By : Polticalface Team ,11-10-2023
श्रीगोंदा :
क्रीडा व युवक सेवा संचालनालय महाराष्ट्र राज्य पुणे आणि जिल्हा क्रीडा अधिकारी कार्यालय अहमदनगर व श्री छत्रपती शिवाजी महाविद्यालय महाविद्यालय, श्रीगोंदा आयोजित जिल्हास्तरीय सिकई मार्शल आर्ट स्पर्धा खेळीमेळीच्या वातावरणात पार पडल्या. या जिल्ह्यातील दोनशे खेळाडूंनी सहभाग नोंदवला. या स्पर्धेचे उद्घाटन युवक नेते पृथ्वीराज बाबा नागवडे यांच्या हस्ते झाले व कॉलेजचे प्राचार्य डॉक्टर सतीशचंद्र सूर्यवंशी कार्यक्रमाचे अध्यक्ष होते. याप्रसंगी शिकई मार्शल आर्ट चे विभागीय प्रमुख चंद्रकांत राहींज व पारनेर तालुका क्रीडा अध्यक्ष बापूसाहेब होळकर,श्रीगोंदा तालुका क्रीडा अध्यक्ष बापूराव गायकवाड,शिक्षक सोसायटीचे चेअरमन दिलीपराव काटे यावेळी उपस्थित होते.छत्रपती शिवाजी महाविद्यालयातील सात विद्यार्थ्यांची प्रथम क्रमांक मिळवून विभागीय स्पर्धेसाठी निवड झाली. निवड झालेल्या विद्यार्थ्यांमध्ये विशाल काळे, प्रसाद किनकर, अनिकेत चव्हाण, साक्षी गांजुरे, ढगे अनुराधा शबनम शेख सिद्धी वाळुंज यांचा समावेश आहे. वरील सर्व खेळाडूंना महाविद्यालयातील महाविद्यालयातील क्रीडा संचालक प्रा. सतीश चोरमले व क्रीडा शिक्षक प्रा.महेश गिरमकर यांचे मार्गदर्शन लाभले. पंच म्हणून योगेश वागस्कर वैशाली बांगर आणि शुभम राहींज यांनी काम पाहिले व कार्यक्रमाचे सूत्रसंचालन प्रा. शंकर गवते यांनी केले.