By : Polticalface Team ,24-08-2024
दौंड प्रतिनिधी अनिल गायकवाड.
दौंड ता २४ ऑगस्ट २०२४ दौंड तालुक्यातील
श्रावणमास निमित्ताने कै.सुभाष आण्णा कुल मेमोरियल चॅरिटेबल ट्रस्ट आयोजित भव्य भजन स्पर्धेचा बक्षीस वितरण, सन्मान सोहळा व कीर्तन महोत्सव सांगता समारंभ आज यवत ता दौंड जिल्हा पुणे येथे पार पडल्या, या प्रसंगी
जगद्गुरू संत तुकाराम महाराजांचे ११ वे वंशज ह.भ.प श्री गुरु पुंडलिक महाराज देहूकर यांचे सुश्राव्य काल्याचे कीर्तन झाले.जगद्गुरू संतश्रेष्ठ तुकाराम महाराज यांची पालखी सोहळा दौंड तालुक्यातून पंढरपूर कडे मार्गस्थ होत असतो. त्यामुळे तालुक्याला देखील मोठा सांप्रदायिक वारसा लाभला आहे. तालुक्यातील वारकरी संप्रदायातील गायक, वादक, भजनी मंडळांना व्यासपीठ मिळावे या हेतूने. भजन स्पर्धा व कीर्तन महोत्सव सांप्रदायिक भजन मालीका कार्यक्रम आयोजित करण्यात आला होता. दौंड तालुक्यातील विविध ठिकाणांहून या स्पर्धेसाठी वारकरी संप्रदायातील एकूण ८० भजनी मंडळानी सहभाग घेताला होता.
त्यापैकी प्रथम क्रमांकाचे पारितोषिक.श्री.विठ्ठल प्रासादिक भजनी मंडळ, (स्वामी चिंचोली) द्वितीय क्रमांकाचे पारितोषिक. श्री.राजेश्वर भजनी मंडळ,(राजेगाव) तृतीय क्रमांकाचे पारितोषिक. श्री.सावतामाळी भजनी मंडळ.(नानगाव) तसेच उत्तेजनार्थ परितोषिक श्री.विठ्ठल वारकरी शिक्षण संस्था, (डाळिंब) स्वरांगण भजनी मंडळ, (गोपाळवाडी) बोराटेवस्ती भजनी मंडळ, (नांदुर ) श्रीराम भजनी मंडळ, (केडगाव) विभागीय विजेते श्री.विठ्ठल रुक्मिणी भजनी मंडळ, (कामठवाडी) भैरवनाथ भजनी मंडळ, (खडकी) नागेश्वर भजनी मंडळ. (पाटस) संत यादव बाबा भजनी मंडळ, (वडगाव बांडे) विठ्ठल रुक्मिणी भजनी मंडळ, (खोर) यादववाडी भजनी मंडळ. खामगाव विठ्ठल प्रासादिक भजनी मंडळ. (पारगाव) या भजनी मंडळांनी अतिशय उत्कृष्ट प्रकारे गायन वादन करुन उपस्थित वारकरी संप्रदायातील भाविकांचे लक्ष वेधले होते.
तालुक्यातील २५० हून अधिक मंदिराच्या समोर सभामंडप बांधकाम जीर्णोद्धार, तसेच मंदिरांसाठी पर्यटन व तीर्थक्षेत्र विकास कार्यक्रमांतर्गत निधी, मंदिरांना तीर्थक्षेत्र दर्जा मिळवून देणे बाबत. नेहमीच पुढाकार घेतला आहे. दौड तालुक्याच्या सीमेवर असलेल्या पांडवकालीन श्री भुलेश्वर मंदिराला वन पर्यटन मधुन निधी मिळवून देण्यासाठी पाठपुरावा सुरु आहे. श्री क्षेत्र पंढरपूर येथे दौंड तालुक्यातील वारकऱ्यांसाठी. वारकरी भवन नाही. भाविकांच्या सोयीसाठी श्री क्षेत्र पंढरपूर येथे वारकरी भवन उभारणार असल्याचे आमदार राहुल कुल यांनी सांगितले. तसेच ह.भ.प श्री गुरु पुंडलिक महाराज देहूकर यांनी मागणी केल्या प्रमाणे रोटी घाटात श्री.सद्गुरू नारायण महाराज यांचे स्मारक उभारणार असल्याचा विश्वास आमदार राहुल कुल यांनी उपस्थितांना दिला. या वेळी माजी आमदार श्रीमती. रंजनाताई कुल, ह. भ. प. गुरुवर्य श्री.सुदाम गोरखे गुरुजी, ह. भ. प. श्री.सुमंत महाराज हंबीर, ह. भ. प. श्री.सुरेश महाराज साठे, ह. भ. प. श्री.गुलाब महाराज लवंगे, ह. भ. प. श्री.नाना महाराज दोरगे, ह. भ. प. श्री. सोळसकर महाराज, ह. भ. प. श्री.दिपक महाराज मोटे, सौ.कांचन कुल यांच्यासह तालुक्यातील सर्व वारकरी कीर्तनकार, मृदुंगचार्य, गायनाचार्य, हार्मोनियम वादक टाळकरी तसेच वारकरी संप्रदायातील भाविक मोठ्या संख्येने उपस्थित होते.