बीड : शेती करण्यास सध्याची तरुण पिढी बहुदा  नकार देत आहे. अस्मानी संकट, शेती मालाला योग्य बाजारभाव न मिळणे आणि भांडवला साठी लागणारा पैसा यामुळे शेती करण्यास तरुण इच्छूक नाहीत असं असे दिसते  . पण  काही लोक आधुनिक तंत्रज्ञानाचा उपयोग  करून शेतीत  विविध प्रकारचे प्रयोग करतात . पण  बीडची  एक महिला शेतकरी खजूर, ड्रॅगन फ्रुट आणि सफरचंदची शेती करून लाखो रुपयांचे उत्पन्न घेते . विशेषबाब  म्हणजे बीड हा दुष्काळी जिल्हा असून देखील त्यांनी अतिशय यशस्वी रित्या शेतीचे नियोजन केलं आहे. चला तर मग जाणून घेऊ त्यांची यशोगाथा....

तीन एकर क्षेत्रात विविध पिकांची लागवड

विजया गंगाधर घुले असं या  महिला शेतकऱ्याचे नाव आहे  त्या बीड जिल्ह्यातील आष्टी येथील रहिवाशी असून . विजया घुले यांनी पारंपरिक शेतीला फाटा देत योग्य मिश्र शेती करण्याचा निर्णय घेतला. 2016 मध्ये सुरवातीला विजया घुले यांनी अर्धा एकर ड्रॅगन फ्रूटची लागवड करण्याचा निर्णय घेतला. नंतर कालांतराने खजूर आणि सफरचंदाची लागवड करण्याचा निर्णय पण घेतला. विजया यांनी खजूरची 80 झाडे तर सफरचंदचे 240 झाडे लावलेली  आहे. म्हणजे एकूण तीन एकर क्षेत्र हे मिश्र पिकासाठी गुंतवलेले  आहे. महत्वाची गोष्ट म्हणजे या तिनही पिकांमधून त्यांना भरघोस असे  उत्पन्न मिळत आहे.

खजुरातून मिळाले अडीच लाखांचे उत्पन्न

सध्या खजूर पिकाचे उत्पादन सुरू झाले असून त्यातून त्यांना  चांगला आर्थिक फायदा होत असल्याचं विजया यांनी सांगितले. प्रत्येक झाडापासून पहिल्याच वर्षी 70 किलो ते 120 किलोपर्यंत फळे मिळाली तो बाजारपेठेत 70 ते 100 रुपये दराने विक्री केला गेला . तर किरकोळ बाजारांमध्ये 160 ते 200 रुपयां पर्यंत खजूरची विक्री केली आहे . खजूराच्या 80 झाडापासून पहिल्याच वर्षे अडीच ते तीन लाख रुपयांचे उत्पन्न मिळाले होते . तर पुढील वर्षी प्रती झाड दीडशे ते पावणे दोनशे किलो पर्यंत खजूर मिळणे अपेक्षित आहे.

पुढील वर्षी दहा लाखांचे उत्पन्न मिळण्याची अपेक्षा

पुढच्या वर्षी तीन एकर क्षेत्रामधून कमीत कमी 20 ते 25 लाखांचे उत्पन्न मिळेल अशी अपेक्षा त्यांनी व्यक्त केली आहे. ड्रॅगन फ्रूटचे चार ते पाच लाख रुपये उत्पन्न तसेच खजूरचे चार ते पाच लाख रुपये उत्पन्न असे एकाच एकरामध्ये कमीत कमी दहा लाखापर्यंत उत्पन्न मिळण्याचे अपेक्षा त्यांना  आहे.

जिजामाता कृषी भूषण पुरस्काराने सन्मान

राज्यातील तसेच देशातील  शेतकऱ्यांनी मिश्र शेतीकडे वळले तर त्यांनाही शाश्वत उत्पन्नाचा मार्ग मिळेल. अतिशय कमी कष्टात कसलाही रासायनिक स्प्रे चा वापर न करता येणारी ही शेती असल्यामुळे ते भविष्यात नेहमीच फायद्याची ठरली जाऊ शकते . विजया घुले यांच्या यशस्वी प्रयोगाची दखल घेऊन महाराष्ट्र शासनाने 2022 - 23 चा जिजामाता कृषी भूषण पुरस्कार देऊन विजया घुले यांच्या कार्याचा  सन्मान केला आहे.