By : Polticalface Team ,20-08-2024
दौंड प्रतिनिधी अनिल गायकवाड.
पुणे ता १९ ऑगस्ट २०२४ पुणे जिल्हा मावळ तालुक्यातील मौजे कढदे ता मावळ जिल्हा पुणे येथील बौद्ध वस्तीमध्ये बौद्ध विहाराचे नविन बांधकाम पूर्णत्वास येत असल्याने. पुणे जिल्हा नियोजन समितीचे सदस्य व लोणावळा नगरपालिका मा.नगराध्यक्ष मा सूर्यकांत वाघमारे यांनी बुद्ध विहाराला भेट
देऊन पाहणी केली असल्याचे त्यांनी सांगितले.
या बाबत अधिक माहिती अशी की. महाराष्ट्र राज्य शासनाच्या सामाजिक न्याय विभागाच्या वतीने भारतरत्न डॉ बाबासाहेब आंबेडकर सामाजिक विकास योजनेंतर्ग बौद्ध विहार आणि सामाजिक सभागृहासाठी १० लाख रुपयांचा निधी राज्य शासनाकडून दिला जातो.
केंद्रिय सामाजिक न्याय व अधिकारिता राज्यमंत्री भारत सरकार मा.रामदास आठवले साहेब व महाराष्ट्र राज्याचे मुखमंत्री एकनाथ शिंदे तसेच उपमुख्यमंत्री देवेंद्र फडणवीस उपमुख्यमंत्री अजित पवार. यांच्या सहकार्याने आणि मावळ लोकसभा मतदार संघाचे खासदार श्रीरंग आप्पा बारणे यांच्या विशेष प्रयत्मातून बौद्ध विहाराच्या कामाला अवश्यक निधी मंजूर करून देण्यात आला.
पश्चिम महाराष्ट्राचे अध्यक्ष तथा पुणे जिल्हा नियोजन समितीचे सदस्य आणि लोणावळा नगरपालिका मा. नगराध्यक्ष मा सूर्यकांत वाघमारे यांच्या पाठ पुराव्यामुळे पुणे जिल्ह्यातील मावळ तालुक्यातील मौजे कढदे येथील बौद्ध वस्तीतील बौद्ध विहाराचे काम पूर्णत्वास येत असल्याची माहिती त्यांनी दिली.
काही दिवसांपूर्वी महाराष्ट्र राज्याचे उपमुख्यमंत्री मा अजित पवार यांनी पुणे या ठिकाणी जिल्हा नियोजन समिती सदस्यांची बैठक घेण्यात आली होती. ग्रामीण भागातील वंचित वस्तीचा विकास झाला पाहिजे या अनुषंगाने शासनाच्या वतीने लोक कल्याणकारी व सार्वजनिक विकासात्मक कामकाजाचे प्रस्ताव ग्रामपंचायतीच्या माध्यमातून तयार करून. तत्काळ सादर करण्यात यावेत. असे आश्वासन देण्यात आले होते. त्या अनुषंगाने विविध ठिकाणच्या दलित वस्तीतील अंतर्गत सिमेंट काँक्रीट रस्ते. बौद्ध विहार. मशानभूमी. ड्रेनेज लाईन. रमाई घरकुल योजना. तसेच नवीन अंगणवाडी. आदी कामकाजाच्या अनुषंगाने प्रस्ताव तयार करून देण्या बाबत आव्हान करण्यात आले असल्याचे त्यांनी बोलताना सांगितले.