नंदकुमार कुरुमकर लिंपणगाव (प्रतिनिधी)- 7 जून पासून मृग नक्षत्रास प्रारंभ झाला आहे. मृग नक्षत्राच्या पहिल्याच दिवशी श्रीगोंदा तालुक्यात पावसाने अनेक भागांमध्ये जोरदार हजेरी लावली. त्यामध्ये उकडगाव; देवदैठण; पिंपरी कोलंदर; राजापूर माठ इत्यादी गावांमध्ये चक्रीवादळाचा जोरदार तडका बसला असल्याची माहिती सूत्रांनी दिली. त्यामध्ये या परिसरातील अनेक शाळांचे देखील पत्रे उडाल्याची माहिती समोर येत आहे. वाऱ्याचा वेग मोठ्या प्रमाणात असल्याने या भागातील झाडे ऊनमळून पडल्याची माहिती देखील समोर येत आहे. मृग नक्षत्रात देखील हवामान विभागाने शेतकऱ्यांना अति सावधानतेचा इशारा दिला आहे. या नक्षत्रामध्ये वाऱ्याचा प्रवाह अधिक असल्याने शेतकरी व ग्रामस्थांनी सतर्क राहण्याच्या सूचना देखील हवामान विभागाकडून देण्यात येत आहे. त्यामुळे चालू वर्षी भरपूर पाऊस पडेल मात्र तितकाच वादळ व वाऱ्याचा प्रभाव देखील मोठ्या प्रमाणात असल्याची माहिती हवामान विभागाकडून देण्यात आली आहे. दरम्यान चालू खरीप हंगामासाठी पावसाने वेळेत व मेगगरजेनेसह हजेरी लावली त्यामुळे शेतकऱ्यांच्या खरीप हंगामा विषयी अपेक्षा वाढल्या आहेत. मिळालेल्या माहितीनुसार शनिवारी दुपारपर्यंत वातावरण स्वच्छ होते. मात्र दुपारी तीन वाजल्याच्या पुढे आकाशात काळे निळे ढग होऊन वादळी वारा व जोराचा पाऊस पडल्याने खरीप हंगामाच्या चालू असलेल्या पेरण्या शेतकऱ्यांनी थांबवले आहेत. हवामान विभागाने देखील 15 जून नंतर शेतकऱ्यांनी खरिपाच्या पेरण्या कराव्यात असे आवाहन देखील करण्यात आले आहे. परंतु शेतकरी मात्र थांबायला तयार नाहीत. अनेक शेतकऱ्यांनी काही प्रमाणात वापसा होत असतानाच पेरण्या व कपाशीच्या लागवडी केल्याचे दिसून येत आहे. परंतु सततचा पाऊस असल्याने कपाशीचे बियाणे व इतर बियाणे वाया जाऊ नये याची दक्षता देखील शेतकऱ्यांनी घेण्याची आवश्यकता असल्याचे कृषी विभागाने स्पष्ट केले आहे. दरम्यान रविवारी आठ जून रोजी सकाळपासूनच स्वच्छ व सूर्य प्रकाशित वातावरण दिसून आले. दिवसभर उन्हाची तीव्रता देखील वाढली. मात्र दिवसभर वाऱ्याचा प्रभाव देखील तितकाच कायम दिसून आला. त्यामुळे वाऱ्याचा प्रवाह हा नेमका कोणता इशारा देत आहे? हे देखील तितकेच शेतकऱ्यांच्या दृष्टीने महत्त्वाचे आहे. सद्यस्थितीला रोहिणी व मृग नक्षत्राचा पाऊस वेळेत बरसल्यामुळे वातावरणात मोठा गारवा देखील निर्माण झाला आहे. शेतकऱ्यांचे विहिरी; कुपनलिका; ओढे; नाले; बंधारे हे देखील तुडुंब भरल्याचे दिसून येत आहे. चालू वर्षी वेळेत पाऊस पडला. परंतु सतत पाऊस पडत असल्याने खरीप हंगाम देखील तितकाच लांबणीवर पडताना दिसत आहे. तर काही भागांमध्ये ज्या निचऱ्याच्या जमिनी आहेत. तिथे मात्र वापसा झाल्याचे दिसून येत आहे. त्यामुळे तेथील शेतकऱ्यांनी बाजरी; कपाशी; मका इत्यादींच्या पेरण्या केल्याचे शेतकऱ्यांकडून सांगण्यात येत आहे. त्यामध्ये अवकाळी व रोहिणी नक्षत्रात पावसाने जोरदार षटकार मारल्यामुळे या तालुक्यातील पूर्व भागात पाणीटंचाई मात्र शिथिल झाल्याचे दिसून येत आहे. आता मृग नक्षत्र सात जून पासून सुरू झालेले आहे. या नक्षत्रात वेगवान वाऱ्यासह अति पावसाचा देखील इशारा देण्यात आला आहे. त्यामुळे शेतकऱ्यांनी देखील शेती उद्योगाची कामे करताना जीवित हानी व पिकांचे नुकसान होणार नाही. याची तितकीच काळजी घेतली पाहिजे. असे देखील कृषी विभागाकडून सांगण्यात येत आहे.
वाचक क्रमांक :

प्रकाश म्हस्के
संपादक

स्थानिक राजकारणात वाढती घराणेशाही — सामान्य कार्यकर्त्यांचं काय?

भारतीय बौद्ध महासभा दौंड तालुका कार्यकारणी जाहीर. अध्यक्ष पदी दत्तात्रेय कोकाटे तर सरचिटणीस पदी दादासाहेब मोरे यांची नियुक्ती

श्रीगोंदा तालुका बुद्धिबळ संघटने कडून बुद्धिबळ स्पर्धा संपन्न.

भांडगाव विविध कार्यकारी सहकारी सोसायटीच्या वार्षिक सर्वसाधारण सभा सुरू असताना हृदयविकाराच्या धक्क्याने शेतकऱ्याचा मृत्यू.

भांडगाव विविध कार्यकारी सहकारी सोसायटीच्या वार्षिक सर्वसाधारण सभा सुरू असताना हृदयविकाराच्या धक्क्याने शेतकऱ्याचा मृत्यू.

कुरकुंभ एम आय डी सी येथील १ लाख ८० हजार किंमतीच्या चंदनाच्या झाडाची चोरी. पाच पैकी चार आरोपी पोलिसांच्या ताब्यात.

कै.मुरलीधर (आण्णा) होनराव जयंतीनिमित्त रक्तदान शिबिर संपन्न

त्र्यंबकेश्वर येथे पत्रकारांवर हल्ला; श्रीगोंद्यात महाराष्ट्र राज्य पत्रकार संघाच्यावतीने कारवाईची मागणी

श्रीगोंदा शहरातील एस मार्ट मॉलला भीषण आग आगीत कोट्यवधींचा माल जळून खाक

दौंड शहरातील अवैध गावठी हातभट्टी दारु विक्री व बेकायदा कल्याण मटका जुगार अड्ड्यावर दौंड पोलीसांची धडक कारवाई

निर्भय महाराष्ट्र पार्टीचे संस्थापक अध्यक्ष जितेंद्र भावे यांच्या उपस्थितीत राहुलकुमार अवचट यांना उत्कृष्ट माहिती अधिकार पुरस्कार प्रदान.

बोरीबेल येथील (डी.पी) विद्युत रोहित्रातील 80 किलो ताब्यांच्या तारा अज्ञात चोरट्यांनी चोरुन नेल्या. दौंड पोलीस ठाण्यात गुन्हा दाखल.

लिंबाच्या झाडाला घेतला गळफास, दौंड पोलीस स्टेशन हद्दीतील मौजे गुणवरे वस्ती येथील धक्कादायक घटना.

पत्रकारांचे समाजभिमुख लिखाण ही काळाची गरज सचिव मेजर भीमराव ऊल्हारे

पेडगाव येथील बंधाऱ्याचे काम अतिशय निकृष्ट दर्जाचे सुरू प्रशासनाच्या अधिकाऱ्यांचे दुर्लक्ष साहेब उघडा डोळे बघा नीट

दौंड तालुक्याचे नाव राज्याच्या पटलावरती नोंदवून प्रथम क्रमांक मिळवला. हरगुण सिंग नाहर. अजित पवार. हर्षवर्धन शितोळे पार्थ गांधले. सुखमिलन सिंग नाहर यांचे सर्वत्र होते कौतुक.

लोकसहभागातून संत सेना महाराज यांचे मंदिर उभारणी

दौंड शहरातील बेकायदा बिगर परवाना गावठी हातभट्टी दारू विक्री व कल्याण मटका जुगार अड्ड्यावर पोलिसांनी केली कारवाई

श्रीगोंद्यात उपमुख्यमंत्री अजितदादा पवार यांच्या उपस्थितीत २९ तारखेला भव्य शेतकरी मेळावा.

श्रीगोंदा तालुक्यात खुलेआम अवैद्य गुटखा विक्री प्रशासनाचे दुर्लक्ष