• जेऊर प्रतिनिधी: जुन्या लोकांनी उभारलेल्या संस्थेस गतवैभव प्राप्त करून देण्यासाठी निवडणूक लढवत असून मतदार कपबशी समोरच शिक्का मारतील, असा विश्वास आमदार नारायण आबा पाटील यांनी व्यक्त केला. वांगी नं. ३ येथील सभेत ते बोलत होते.

श्री आदिनाथ कारखाना संजीवनी पॅनलच्या प्रचाराची सभा वांगी नं. ३ येथे पार पडली. सभेच्या अध्यक्षस्थानी सुधीरमाऊ रोकडे होते. व्यासपीठावर करमाळा नगरपरीषदेचे नगराध्यक्ष वैभवराजे जगताप, माजी संचालक धुळाभाऊ कोकरे, पांडूरंग देशमुख, जि.प. अध्यक्ष अनिरुद्ध कांबळे, दत्तात्रय आरकीले, माजी सभापती गहीणीनाथ ननवरे, दीपक देशमुख, अजितदादा तळेकर, पोपटदादा सातव, माजी संचालक बापूराव आणा देशमुख, देवानंद बागल, नानासाहेब गोडगे, दत्तात्रय बापू रणसिंग, विशाल तकीक, शेखर तात्या गाडे, धनंजय गायकवाड, विकास गलांडे (सरपंच), मामा सांगावे, मौलाभाई मुलाणी (सरपंच), तानाजी देशमुख, गणेश चौधरी, राव काका देशमुख, नितिनदादा हिवरे, दंसू बापू देशमुख, विहुल शेळके, हिरा चौगुले, विकास अमृळे, विनोद गरड, श्रीहरी कदम, अखलाख जहागीरदार, गणेश जाधव, बाबूदादा रोकडे, अमर आरकीले, भुजंगराव जाधव, बापूराव आरकीले, धनूबापू निंबाळकर, गणेश पाटील, बाबूभाई जहागिरदार, अर्जुन आबा तकीक, वैभव पाटील, भाऊसाहेब तावसे, विकास पाटील, अशोक वाघमोडे, गोपाळ रोकडे, बापू गोडसे आदी मान्यवर उपस्थित होते.

यावेळी बोलताना आमदार नारायण आबा पाटील म्हणाले की, सभासदांनी स्वतःचा मालकी हक्क टिकवून ठेवण्यासाठी ही निवडणूक हाती घ्यावी. उजनी परिसरातील वीज, पाणी व रस्ते याबाबतीत मी कधीही कमी पडलो नाही. या भागातील शेतकऱ्यांना शेतीपूरक मूलभूत सुविधा उपलब्ध करून देण्यासाठी ज्या पदावर असो, त्या पदावरून न्याय दिला आहे. त्यामुळे सभासद मतदार आमच्या पॅनलला विश्वासाने मतदान करतील, असा विश्वास त्यांनी व्यक्त केला.

तर, मोहिते पाटील व आमच्यात विकासकामांबाबत एकवाक्यता होती, असे सांगून करमाळा नगराध्यक्ष वैभवराजे जगताप यांनी विरोधकांवर हल्लाबोल केला. ते म्हणाले, "जगताप कुटुंबातील सदस्यांवर तालुक्याने अनेक वर्षे विश्वास ठेवला आहे. माझे आजोबा, देशभक्त स्वातंत्र्यसैनिक माजी आमदार नामदेवराव जगताप व वडील माजी आमदार जयवंतराव जगताप साहेब यांनी भविष्याचा विचार करून अनेक कामे केली. यामध्ये उजनी, कुकडी पासून अनेक प्रकल्प आहेत. आज आमदार म्हणून जनता नारायण आबांवर प्रेम करते आणि त्यांनी विकासकामात कुठेही कसूर केली नाही."

आदिनाथ कारखान्यास गतवैभव मिळवून देण्यासाठी आम्ही नारायण आबांच्या पाठीशी भक्कमपणे उभे आहोत, असेही जगताप यांनी सांगितले.

प्रास्ताविक महेंद्र पाटील यांनी केले. यावेळी बापूराव देशमुख, देवानंद बागल, पाटील गटाचे प्रवक्ते सुनील तळेकर आदींची भाषणे झाली. उपस्थितांचे आभार नाना गोडगे यांनी मानले.