लिंपणगाव (प्रतिनिधी)- श्रीगोंदा तालुक्यातील लिंपणगाव कार्यक्षेत्रातील शेंडेवाडी येथील युवक कार्यकर्ते रवींद्र दत्तात्रेय राजेमाने यांची जिल्हा युवक राष्ट्रवादी काँग्रेस पक्षाच्या उपाध्यक्षपदी निवड करण्यात आली आहे. श्री राजेमाने यांना शुक्रवारी 29 मार्च रोजी आयोजित कार्यक्रमात राज्य राष्ट्रवादी काँग्रेस पक्षाचे प्रदेश उपाध्यक्ष राजेंद्र दादा नागवडे  यांनी एका नियुक्ती पत्राद्वारे निवड जाहीर केली आहे या निवडीबद्दल लिंपणगाव पंचक्रोशीसह तालुक्यात अभिनंदन असा होत आहे.

  श्री रवींद्र राजमाने यांना दिलेल्या नियुक्ती पत्रात राष्ट्रवादी काँग्रेस पक्षाचे प्रदेश उपाध्यक्ष राजेंद्र दादा नागवडे यांनी म्हटले आहे की, राष्ट्रीय राष्ट्रवादी काँग्रेस पक्षाचे अध्यक्ष राज्याचे उपमुख्यमंत्री अजित दादा पवार, पक्षाचे कार्याध्यक्ष प्रफुलभाई पटेल, प्रदेशाध्यक्ष सुनील तटकरे यांना अभिप्रेत असलेली संघटन वाढीसाठी आपण प्रयत्नशील रहाल, अशी अपेक्षा या नियुक्ती पत्रात श्री नागवडे यांनी व्यक्त केली आहे.

     या निवडीनंतर पत्रकारांशी बोलताना रवींद्र राजेमाने यांनी म्हटले आहे की, राज्य राष्ट्रवादी काँग्रेस पक्षाचे प्रदेश उपाध्यक्ष राजेंद्र दादा नागवडे व जिल्हा राष्ट्रवादी महिला काँग्रेसच्या अध्यक्षा सौ अनुराधाताई नागवडे यांच्या कृपाआशीर्वादाने मला युवक राष्ट्रवादी काँग्रेस जिल्हा उपाध्यक्षपदाची संधी मिळाली. मी नागवडे कुटुंबीयांचे आभार मानतो असे सांगून ते पुढे म्हणाले की, यापुढे निश्चितपणे मी ती समर्थपणे पक्षाची जबाबदारी तन मन धनाने पार पाडीन. राष्ट्रवादी काँग्रेस पक्षाचे संघटन बांधताना युवकांना बरोबर घेऊन राष्ट्रीय अध्यक्ष नामदार अजित दादा पवार यांची राज्याच्या विकासाची विचारधारा युवकांना पटवून देण्यासाठी अहोरात्र पुढाकार घेईल. त्याचबरोबर आगामी होणाऱ्या विधानसभेच्या निवडणुकीत भावी आमदार सौ अनुराधाताई नागवडे यांच्यासाठी जिल्हा व तालुक्यात युवकांचे मोठे संघटन बांधण्यासाठी पुढाकार घेणार आहोत. असे श्री रवींद्र राजे माने यांनी पत्रकारांशी बोलताना सांगितले. श्री रवींद्र राजेमाने यांच्या निवडीबद्दल तालुका व जिल्ह्यातील युवकांनी अभिनंदन करत पुढील कार्यास शुभेच्छा व्यक्त केले आहेत.