लिंपणगाव ( प्रतिनिधी )तालुकास्तरीय विविध गुणदर्शन स्पर्धा नुकत्याच श्रीगोंदा येथे आयोजित करण्यात आल्या होत्या.. त्या स्पर्धेमध्ये श्रीगोंदा मुले शाळेने विविध स्पर्धेमध्ये बाजी मारली.. शैक्षणिक गुणवत्तेबरोबरच विद्यार्थ्यांच्या सर्वांगीण विकासासाठी विशेष प्रयत्न करणारी शाळा म्हणून शाळेचा नावलौकिक सर्वत्र आहे..  यात PM SHRI अंतर्गत मंथन मंडळ आयोजित वादविवाद स्पर्धेत जिल्ह्यात प्रथम क्रमांक आला असून राज्यस्तरीय स्पर्धेसाठी शाळेची निवड झाली आहे. तसेच शोध स्थानिक परिसराचा यात शिवांश पांडुरंग इथापे यांचा द्वितीय क्रमांक आला... विविध गुणदर्शन स्पर्धेत प्रार्थना प्रवीण राहिंज हिचा किशोर गटात वक्तृत्व स्पर्धेत प्रथम क्रमांक, गाथा पंकज ढवळे किशोर गटात हस्ताक्षर स्पर्धेत प्रथम क्रमांक, वैयक्तिक गीत गायन प्रकार किलबिल गट देवांश संपतराव पाटील प्रथम क्रमांक, सांस्कृतिक स्पर्धेत बालगटात अनाथांच्या व्यथा या नाटिकेचा प्रथम क्रमांक, किशोर गटातील नाटिका स्त्री शक्तीचा जागर या नाटिकेचा द्वितीय क्रमांक, वक्तृत्व स्पर्धेत सार्थक शरद हिरडे बालगटात द्वितीय क्रमांक, तसेच गोष्ट सादरीकरण किशोर गट पार्थ नामदेव रायकर तृतीय क्रमांक आला असून सर्व यशस्वी व सहभागी विद्यार्थ्यांचे सर्व स्तरातून अभिनंदन होत आहे.. शाळेच्या या घवघवीत यशामध्ये शाळा व्यवस्थापन समितीचे अध्यक्ष श्री. प्रकाश बोरुडे  तसेच शाळेचे कर्तव्यदक्ष मुख्याध्यापक श्री रमेश साबळे यांसह शाळेतील सर्व शिक्षक वृंद यांनी केलेल्या मार्गदर्शनामुळे विद्यार्थ्यांनी हे यश प्राप्त केले..
   सर्व यशस्वी विद्यार्थ्यांचे श्रीगोंदा पंचायत समितीचे गटशिक्षणाधिकारी श्री. सत्यजित मच्छिंद्र साहेब , श्रीगोंदा बीटचे  ज्येष्ठ शिक्षण विस्तार अधिकारी श्री. सिताराम भुजबळ साहेब, श्रीगोंदा केंद्राचे  केंद्रप्रमुख श्री. माणिक आढाव साहेब यांनी सर्व यशस्वी विद्यार्थ्यांचे व शाळेचे विशेष अभिनंदन केले.
या यशाबद्दल  जिल्हा परिषद प्राथमिक शाळा व्यवस्थापन समितीचे मा.अध्यक्ष उपाध्यक्ष व सर्व सदस्यांनी शाळेचे व विद्यार्थ्यांचे विशेष कौतुक करून अभिनंदन केले.