Success Story: सध्या दुधाचे दर आणि त्यावरून होणारी शेतकऱ्यांची अवस्था पाहून कोणताही नवखा माणूस या व्यवसायात उडी मारण्याच धाडस करण्याच्या मानसिकतेत नसतात , दहावी उत्तीर्ण झालेल्या श्रद्धा धवननं दुधव्यवसाय सुरु करूंन ती या व्यवसायातून कमीत कमी 1 कोटी रुपयांची कमाई करत आहे. स्टार्टअप सुरु करून दुधाच्या पदार्थांची ती विक्री करते. वडिलांना मदत म्हणून झाली सुरुवात

अहमदनगर जिल्ह्यातील निघोज गावामधील धवन कुटुंब जनावरांची खरेदी विक्री करते . छोटासा व्यवसाय, अल्पभूधारक, दहावीच्या परीक्षेनंतर उन्हाळ्याच्या सुट्टीत श्रद्धाने वडिलांना जनावरांच्या खरेदी विक्रीच्या कामात मदत करण्यास सुरुवात केली. सुट्टी असल्यानं वडिलां सोबत जनावरांच्या बाजारात जायला लागली. चांगली म्हैस कशी ओळखायची, म्हैस खरेदी करण्यापूर्वी काय जाणून घ्यायला हवं, जनावरांचा लिलाव कसा करतात, योग्य किंमत कशी ओळखायची अशा छोट्या गोष्टी तिनं तिथे शिकून घेतल्या. या सगळ्या अनुभवां मधून व्यवसायाचा प्रशिक्षणच तिला मिळत होतं.

दुधाच्या उत्पादनं बनवत केली विक्री २०१३ मध्ये तिनं ठरवलं की घरीच गायी म्हशींना पाळून दुध व्यवसाय सुरु करायचा. हा तिचा निर्णय तिच्यासाठी योग्य देणारा ठरला. पण अभ्यास थांबवून हे सगळं तिला करायचं नव्हतं. त्यामुले एकीकडे अभ्यास, दुसरीकडे व्यवसाय असा ताळमेळ साधत तिनं या व्यवसायात उडी मारली. वडिलांचं संशोधन, अभ्यास आणि तिचं अद्ययावत ज्ञान अशी जोड देत तिनं व्यवसायाला सुरुवात केली.पण तोपर्यंत तिची ११ वी सुरु झाली होती. श्रद्धा फार्म्स असा स्टार्टअप तिनं सुरु केला. हळूहळू गायी, म्हशींची संख्या वाढवली, कामगार वाढवले आता तिच्याकडे एकूण १३० म्हशी आहे. स्टार्टअप पेडीयाला दिलेल्या मुलाखतीनुसार, पोस्ट ऑफिस आणि वेगवेगळ्या दुकानांमधून राज्यभरात ती दुधापासून बनवलेले प्रोडक्ट पाठवते. यामध्ये तूप, लोणी, लस्सी , ताक आणि दही याचा समावेश आहे. एका वर्षात कोट्यवधींची उलाढाल नैसर्गिक पद्धतीनं ही सर्व उत्पादनं ती बनवते. श्रद्धा फार्मचा एक टन बायागॅसचा प्लांट सुध्दा आहे. जिथं सेंद्रिय खते बनवली जातात . हे खत शेतकऱ्यांना तसेच कृषी कंपन्यांना विकलं जातं. अजूनतरी तिच्या स्टार्टपमधील उत्पादनं इकॉमर्सवर नसली तरी भारतभर इमेलच्या माध्यमातून तिला ऑर्डर्स मिळू लागल्या आहे. आणि महत्वाचं म्हणजे तिनं वर्षभरात या व्यवसायातून एक कोटी रुपयांची कमाई केली आहे.