लिंपणगाव( प्रतिनिधी)- श्रीगोंदा तालुक्यात सर्वत्र आंतरराष्ट्रीय योग दिनाचे आयोजन करण्यात आले होते.  आंतरराष्ट्रीय योग दिनाच्या पार्श्वभूमीवर  तालुक्यातील सर्वच शैक्षणिक संस्थांच्या विद्यालयांमध्ये मोठ्या उत्साही वातावरणात योग दिन साजरा करण्यात आला. प्रामुख्याने शनिवारी  21 जून रोजी सकाळी आठ ते साडेनऊ वाजेपर्यंत या योग दिनाचे आयोजन करण्यात आले होते. त्या पार्श्वभूमीवर तालुक्यातील शैक्षणिक क्षेत्रात अग्रेसर असलेल्या लोणी व्यंकनाथ येथील श्री व्यंकनाथ विद्यालय व ज्यनिअर कॉलेजमध्ये ज्येष्ठ योगाचार्य शिवाजीराव पांडव; दत्तात्रेय सस्ते; अर्जुनराव कुलांगे यांनी विद्यालयातील विद्यार्थ्यांना योग दिनाचे भरीव असे मार्गदर्शन करत योग दिनाचे प्रात्यक्षिके केली. या योग दिनाची प्राचार्य मुख्याध्यापक शिक्षकेतर कर्मचाऱ्यांनी सहभाग नोंदवला. प्रामुख्याने प्रारंभी राष्ट्रगीता नंतर सूक्ष्म व्यायाम यामध्ये मानेचे व्यायाम; हाताचा व्यायाम इत्यादी प्रात्यक्षिके विद्यार्थ्यांसमवेत आयोजित करण्यात आली. तर योगासनामध्ये ताडासन; वृक्षासन; पादाहस्त; अर्ध चक्रासन; त्रिकोणअसन; वर्जासन शशांकआसन; वक्रासन; इत्यादी योगातील प्रकार विद्यार्थ्यांसमवेत साजरे केले. विद्यालयातील विद्यार्थी व शिक्षकांनी मनसोक्तपणे या योग दिनात सहभाग नोंदवला. विशेष म्हणजे योगासनातील दुसरा प्रकार पोटावरीलअसन यामध्ये सायकलिंग; उताणपादाअसन; अर्धहलासन; पवनमुक्तआसन; श्वासन तर प्राणायामामधील कपाल भारती; भसरीकाअनुलोम मिलन; ब्रह्मश्री इत्यादी योगासनातील महत्त्वाचे प्रकार करण्यात आले.

      तर ज्येष्ठ योगाचार्य अर्जुनराव कुलांगे यांनी मयूर आसन; शिरशासन इत्यादी प्रकार साजरे केले. याप्रसंगी आस्थाअसनाने ज्येष्ठ योगाचार्य दत्तात्रय सस्ते व शिवाजीराव पांडव यांनी योग दिनाची सांगता केली. 

याप्रसंगी योगाचार्य दत्तात्रय सस्ते यांनी या योग दिनाचे महत्त्व सांगताना विद्यार्थ्यांनी सतत व्यायाम करावा; सकस आहार करावा; त्यामुळे शरीर तंदुरुस्त राहून बौद्धिक क्षमता वाढली जाते. त्यामुळे दररोज विद्यार्थ्यांनी नियमितपणे योगासने करावीत असे सांगितले. स्वागत विद्यालयाचे प्राचार्य ए. एल. पुराणे यांनी केले. सूत्रसंचालन ज्येष्ठ शिक्षक शिवाजीराव इथापे यांनी केले.