पुणे दौंड (प्रतिनिधी) अनिल गायकवाड. नवी पिढी पुस्तके वाचत नाही, पुस्तके खरेदी करत नाही असे अनेकांकडून सध्या बोलले जात आहे. परंतु जग बदलणारा बाप माणूस: या पुस्तकाच्या विक्रीने हा गैरसमज मोडून काढला आहे.  

आजच्या युवा तरुणाईला त्यांच्या भाषेत समजेल उमजेल अशा भाषेत लिहिलेले पुस्तक दिले.तर ते आवर्जून खरेदी करून का ? वाचणार नाहीत. या पुस्तकाच्या विक्री झालेल्या विक्रमातून दिसून येत आहे. 

व्याख्याते व लेखक जगदीश ओहोळ यांनी. विश्वरत्न डॉ बाबासाहेब आंबेडकर यांचा युवा तरुणांना प्रेरणादायी ठरेल असा विश्वासार्थ लिहिलेले पुस्तक.(जग बदलणारा बाप माणूस) हे पुस्तक 3 डिसेंबर 2023 रोजी पुणे येथील फुलेवाडा क्रांतीज्योती सावित्रीबाई फुले सभागृहात प्रकाशित करण्यात आले. 

अवघ्या शंभर दिवसात म्हणजे 13 मार्च 2024 पर्यंत या पुस्तकाच्या सात आवृत्ती प्रकाशित करण्यात आल्या आहेत, असे प्रकाशिका छाया जायकर यांनी माध्यमातून बोलताना सांगितले. या पुस्तकाला तरुणाईकडून विशेष मागणी होत आहे. तसेच राज्यासह महाराष्ट्राच्या बाहेर व परदेशात अगदी दुबई, अमेरिका, युरोप या देशात ही मराठी वाचकांपर्यंत हे पुस्तक पोहोचले असल्याचे त्यांनी सांगितले आहे. या पुस्तका बद्दल अनेक दिग्गज विचारवंत लेखक मान्यवरांनी आपल्या प्रतिक्रिया दिलेले आहेत.

जग बदलणारा बाप माणूस या पुस्तकास ज्येष्ठ विचारवंत, मुंबई विद्यापीठाचे माजी कुलगुरू व माजी राज्यसभा सदस्य डॉ.भालचंद्र मुणगेकर यांनी प्रस्तावना लिहिली असून लेखकाचे पाठराखण पर शब्द प्राच्यविद्यापंडित डॉ.आ ह साळुंखे यांनी लिहिले आहे. तसेच या पुस्तका बद्दल जेष्ठ सामाजिक कार्यकर्ते डॉ. बाबा आढाव, मॅक्स महाराष्ट्राचे संपादक रवींद्र आंबेकर, बीबीसीचे संपादक अभिजीत कांबळे. यांच्यासह अनेक दिग्गज अभ्यासक विचारवंतांनी व पत्रकारांनी प्रतिक्रिया दिल्या असल्याचे बोलताना म्हणाले हे 

पुस्तक प्रकाशित होताच आठ दिवसातच प्रथमावृत्ती संपली असल्याने. वाचकांची अधिक मागणी वाढु लागली असल्याची सर्वत्र चर्चा होऊ लागली आहे. नव्या पिढीला समजेल अशा प्रेरणादायी शब्दात हे पुस्तक लिहिल्याने तरुणाईने या पुस्तकाला विशेष पसंती दिली आहे.

 तसेच अशा प्रकारे मोटिव्हेशनल पद्धतीने शून्यातून विश्व निर्माण करुन स्वाभिमानी लढा जीवन जगण्यासाठी डॉ बाबासाहेब आंबेडकर, यांचा   विषमतेच्या संघर्षा पलीकडे जाऊन. प्रत्येकासाठी कसे प्रेरणादायी आहेत? ते अजून आमच्या वाचनात आले नव्हते. अशा प्रतिक्रिया वाचक देत आहेत.

अनेक ठिकाणी विविध कार्यक्रमात, किंवा वाढदिवसाला, सत्कारासाठी हे पुस्तक लोक एकमेकांना भेट म्हणून देत आहेत, तसेच भीमजयंती निमित्त वितरणासाठी या पुस्तकाची मोठी मागणी होऊ लागली आहे. 

जग बदलणारा बाप माणूस या पुस्तकाला मिळत असणारा प्रतिसाद पाहता हे बाबासाहेबांच्या प्रेरणादायी विचारांचे, व संघर्षाचे यश आहे. नव्या  पिढीचा प्रतिनिधी म्हणून त्यांना पचतील, पटतील व रूचतील अशा भाषेत बाबासाहेब सांगणे हे माझे कर्तव्य होते‌. ते मी केले आहे. सर्व समावेशक पध्दतीने सर्वांना आवडले आहे. हे मला जास्त महत्वाचे वाटते. बाबासाहेब आंबेडकर हे कोणत्याही चौकटीत बांधावे असे व्यक्तिमत्व नाही. त्यांचं कार्य हे जागतिक स्तरावरील असून. जगाला प्रेरणा देणारे आहे, असं आपण म्हणत असतो. पण ते या पुस्तकाच्या माध्यमातून सप्रमाण वाचकांना दाखवून देण्याचा प्रयत्न मी केला आहे. हे पुस्तक जात, धर्म, प्रदेश सीमा ओलांडून सर्वव्यापी झाले. तशा अनेक प्रतिक्रिया येत आहेत. याचा मनस्वी आनंद वाटतो. वाचकांच्या मागणीनुसार लवकरच हिंदी आणि इंग्रजी भाषेत रुपांतर करुन आवृत्ती प्रकाशित करू. अशी प्रतिक्रिया लेखक जगदीश ओहोळ यांनी व्यक्त केली आहे.