By : Polticalface Team ,23-08-2024
लिंपणगाव( प्रतिनिधी)- श्रीगोंदा तालुक्यातील राजकीय दृष्ट्या महत्त्वाच्या समजल्या जाणाऱ्या लिंपणगाव ग्रामपंचायतच्या उपसरपंचपदी श्री कृष्णा आप्पासाहेब रोडे यांची निवड झाली आहे. दरम्यान तात्कालीन उपसरपंच विशाल कुरुमकर यांनी नुकताच उपसरपंच पदाचा राजीनामा दिल्याने उपसरपंचपद रिक्त होते. या रिक्त जागेसाठी ग्रामपंचायत कार्यालयात सरपंच सौ समीक्षा ठोमस्कर यांच्या अध्यक्षतेखाली 23 ऑगस्ट रोजी दुपारी २ वाजता सदस्यांची बैठक बोलवण्यात आली होती. यावेळी 17 सदस्य उपस्थित होते. उपसरपंच पदासाठी ग्रामपंचायत सदस्य शामराव लष्करे व कृष्णा रोडे यांनी अर्ज दाखल केले होते. उपसरपंच पदासाठी या दोघांमध्ये एकमत न झाल्याने अखेर गुप्त मतदान पद्धतीने उपसरपंच निवड प्रक्रिया पार पडली. यावेळी कृष्णा रोडे यांना १० मते तर शामराव लष्करे यांना ७ मते मिळाली. ३ मते मिळवून कृष्णा रोडे उपसरपंच पदासाठी निवडून आल्याचे अध्यक्षा सौ समीक्षा ठोमस्कर यांनी जाहीर केले.
या बैठकीस विशाल कुरुमकर; संदीप कुरुमकर; अरविंद कुरुमकर; कृष्णा रोडे; शामराव लष्करे; सौ छाया रेवगे; सौ संगीता अनंत्रे सौ शिल्पा गायकवाड; सौ उषा सावंत; संतोष चव्हाण; सुदाम पवार; सौ सुरेखा गायकवाड; सौ सुरेखा जंगले; सौ शुभांगी सूर्यवंशी आदी 17 सदस्य यावेळी उपस्थित होते. निवडणूक कामी सचिव म्हणून एल व्ही मुरकुटे यांनी काम पाहिले.