लिंपणगाव (प्रतिनिधी)-महाराष्ट्र प्रदेश काँग्रेस कमिटी चे अध्यक्ष मा नानाभाऊ पटोले यांच्या शिफारशीनुसार प्रा शंकर गवते यांची अनिवासी भारतीय काँग्रेस कमिटीच्या उपाध्यक्ष म्हणून नियुक्ती केली. 
काँग्रेस पक्षाचे कार्य संपूर्ण जगात 143 देशांमध्ये चालते संपूर्ण जगभर काँग्रेस पक्षाचे ध्येयधोरणे पोहचवणे सामाजिक एकता शांतता जगभरातील लोकांच्या मनामध्ये वृद्धिंगत करण्यासाठी प्रयत्न करणे व काँग्रेस चे राष्ट्रीय अध्यक्ष मा मल्लिकार्जुन खरगे; मा सोनियाजी गांधी; व मा राहुलजी गांधी यांच्या नेतृत्वाखाली काँग्रेस पक्षाचे विचार जगभरातील अनिवासी भारतीयांच्यापर्यंत पोहचवण्याचे कार्य करण्याची जबाबदारी काँग्रेस पक्षाने उपाध्यक्ष पदावर नियुक्ती करून  त्या निम्मिताने काँग्रेस पक्षाचे काम करण्याची संधी दिल्याबद्दल त्यांनी काँग्रेस पक्षाचे आभार व्यक्त केले. 
प्रा शंकर गवते हे प्रेरणादायी व्याख्याते, उत्कृष्ट निवेदक, गायक, मराठी व इंग्रजी विषयावर प्रभुत्व असणारे आहेत. त्यांनी आतापर्यंत शेकडो व्याखाने दिलेली असून; महाराष्ट्रातील वादविवाद व वक्तृत्व स्पर्धेचे विजेते आहेत. महिलांसाठी राज्यभर. गाजत असलेल्या लै भारी होममिनिस्टर खेळ पैठणीचा ह्या कार्यक्रमाचे ते संयोजक आहेत. 
त्यांना काहीच दिवसात काँग्रेस पक्षाचे राष्ट्रीय अध्यक्ष श्री मल्लिकार्जुन खरगे; खासदार राहुलजी गांधी; महाराष्ट्र प्रदेशाध्यक्ष नानाभाऊ पटोले; माजी मंत्री बाळासाहेब थोरात यांच्या हस्ते मुंबईत नियुक्ती पत्र देण्यात येणार आहे. 
     त्यांच्या नियुक्तीबद्दल मा बाळासाहेब थोरात,मा  जिल्हाध्यक्ष जयंत वाघ; आमदार लहू कानडे; मा  राजेंद्रजी नागवडे; मा घनश्याम शेलार; मा अनुराधा वहिनी नागवडे; मा मनोहर पोटे; युवक अध्यक्ष स्मितल वाबळे; तालुकाध्यक्ष प्रशांत दरेकर आदींनी अभिनंदन केले आहे.