श्रीगोंदा प्रतिनिधी/शफीक हवालदार : श्रीगोंदा विधानसभा मतदारसंघातील भाजपाच्या उमेदवार प्रतिभा बबनराव पाचपुते यांचा भाजपा महिला आघाडीच्या प्रदेशाध्यक्ष आमदार चित्राताई वाघ व आमदार बबनराव पाचपुते यांच्या प्रमुख उपस्थितीत कार्यकर्त्यांसह जाऊन साधेपणाने उमेदवारी अर्ज दाखल..

श्रीगोंदा विधानसभा मतदारसंघात आमदार बबनराव पाचपुते यांनी गेली ४० वर्ष प्रतिनिधित्व करत तालुक्याचा कायापालट केला आहे. तसेच महायुतीच्या सरकारच्या माध्यमातून अडीच वर्षाच्या कालावधीत कोट्यवधी रुपयांचा निधी श्रीगोंदा तालुक्याला मिळवून दिला असल्याने या मतदारसंघात भाजपा च्या उमेदवार सौ.प्रतिभा बबनराव पाचपुते या मोठ्या मताधिक्याने विजयी होतील असे प्रतिपादन भाजपा महिला आघाडीच्या प्रदेशाध्यक्ष आमदार चित्राताई वाघ यांनी श्रीगोंदा येथे केले.

श्रीगोंदा येथे विधानसभा मतदारसंघातील महायुतीची जागा भाजपाचे आमदार बबनराव पाचपुते हे आजारी असल्याने त्यांच्या पत्नी सौ. प्रतिभा बबनराव पाचपुते यांना उमेदवारी जाहीर केली. सोमवार दिनांक-२८/१०/२०२४ रोजी साध्या पद्धतीने कुठलाही गाजावाजा न करता पाच लोकांच्या उपस्थितीत उमेदवारी अर्ज दाखल करायचा असे ठरले होते. परंतु हि बातमी तालुक्यात कळताच दादांवर प्रेम करणारे हजारो कार्यकर्ते सकाळीच माऊलीवर हजर झाले व भाजपाच्या उमेदवार प्रतिभा पाचपुते यांनी भाजपा महिला आघाडीच्या प्रदेशाध्यक्ष आमदार चित्राताई वाघ व आमदार बबनराव पाचपुते व तालुक्यातील प्रमुख कार्यकर्त्यांच्या उपस्थितीत उमेदवारी अर्ज दाखल केला. 

यावेळी बोलताना चित्राताई वाघ म्हणाल्या कि नेत्यावर एवढे प्रेम करणारे कार्यकर्ते हिच नेत्यांची खरी संपती आहे. पुढे बोलताना त्या म्हणाल्या कि विकी दादांच भाषण ऐकल्यानंतर मला दादांच्या जुन्या भाषणांची आठवण झाली. यावेळी विक्रमसिंह पाचपुते, प्रतिभाताई पाचपुते, आमदार चित्राताई वाघ यांच्यासह लोकप्रिय नेते आमदार बबनरावजी पाचपुते यांनी उपस्थितीत जनसमुदायास संबोधित केले. यावेळी बोलताना दादा आजारी असल्यामुळे अनेक कार्यकर्ते भावूक झाले व अनेकांच्या डोळ्यातून बोलताना पाणी वाहू लागले. उपस्थितीत कार्यकर्त्यांनी विजयी होण्याची खात्री देत एकच वादा बबन दादा, विचार पक्का आमदार आक्का, देख लेना तुम आंखोसे जीत कर आयेंगे लाखोंसे अशा घोषणा देत परिसर दणाणून सोडला.