अभ्यास

बोधकथा

श्रीगोंदा शहराची अध्यात्मिक व ऐतिहासिक महती सांगनारे काव्य..! कवी:- कृष्णा भगवान घोलप.

✍️कवी:- कृष्णा भगवान घोलप. ---------------------------------------

धन्य श्रीगोंदा माय धर्मभूमी l
बहूत संतांची हिच कर्मभूमी llधृll

संत शेख महंमद चरनरज आहे l
आणिक नीर वाहे सरस्वतीचे ll

राऊळबाबा गोदड महाराज l
आणिक समाधी प्रल्हाद महाराज ll

मन शुद्ध ठेवा केला उपदेश l
ऐसे संत जाले येथे रोहिदास ll

शिल्पकला साजीरी पाहता मन भरे l
ऐसे राजवाडे आणिक मंदिरे ll

सिद्धेश्वराजवळी वाजे मृदंग टाळ l
पावन जाहला मैनाबाईचा माळ ll

स्वयें पांडुरंगे वसविले शहर l
ऐसे संतभार वर्तताती ll

झेंडाचौक विजय कासया म्हणती l
परतले जिंकोणी रथी महारथी ll

विजयोत्सव जाहलासे जेथे l
झेंडाचौक तेथे साक्ष असे ll

अपशकुनी मानू नका दिल्ली वेस l
शौर्य गाजवले विरांनी पानिपतास ll

पीर आणि सद्गुरू एकचि भाव l
ऐसे चांभारगोंदे सलोख्याचे गाव ll

नारायण अश्व पुढे पालखीला मान l
पंढरीला जाती पायी हिंदूमुसलमान ll

सरस्वती माय दक्षिणेला वाहे l
भीमेला मिळोनी पेडगाव पाहे ll

दक्षिणकाशी महिमान आगळे l
श्रीपूराचे सोहळे काय सांगू ll

वर्णिता महिमान शब्द भांडार दुबळे l
मी तो बापुडा वेगळे कैसे वर्णू ll

अध्यात्म ईतिहास मेळ देखियला l
भाव उचंबळला कृष्णा म्हणे ll

कवि - कृष्णा भगवान घोलप
(मु.पो.पेडगाव, ता.श्रीगोंदा, जि. अहमदनगर)
मो.नं. 9623767218

विनोद

बँक खाते

एक महिला बँकेत गेल्या आणि म्हणाल्या... मला जॉईंट खाते उघडायचे आहे बँक कर्मचारी (पप्पू) - मॅडम, तुमच्या नवऱ्या सोबत काय ? वहिनी - नाही, ज्याच्या खात्यात खूप पैसे आहेत.. त्यांच्यासोबत बँक कर्मचारी बेशुद्ध झाला

डोके चालवा

तुमचे उत्तर येथे क्लिक करून व्हाट्सअप करा

कालचा प्रश्न

राजेश समोर बसलेल्या महिलेला सांगतो की ती माझ्या पत्नीच्या नवऱ्याच्या आईची मुलगी आहे. मग त्या बाईचा राजेशशी संबंध कसा?
उत्तर : बहीण

कालचा प्रश्न

वडिलांनी मुलीला 1 भेट वस्तू दिली आणि सांगितले कि तुम्हाला भूक लागली असेल तर खा. तहान लागल्यास प्या आणि थंडी झाल्यास जाळून टाका. मग ती भेट वस्तू काय असेल?
उत्तर : नारळ