पुणे (प्रतिनिधी) : आतंकवादी हल्ल्यास प्रत्युत्तर म्हणून भारत सरकारने दहशतवादा विरोधात सुरू केलेल्या "सिंदूर ऑपरेशन" ला समर्थनार्थ आणखी ताकत देण्याच्या उद्देशाने तसेच ऑपरेशन यशस्वी करण्यासाठी, साथ देण्यासाठी संपुर्ण देशासह महाराष्ट्र व पुणे जिल्ह्यातील माजी सैनिक प्रत्यक्ष युद्धात किंवा सेकंड लाईन मदतीसाठी सक्षम असून प्रत्यक्ष युद्धात तसेच हवाई हल्ला झाल्यास युध्दपूर्व अभ्यासात मॉक ड्रीलचा अनुभव असलेले माजी सैनिक राज्य सरकार व भारत सरकारला शक्य होईल ती मदत करण्यास सदैव तत्पर आणि तयार आहेत असे आवाहन माजी सैनिकांचे लीडर, राष्ट्रवादी काँग्रेस पार्टी माजी सैनिक सेलचे प्रदेशाध्यक्ष तथा महाराणी येसुबाई म्हणजेच स्वराज्यनिष्ठ गणोजीराजे पिलाजीराजे शिर्के यांचे वंशज, माजी सैनिक अधिकारी, शंभुसेना प्रमुख श्रीमंत मा. दिपकराजे शिर्के यांनी केले आहे. 

भारत सरकारने व राज्य सरकारने माजी सैनिकांना देशसेवा करण्याची पुन्हा संधी द्यावी अशा मागणीचे निवेदन पुणे जिल्हाधिकारी साहेब यांच्यामार्फत केंद्र सरकारला देत सन्माननीय राष्ट्रपती महोदय, पंतप्रधान, रक्षामंत्री, महाराष्ट्र राज्याचे मुख्यमंत्री व उपमुख्यमंत्री मा.श्री. अजितदादा पवार साहेब यांना देण्यात आले. 

यावेळी माजी सैनिक सेलचे प्रदेशाध्यक्ष दिपकराजे शिर्के, प्रदेश उपाध्यक्ष श्रीमंत राठोड, प्रदेश सरचिटणीस अमित मोहिते पाटील, प्रदेश संपर्क प्रमुख चंद्रकात गायकवाड, शंभुसेना संघटनेचे मुख्य प्रवक्ते स्वराज्यनिष्ठ गणोजीराजे वंशज लक्ष्मीकांत राजे शिर्के, समन्वयक ॲड. माजी सैनिक राजेंद्र कदम, कॅप्टन बाबू पोळके साहेब, सुबेदार मेजर भूवाल सिंग, सुबेदार संभाजी लांडगे, खेड तालुका अध्यक्ष दत्तात्रय सुक्रे आदी पदाधिकारी उपस्थित होते. सदर समर्थन निवेदनाची माहिती प्रत व माजी सैनिकांच्या भावना टीव्ही न्यूज चॅनेल, प्रिंट मीडिया व सोशियल प्रसार माध्यमांना देण्यात आली असल्याची माहिती राष्ट्रवादी माजी सैनिक सेल कार्यालया कडून देण्यात आली आहे.