेमध्ये द्वितीय वर्ष इलेक्ट्रॉनिक्स अँड टेलिकमुनिकेशन विभागातील संकेत राशिनकर याने राज्यामध्ये तिसरा क्रमांक पटकावला. या यशाबद्दल संस्थेचे अध्यक्ष राजेंद्र नागवडे यांनी विद्यार्थ्यांचे खूप खूप कौतुक केले व त्यांना पुढील वाटचालीसाठी शुभेच्छा दिल्या तसेच यावेळी ते म्हणाले की ग्रामीण भागातील मुलांना योग्य मार्गदर्शन भेटले की ही मुलं राज्यस्तरावर झळकू शकतात हा विश्वास त्यांनी व्यक्त केला. याप्रसंगी कॉलेजचे निरीक्षक गोलांडे सर यांनी देखील विद्यार्थ्यांचे कौतुक केले तसेच कॉलेजचे प्राचार्य अमोल नागवडे यांनी देखील अभिनंदन केले तसेच सर्व खेळांमध्ये आपल्या विद्यालयाची जास्तीत जास्त मुले मुली कसे सहभागी होतील यासाठी ते वर्षभर प्रयत्न करत असतात व विद्यार्थ्यांना प्रोत्साहन देत असतात.