या संदर्भात निवड झालेल्या दोन्ही मुलांचे संपूर्ण महाराष्ट्रात व पुणे जिल्ह्यात सर्वत्र कौतुक केले जात आहे. या बाबत अधिक माहिती अशी की भारतीय संघाचे नेतृत्व करण्याची मोठी संधी या दोन्ही मुलांना मिळाली आहे. दौंड तालुक्यातील कु.अजित शरद पवार. रा. कानगाव ता दौंड जिल्हा पुणे.व कु.क्षितिज पराग कुंभार. रा.बोरीपारधी चौफुला ता दौंड जिल्हा पुणे. अशी या दोन्ही मुलांची नावे आहेत. दिल्ली येथील राष्ट्रीय आईस हॉकी निवड चाचणी कॅम्पमध्ये त्यांनी सहभाग घेतला होता. दि ११-१२ ऑगस्ट २०२४ रोजी दिल्ली येथील गुरुग्राम या ठिकाणी आईस हॉकी मैदानात हा कॅम्प संपन्न झाला. भारतीय संघात निवड झालेल्या कु.अजित शरद पवार. आणि कु क्षितिज पराग कुंभार. या दौंड तालुक्यातील दोन्ही मुले गेली तीन वर्षा पासून स्केटिंग चा सराव करत आहेत. या तीन वर्षाच्या कालावधीत सरावाच्या व मेहनतीच्या दृष्टीने त्यांच्या कष्टाचे फळ त्यांना मिळाले असल्याचे राज्यस्तरीय निवडीतून नक्कीच सिद्ध झाले असून या पुढे अधिक जोमाने सराव करून उच्च स्तरावर लवकरच ऑलिंपिक सारख्या जागतिक पातळी वरील स्पर्धेमध्ये झळकतील अशी अपेक्षा व्यक्त केली असुन ऑलम्पिक कमिटीचे अभिषेक शर्मा सर यांच्या हस्ते सर्टिफिकेट व मेडल प्रदान करुन सन्मानित करण्यात आले असल्याचे बोरीपारधी चौफुला येथील समाधान दाने सर यांनी सांगितले. 

 आईस हॉकी हा खेळ ही ऑलम्पिक मध्ये खेळला जातो तसेच हा जगातील पातळीवर सर्वात लोकप्रिय खेळ मानला जातो. पश्चिमी राष्ट्रांमध्ये हा खूप उत्साहाने खेळला जाणारा खेळ आहे. लवकरच ऑलिंपिक मध्ये भारतीय संघ देखील हा खेळ खेळण्यासाठी आपला संघ पाठवणार असून ही मुले त्या संघामध्ये असू शकतील अशी आशा ग्रेट स्पोर्ट्स अकॅडमीने दर्शवली आहे. त्यामध्ये दौंड तालुक्यातील हा जोड नक्कीच आपला पराक्रम गाजवतील अशी अपेक्षा व्यक्त केली जात आहे. कु.अजित शरद पवार. आणि कु क्षितिज पराग कुंभारया दोन्ही मुले ग्रेट स्पोर्ट्स अकॅडमी मध्ये स्केटिंग प्रशिक्षण घेत आहेत. समाधान दाणे सर, गणेश घुगे सर. विजय टिपूगडे सर. प्रवीण होले सर. आणि आकाश कसबे सर यांनी प्रशिक्षणार्थ मार्गदर्शन केले. डॉ निलेश लोणकर संदीप टेंगले सर शरद पवार सर पराग कुंभार सर प्रियंका दाने महाराष्ट्र पोलीस रूपाली टेंगले महाराष्ट्र पोलीस व समस्त केडगाव चौफुला बोरिपारधी यवत तसेच दौंड तालुक्यातील समस्त ग्रामस्थांनी त्यांना पुढील वाटचालीसाठी शुभेच्छा दिल्या आहेत.