लिंपणगाव( प्रतिनिधी )-श्री व्यंकनाथ विद्यालयाचे प्राचार्य श्री ए. एल. पुराने व ज्येष्ठ पत्रकार नंदकुमार कुरुमकर यांचा श्री व्यंकनाथ विद्यालयाच्या स्कूल कमिटीच्या पदाधिकारी यांनी यथोचित असा सन्मान केला.

       यावेळी गौरवद्गारपर भाषणात ग्रामपंचायत सदस्य नीलिमा थोरात यावेळी म्हणाल्या की; प्राचार्य श्री आनंदा पुराणे सर यांनी श्री व्यंकनाथ विद्यालयात शिक्षक म्हणून आदर्शवत असे ज्ञानदानाचे काम करून उत्कृष्ट गुणवंत विद्यार्थी घडविले. त्यांना शिक्षण संस्थेने मागील महिन्यामध्ये याच विद्यालयात प्राचार्य म्हणून पदोन्नती दिली. निश्चितच अभिमानाची बाब आहे. प्राचार्य पुराने यांनी अध्यापनाचे काम करत असताना जादा तासाच्या माध्यमातून विद्यार्थ्यांची बौद्धिक क्षमता वाढवण्याचा प्रामाणिकपणे प्रयत्न केला. त्यातून अनेक विद्यार्थी उच्चपदस्थ अधिकारी व विविध क्षेत्रात कार्यरत आहेत. त्याचे श्रेय निश्चितच प्राचार्य पुराणे यांच्याकडे जाते. असे गौरवोद्गार ग्रामपंचायत सदस्या नीलिमा थोरात यांनी व्यक्त केले. 

        यावेळी स्कूल कमिटीचे सदस्य पुरुषोत्तम लगड  म्हणाले की; ज्येष्ठ पत्रकार नंदकुमार कुरुमकर यांचे शैक्षणिक क्षेत्रासह पत्रकारिता क्षेत्रात मोठे योगदान लाभत आहे. त्यामध्ये गुणवंत विद्यार्थी; शाळेचे विविध उपक्रम व तालुक्यातील सर्व क्षेत्रातील घडामोडींची अचूक माहिती याबाबत अभ्यासपूर्ण लिखाण करून एक वेगळा ठसा पत्रकारिता क्षेत्रात श्री कुरुमकर यांनी निर्माण केला आहे. त्यांची तालुका पत्रकार संघाच्या उपाध्यक्षपदी निवड ही त्यांच्या कार्य कर्तुत्वाची ओळख असल्याचे श्री लगड यांनी यावेळी बोलताना सांगितले. 

         यावेळी लोणी व्यंकनाथ सेवा संस्थेचे अध्यक्ष श्री बाळासाहेब थोरात; नागवडे कारखान्याचे माजी संचालक व स्कूल कमिटीचे सदस्य विलासराव नाना काकडे; स्कूल कमिटीचे सदस्य अकबरभाई इनामदार; पुरुषोत्तम लगड,गावचे पोलीस पाटील मनेष जगताप; अक्षय गायकवाड; प्राचार्य श्री आनंदा पुराणेसर प्रा सचिन लगड; प्रा निसार शेख; प्रा पुष्पलता पाचपुते; श्री एकनाथ नेटवटे; राहुल येरकळ श्रीमती राहींज मॅडम यांच्यासह शिक्षक व शिक्षकेतर कर्मचारी उपस्थित होते.