By : Polticalface Team ,29-08-2024
दौंड प्रतिनिधी अनिल गायकवाड.
दौंड ता २९ ऑगस्ट २०२४ दौंड तालुका राष्ट्रवादी काँग्रेस शरदचंद्र पवार पक्षाच्या वतीने युवा तरुणांनी केला निषेध व्यक्त. या बाबत अधिक माहिती अशी की छत्रपती शिवाजी महाराजांचा पुतळा मालवण येथे कोसळला या घटनेच्या निषेधार्थ दौंड तालुका राष्ट्रवादी काँग्रेस शरदचंद्र पवार पक्षाचे नेते दिग्विजय जेधे यांच्या नेतृत्वाखाली मौजे पाटस ता दौंड जिल्हा पुणे येथील छत्रपती शिवाजी चौक या ठिकाणी निषेध व्यक्त करत आंदोलन करण्यात आले.
या प्रसंगी दौंड तालुका राष्ट्रवादी काँग्रेस शरदचंद्र पवार पक्षाचे नेते जेधे म्हणाले, मालवणची घटना आपल्या सर्वांसाठी अतिशय दुरदैवी आहे. आपल्या महाराष्ट्राचा स्वाभिमान दुखावणारी ही घटना आहे. महायुतीच्या भ्रष्ट कारभारामुळे आज हा काळा दिवस सर्व शिव प्रेमींना पाहावा लागला. छत्रपती शिवरायांच्या पुतळ्या संदर्भात घडलेली घटना महाराष्ट्राच्या इतिहासातील ही पहिलीच घटना असावी. या बाबत पुतळ्याची सदोष आणि निकृष्ट दर्जाची निर्मिती करणाऱ्या कंत्राटदार जयदीप आपटे यांचे विरुद्ध कायदेशीर कारवाई करण्यात यावी. याला कायद्याच्या चौकटीत असलेल्या गुन्ह्यातील कठोरातील कठोर शिक्षा देण्यात यावी,
अशी आंदोलकांनी पाटस पोलिस स्टेशन या ठिकाणी राष्ट्रवादी काँग्रेस शरदचंद्र पवार पक्षाचे नेते दिग्विजय जेधे व त्यांच्या सहकाऱ्यांकडून दि २९ ऑगस्ट रोजी निवेदनाद्वारे मागणी करण्यात आली आहे.
छत्रपती शिवाजी महाराज यांचा मालवण येथे पुतळा कोसळला या घटनेच्या निषेधार्थ दिलेल्या निवेदनात राष्ट्रवादी काँग्रेस शरदचंद्र पवार पक्षाचे उपस्थित पदाधिकारी व कार्यकर्ते यांच्या स्वाक्षरी केल्या असून. या निवेदनात संतापजनक घटनेचा निषेध व्यक्त करण्यात आला आहे.
हे निवेदन देण्यासाठी पारगाव. नानगाव. कानगाव. पाटस. पंचक्रोशीतील सर्व युवा शिवभक्त. छत्रपती शिवाजी महाराज चौक पाटस ता दौंड येथे उपस्थित होते.
या वेळी केतन वयभासे. ओमकार शिंदे. आदित्य पोळेकर. निलेश कथले. संदिप शितोळे. शरद साळुंके. यश जेधे. संदीप शिंदे. अक्षक्य दिवेकर. सचिन दिवेकर. राकेश शेळके. प्रामुख्याने उपस्थित होते.