दौंड प्रतिनिधी अनिल गायकवाड. महाराष्ट्र शिक्षक लोकशाही आघाडी (TDF) चे राज्यस्तरीय अधिवेशन शनिवार दि. 26 एप्रिल 2025 रोजी पालघर येथे उत्साही वातावरणात राज्याचे अध्यक्ष शिक्षक नेते श्री.जी.के. थोरात सर यांच्या अध्यक्षतेखाली यशस्वीपणे संपन्न झाले. सदर अधिवेशनाचे उद्घाटन राज्याचे लाडके उपमुख्यमंत्री आदरणीय एकनाथजी शिंदे साहेब यांच्या हस्ते करण्यात आले. अधिवेशनाच्या प्रथम सत्रामध्ये सर्व शिक्षक बंधू भगिनींना मार्गदर्शन करताना आदरणीय शिंदे साहेबांनी शिक्षण क्षेत्रातल्या अनेक समस्यांवर आपले मत व्यक्त केले व भविष्य काळामध्ये या सर्व समस्या सोडवण्याचे आश्वासन दिले. महाराष्ट्र राज्य शिक्षक लोकशाही आघाडीच्या वतीने आदरणीय एकनाथ शिंदे साहेब यांना शिक्षण क्षेत्रातल्या विविध समस्यांचे निवेदन देण्यात आले यामध्ये प्रामुख्याने शिक्षक व शिक्षकेतर भरती, शिक्षकांची अशैक्षणिक कामे, पवित्र पोर्टल, निवड श्रेणी,पेसा अंतर्गत भरती या समस्यांचा समावेश होता. महाराष्ट्राचे शालेय शिक्षण मंत्री आदरणीय दादा भुसे साहेब यांच्याबरोबर टीडीएफच्या पदाधिकाऱ्यांच्या स्वतंत्र मीटिंग चे आयोजन करून त्या सोडवण्याबाबतचे आश्वासन यावेळी त्यांनी दिले. या अधिवेशनात महाराष्ट्र राज्य शिक्षक लोकशाही आघाडीच्या अपरांत या स्मरणिकेचे प्रकाशन मा.मंत्री महोदयांच्या व उपस्थित मान्यवरांच्या हस्ते करण्यात आले. यावेळी राज्य संघटनेच्या वतीने राज्याचे अध्यक्ष जी. के. थोरात सर व कार्याध्यक्ष नरसु पाटील यांच्या हस्ते माननीय मंत्री महोदय एकनाथजी शिंदे साहेब यांचा सन्मान करण्यात आला. यापूर्वी प्रथम सत्रामध्ये एबीपी माझाचे प्रसिद्ध वृत्त निवेदक प्रसन्न जोशी सरांनी उपस्थित शिक्षक बंधू-भगिनींना मार्गदर्शन करताना शिक्षक हा समाज परिवर्तन प्रक्रियेतील प्रमुख घटक असून त्याचे मोलाचे योगदान स्पष्ट केले तसेच राज्यातील विविध शैक्षणिक समस्यांची चर्चा करून त्या शासन स्तरावर सोडवण्याची आवश्यकता असल्याचे मत त्यांनी व्यक्त केले. येणाऱ्या काळामध्ये शिक्षकांना व एकूणच शिक्षण क्षेत्राला न्याय मिळवून देण्यासाठी शिक्षकांचे महामंडळ असण्याची आवश्यकता असे मत व्यक्त केले. यावेळी महाराष्ट्राचे शिक्षक लोकशाही आघाडीच्या वतीने राज्यातील शिक्षकांचा जीवनगौरव पुरस्कार देऊन यांच्या हस्ते त्यांना सन्मानित करण्यात आले.यानंतर विविध शोधनिबंधांच्या माध्यमातून नवीन राष्ट्रीय शैक्षणिक धोरण, खाजगी कर्मचाऱ्यांच्या सेवाशर्ती यावर चर्चा करण्यात आली. अधिवेशनाच्या दुसऱ्या सत्रात महाराष्ट्र राज्याचे उद्योग मंत्री उदयजी सामंत साहेब यांनी शिक्षकांना मार्गदर्शन करताना येणाऱ्या काळामध्ये महाराष्ट्र शिक्षक लोकशाही आघाडीला शिक्षकांचे सोडवण्यासाठी सर्वपोतरी सहकार्य करण्याचे आश्वासन दिले. तसेच महाराष्ट्र शिक्षक लोकशाही आघाडी ही शिक्षकांसाठी अतिशय कौतुकास्पद कार्य करत असल्याबद्दल संघटनेच्या पदाधिकाऱ्यांचे त्यांनी अभिनंदन केले. यावेळी आदरणीय श्री. उदयजी सामंत,माजी मंत्री राजेंद्र गावित, खासदार डॉ. हेमंत सावरा साहेब,आमदार निरंजन डावखरे, माजी आमदार राजेश पाटील, शिक्षणाधिकारी सौ.संगीता भागवत अध्यक्ष जी. के. थोरात सर कार्याध्यक्ष नरसू पाटील सर यांच्या यांच्या हस्ते राज्यातील शिक्षकांना गुणवंत शिक्षक पुरस्कार देऊन सन्मानित करण्यात आले. यावेळी कोकण विभाग पदवीधर मतदारसंघाचे आमदार आदरणीय निरंजन डावखरे, पालघर चे खासदार डॉ. हेमंत सावरा साहेब यांनी आपली मनोगते व्यक्त करून अधिवेशनास शुभेच्छा दिल्या. या अधिवेशनामध्ये आपल्या पुणे जिल्ह्यातील सहा शिक्षकांना राज्यस्तरीय गुणवंत पुरस्कार देऊन मान्यवरांच्या हस्ते सन्मानित करण्यात आले. तसेच आपल्या पुणे विभागाचे अध्यक्ष प्राचार्य शिवाजीराव कामथे सरांचा तसेच राज्य कार्यकारिणीच्या सदस्यांचा माननीय उपमुख्यमंत्र्याच्या हस्ते सन्मान करण्यात आला यावेळी राज्यभरातून जवळपास 2000 शिक्षक बंधू भगिनी उपस्थित होते आपल्या पुणे जिल्ह्यातील जवळपास 150 पदाधिकारी व शिक्षक बंधु भगिनी अधिवेशनास उपस्थित लावली. कार्यक्रमाचे प्रास्ताविक अधिवेशनाचे स्वागताध्यक्ष आदरणीय नरसु पाटील सरांनी केले तर आपल्या अध्यक्षीय भाषणामध्ये राज्याचे अध्यक्ष जी.के. थोरात सर यांनी संघटनेची गरज व महत्त्व स्पष्ट करून येणाऱ्या काळामध्ये शिक्षकांच्या समस्या सोडवण्यासाठी महाराष्ट्र राज्य टीडीएफ कटिबद्ध असल्याचे मत व्यक्त केले. त्याचप्रमाणे शिक्षकांच्या हक्कासाठी अविरतपणे संघर्ष करण्यासाठी तयार राहण्याचे आवाहन त्यांनी सर्व शिक्षक बंधू-भगिनींना केले. यावेळी त्यांनी सर्व जीवनगौरव पुरस्कार व राज्य गुणवंत शिक्षक/ शिक्षिका पुरस्कार प्राप्त मान्यवरांचे अभिनंदन करून त्यांना भावी वाटचालीस शुभेच्छा दिल्या. त्याचप्रमाणे हा सोहळा भव्य दिव्य देखणा केल्याबद्दल आयोजकांचे आभार मानले व भविष्यामध्ये दरवर्षी अशा अधिवेशन भव्यदिव्य करण्याचा मानस व्यक्त केला. अशा रीतीने अधिवेशनाचा भव्य, दिव्य व नेटका सोहळा उत्साहपूर्ण वातावरणामध्ये संपन्न झाला. हे अधिवेशन भव्य दिव्य,नेटके व दिमाखदार करून सर्वच बाबतीत यशस्वी करण्यात मोलाचा सहभाग असणाऱ्या पालघर येथील जीवन विकास शिक्षण संस्था आणि शिक्षण महर्षी स. तू.कदम विद्यालय आणि सर्व संकुलाचे प्रमुख श्री.वागेशजी कदम, सर्व संचालक मंडळ, प्राचार्य, सर्व शिक्षक व शिक्षकेतर स्टाफ,तसेच महाराष्ट्र टीडीएफचे सचिव के.एस. ढोमसे सर, कोकण विभाग प्रमुख सागर पाटील, संतोष पावडे, पालघर जिल्हा अध्यक्ष गणेश प्रधान, पुणे विभाग प्रमुख शिवाजीराव कामथे सर, नामदेव पाटील सर, मायकल गोन्सालवीस सर, रुपेश वझे, प्रमोद पाटील, सर्व राज्य कार्यकारणी सदस्य तसेच पालघर ठाणे जिल्हा माध्यमिक शिक्षक संघ सहकारी पतपेढीच्या सर्व संचालक मंडळाचे मोलाचे सहकार्य लाभले. या मान्यवरांचे मनःपूर्वक आभार.
वाचक क्रमांक :

अनिल गायकवाड
दौण्ड प्रतिनिधी

पत्रकार कुरुमकर यांनी शैक्षणिक व पत्रकारिता क्षेत्रात आपल्या कर्तुत्वातून उंची वाढवली

यवत येथील मांग गारुडी कुटुंबातील महिला पुरुषांना घरात घुसून मारहाण.केल्या प्रकरणी १२ तरुणांवर (ॲट्रॉसिटी) अनुसूचित जाती अत्याचार प्रतिबंधक कायद्यानुसार गुन्हा दाखल.

पत्रकार कुरुमकर यांचा माध्यमिक शिक्षक सोसायटी व तहसीलदारांकडून गौरव

सांगली ते अहिल्यानगर या एसटीने दौड जिल्हा पुणे येथे प्रवास दरम्यान १९ लाख ८६ हजार किंमतीचे ३२ तोळे १० हजार रोख अज्ञात चोरांनी चोरट्याने चोरुन नेले

कुरूमकर हे पत्रकारितेतील राजहंस - ---- शालेय व्यवस्थापन समितीचे अध्यक्ष नवनाथ उंडे

श्री व्यंकनाथ विद्यालयाकडून वसुंधरा सप्ताह उत्साहात साजरा

महाराष्ट्र शिक्षक लोकशाही आघाडी (TDF) चे राज्यस्तरीय अधिवेशन श्री.जी.के.थोरात सर यांच्या अध्यक्षतेखाली यशस्वीपणे संपन्न झाले.

छत्रपती कॉलेजचे प्राचार्य आणि समन्वयक यांची करिअर कट्टा विविध राज्यस्तरीय समितीवर निवड

कुकडीच्या कालवा सल्लागार समिती बैठकीला मुहूर्त मिळेना !कुकडीच्या उन्हाळी आवर्तनाचा अद्यापही सावळा गोंधळ

वांगदरी गावात बिबट्याचे वनविभागाच्या हलगर्जीपणामुळे पलायन !वांगदरी येथील ग्रामस्थ व कार्यकर्त्यांचा आरोप

संजय गांधी निराधार योजना व श्रावणबाळ सेवा राज्य निवृत्ती वेतन योजने अंतर्गत पात्र लाभार्थीनी आधार कार्ड व्हेरिफिकेशन करुन घ्यावे. दौंड तहसीलदार अरुण शेलार यांचे आव्हान.

रावणगांव हायवे उड्डाण पुलाच्या खाली चालत होता कल्याण मटका जुगार. दौड पोलीसांनी केली कारवाई आरोपी विरुद्ध गुन्हा दाखल.

वांगदरी गावात नागवडें च्या हस्ते कोट्यावधीची विविध विकास कामांचे भूमिपूजन व उद्घाटन उत्साहात संपन्न

पत्रकार कुरुमकर यांचे पत्रकारितेतील अस्र प्रशासनासाठी दिशादर्शक प्रा. राम सोनवणे

मंत्रालयात शिवपानंद चळवळीची सरकारसोबत यशस्वी बैठक संपन्न , महसुलमंत्री चंद्रशेखर बावनकुळेंकडून शिव पानंद चळवळीच्या 9 मागण्या मान्य- लवकरच कार्यवाही

राज्यस्तरीय शालेय निबंध स्पर्धेमध्ये व्यंकनाथ विद्यालयाची आर्या वडवकर जिल्ह्यात पाचवा क्रमांक

पत्रकार कुरुमकर यांचे पत्रकारितेतील कार्य समाजाभिमुख गटविकास अधिकारी राणीताई फराटे

लिंगाळी ग्रामपंचायती मधील भ्रष्टचाराची चौकशी करा ? आंदोलन तात्पुरते स्थगित. कामे न झाल्यास. तीव्र आंदोलन केली जाईल. नरेश डाळिंबे यांचा इशारा

लिंपणगाव ते मुंढेकरवाडी उंबर फाटा नादुरुस्त रस्ता डांबरीकरण काम प्रगतीपथावर!, प्रवासी व वाहन चालकांमधून समाधान

खामगावात येथील सार्वजनिक मंदिरामध्ये विठ्ठल रूखमिनी व संत सावता महाराज याच्या मुर्तीची स्थापना.